Luku 20:25 - Ka Lamana'a Monoꞌi Lu Mu Tifiꞌehina Ka Yabe

²⁵ Ya luto enoloka hago enali sipi bo Sisahi gi'a hiti okaba'a hiti ni'ibe li'ahana. Ya lago Yesu lu epi'ehina: Sisahi nana'a Sisahi emilo to Hu'mamofihi nana'a ya Hu'mamofitogago emilo.

Luku 20:25 Referans Kwoze

1 Koliti 10:31

Nani lenali kalo nona'a ma luto nolube. Lenali nose'na nalune'mu nehitemo to yafi nagami'i nalune'mu to silaga'na hilune'mu Hu'mamofihi gi'a huto huto hilibe lite ya suhi lolo hilabe.

Aposolo 5:29

Ya lite lago Pitau yagi to luga'a aposolo bomagi kaga'anilo nona'a lu epi'ahana: Lali bona'magi kaga'anilo enemege'i memalaluta, Hu'mamofihi ai kaga'asigo mege'i malaluta'mu yabe.

Maki 12:17

Ya ligo, enali: Sipi kaba bo Sisahi meha'a yabe, lite lago ai ma lu epi'ehina: Ya. Ana, Sisahi nasana'a Sisahi emilo. To ana huto Hu'mamofihi nasana'a Hu'mamofihi emilo. Ya ligo, enali hetofa ka nona'a epi'ehinamofi hiti to ai kumu topa hete ka melise fa'mene mine'ahana yabe.

Matiu 22:21

Sipi Lomu kaba bomofihina'a ni'ibe, li'ahana. Ya nelago Yesu ma luto lu epi'ehina: Ya hinogomo Lomu kaba bomofihi nasana'a emilo, to Hu'mamofihi nana'aya Hu'mamofitogago emilo, luto Yesu lu epi'ehina yabe.

Matiu 17:27

Ya hu'ehina lali enele'mo topa ho lalune. Kai nagami hefuto buloto faya huku molobo. To yata'a lilata faya'i lito baga'a li aka huloto efahi bu galata'mu yabe. Kai ya'mana efahi liloto nani kaika hiti takisi he'mitogo su halibe.

1 Pita 4:11

Luga'a enali mono ka lu huto hilanamagi Hu'mamofihi keheli lamana hilete lu epilabe. To luga'a enali bona'i enele'mo bati hilanamagihi ya'ma Hu'mau amuya epilenogo yanatu'i lolo hi epalalabe. Lenali ya suhi ma suhi lolo nehinogo Hu'mamofihi fayahuba bati huto minalibe lite kehelite ya hilabe. Yesu Kilisito ai kumu yabe luto fayaha'auba hu lamana hilibe. Yamofihi sekele mamu'a hiti fana mehena amuya'a hiti aitoga minalina'mu ya'ma minomo tito buto mino bai toto minalibe. Ma'naka.

Luku 20:24

Efahi legeya'a mone li nelepilo. Kiyi'afihi okaba'a hiti gi'a hiti ya'mana efahi legeya'alo ni'ibe?