Luku 20:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya ligo ana bona'magi enali ai bugu egago ai bugu egago hilete komopa'anigu kenasabo bilete ma lite li'ahana: Hena hibe luto ka'alo lilune? Hu'mamofitogati yabe liluta ai ma luto lilina'mu: Hena hibe lite lenali Yonihi keheli meneemibe?

Luku 20:5 Referans Kwoze

Aposolo 13:25

Yoniu lili'na'a su halube'mu nohuto ma luto enoloka ho'ehina: Nani kumu kuyu'afu nohibe lite nekehelibe? Lenali geba hite nehana bomo nani menohube. Ya hu'ehina lenali kehelilo. Ai alihi nemege'i noana bomofihi nani gigusagu su'a kisi he'mi etaluna'a huto bati mehuna bo nohube luto Yoniu ya lu'ehina yabe.

Yoni 3:36

Bo moneuba Hu'mamofihi Pana'a komopa'a emito gi'a liyafa hilina bati huto minoba minoba hilina'mu yabe. To bo moneuba Hu'mamofihi Pana'a kaga'a keheli meemilina to mege'i memalalina ya'ma Hu'mau hima muhi fi etenogo minoba minoba hepa'i melilina'mu yabe.

Yoni 3:26

Ya hilete enali Yonitoga bite ai'a pana'alobo'amagi lu emi'ahana: Tisao, ai kumu lulata nohata bomo Yotani nagami mula beletoga kai hiti mine'aha'ina bomoba kai keheli eto'ahapihe? Ya bomouba ai nagami'i nofolo epalago asaga boana'i aitogago nebabe.

Yoni 1:34

To nani anana abu go'ohube. Ana bo Hu'mamofihi pana'a nohibe lu nolepube, luto Yoniu lu'ehina yabe.

Yoni 1:30

Ya'ma bomofi kumu ma luto lu lepilata nohuna: Bo mone alihi nemege'i noana ai nebe ligito nohibe. Hena'mugope ai koyapa'i analo nohigo alihi nani ito'nifu neketo'ehina yabe.

Matiu 16:7

Ya ligo enali'ani ma lite musi musi ka li'ahana: Lali beleti melise o'ohuta kamo'mu nolibe.

Matiu 21:25

Ya yagi Yoni bona'i nagami'i folo epolo'ehina, ya'mana nagami'i folo epolose'na hiya'agati o'ehibe? Hu'mamofitogati o'ehifi to ma melugu bomagitogati o'ehibe? Ya luto enoloka hago enali ya'mana kaga kehelilete musi musi ka lite ma lite li'ahana: Hu'mamofitogati'na yabe liluta ai ma luto lilina'mu yabe. Hena hu'ehigo lenali Yonihi komopatinigu li menemalabe lilina'mu yabe.

Luku 20:4

Yoniu nagami'i folo epololata hu'ehinanaba kokulumalugu'na ni'ifi fa'mene bona'magi hina ni'ibe?

Luku 20:6

To lali fa'mene bona'magi hina yabe luto liluta asaga bona'i ma nehanamagi efa kosatu'i he'milago hehe hite lahalana'mu yabe. Hena'mugope enali Yoniu lu yege hose bo yabe lite amuya melete keheli neemina yabe lite li'ahana.