Luku 20:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ai buto enali enoho su holoto'a foyamo fato bona'mo epinogo kaba hilabe. Yesu ya luto lu epi'ehina kilihe'i yabe. Ya lu epigo boana'magi kehelilete ma li'ahana: Abo, ya'ma kaba bona'magi ya hilalafi? O'e, ya mehilabe.

Luku 20:16 Referans Kwoze

Luku 19:27

Ya hu'ehina enali nani kumu'i gihiti bo meminalane li'ahana fateha'ni enele'mete ete nani nubulo enoho fililo, luto gihiti bouba lu epi'ehina yabe.

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Matiu 21:41

Ya luto Yesu enoloka hago enali ma lite lu emi'ahana: Ai oto ya'ma foipa bona'i enele'mo asaga'i sibina hu epoloto enahalina'mu yabe. Ya huloto ai ana foya'a lito fato bo epinogo kaba nehite kana nose'na'a huto nohinogo enali lite bite foya afo'afihi ai'a luga'a emilana'mu yabe.

Matiu 22:7

Ya hago gihiti bouba italuga logo bigo gimi bo'a enoho lifigo bite koko pana'a enehe'ahana bona'i noha'a gobe posa gibe hite enoho su he'ahana. Ya hilete hepa'ani logo goyoboto su he'ahana yabe.

Matiu 21:34

Alihi nose'na'a li nupa huse kana'a o leba tolago ai lili'nalo pana'a enoho lifigo bai naga'i foyagu lili'na nelina bo nehanalo bi'ahana. Ai nose'na luga'a nimilabe luto enoho lifigo bi'ahana yabe.

Maki 12:9

To ya hago foya afo'afu keheliloto henana hu epalalibe? Ai keheliloto buto ana foya kaba bomagihi asaga'i enoho fililoto'a, foya fato bomagi epinogo kaba hilabe. Yesu ya lu epi'ehina yabe.

Luku 20:15

le'mete bite fegutoga he'mi etete ho fili'ahana yabe. Yesu enoloka ho'ehina: Ya hago foya afo'afu keheliloto hena hu epalalibe?

Romu 3:4

O'e, ya huto meni'ibe. Fato fato bona'magi mi'i malalinafi, faga faga lilanaya aku'i Hu'mau ai'asigo ma'naka lulata bo nohinagihe. Mono bukugu Hu'mamofi kumu fayahi ge'ahana: Asaga kagaka fotogo huto ni'ibe. Ya hu'ehinago kai ka foyalo enele'mo ho tilata, kai kagauba enahalube'mu hibe. Enebe ligilina suhi huto ni'ibe.

Romu 3:6

Ya huto meni'ibe. Hu'mamofihi hapa'a bati mehitita asaga melugu bona'i kaga'ani loko mehitine.

Romu 3:31

Ya nohina'mu lali agoya hu emiloto keya kamofihi lu laga hilupi? O'e, ya huto meni'ibe. Lali Hu'mamofihi agoya hu emiluta ni'igo to keya kamofihi le'mo ho ti fefe lilune.

Romu 6:2

O'e, ya huto meni'ibe. Lali foipana'mu fililata suhi huto foipana lisemofihi ahe'mi su ho'ohune. Henabe luto aku foipana liba liba huto minalune?

Romu 6:15

Henati hilune? Lali keya kalo memino'ohuta Hu'mamofihi lehe'mose'nalo nohuto fa'mene foipa faipana liluta ni'ifihe? Ya huto meni'ibe.

Romu 7:7

Ya'mu lali hena ka lilune? Ya'ma keya ka sibina hu'ehifiye? O'e, ya mehu'ehibe. Keya kauba nani foipana'ni li huto hu neto'ehigo keheli'ohube. To keya ka mone'mofihi kaga lu'ehina: Kai bomofihi ana'ina'a ni'inogo bu goloto kubunaga'i mehobo lu'ehina. Ya melutita nani foipanamofihi hapa'a mekehelutita'mu yabe.

Romu 7:13

To ana hetofa kagauba nani'i noho fili kapogu nele'mo molo'ehifiye? O'e, ya mehu'ehibe. Foipana'niuba ya'ma hetofa keya ka li tiligi soto filise kapogu nele'mo molo'ehibe. Ya huto hetofa keya kauba foipanamofihi hapa'a nelepilibe luto ana hapa'a le'mo huto hu'ehibe. Ya'mu keya kauba foipana le'mo hofa tago nani ya'ma foipana mone hiti be ligi'ehinana sipi'a huto hilibe.

Romu 9:14

Ya huto ni'igo lali Hu'mamofihi hapa'a bati mehu'ehina yabe lilupi? O'e, ya menolune.

Romu 11:1

Ya'mu nani koloka nohobe: Hu'mau ai'a Yuta naga'i he'mi epolo'ehifiye? O'e, ya'ma mehu'ehibe. Nani Yuta bo nohunagi. Abalaha yagapana'a nohube. Nani biha'nimofihi gi'a Beyamini yabe.

Romu 11:11

Nani mone koloka nohobe. Ya'ma Yuta bona'magi li figi gi'ahana'mu Hu'mau enali kumu he'mi su ho'ehinafihe? O'e, ya huto meni'ibe. Ai lu kehelito i behe huto fegutoga bona'magihi enubuto bilube luto, Yuta bona'magi be gelete siko hilabe lu'ehina. Enali enubuto bise'na yana'amu laga'ani epesilina'mu yabe.

1 Koliti 6:15

Mega lenugufauba Kilisitohi gufa'amofihi nekisa'a ni'ina yamofihi menekehelifihe? To Kilisitohi gufa'amofihi nekisa'a mone kapolo a'i hiti le'mo moneko'na hilupihe? Ai ya huto meni'ibe.

Galesia 2:17

To lali Yuta bona'magita Kilisitotoga buto i hepiloto foipanati su halibe luto nohutaya fegutoga bona'i tegi huto foipa nasana lilata nohutogo yana'mu henabe luto lilune? Kilisito ya'ma foipana lilo luto lele'mo bati hulata bo nohifihe? Ya luto meni'ibe.

Galesia 3:21

To Moseu keya ka lu'ehina kauba ya'ma Hu'mau lu limito molo'ehina ka'a be ligilifihe? Ya huto meni'ibe. Keya kauba lali le'mo amuya moloto minolata nohuta nasana ni'itita yamofihi lama'naka luto keya ka lu'ehina kauba foipanati li he'mi letenogo Hu'mamofihi bulo lamana bona'i nehabe luto ligo minaluta kapoti huto hitine.

Galesia 6:14

Nani ya'ma ana'ina'nimufi yana'mu melube. Sipi Boti Yesu Kilisitohi malipu yafalo fili'ehinamofihi ya'ma ka'a moneko kumu liyafa huto lu emilata nohube. Yana'mu yabe luto melugu nasana fulupa ito kisililatana'mu kehelinogo metilibe. To ana huto melugu nasana'mu kehelito mege'i molo'ohunamofihi bu nogogo nele'mo kefefe mehilina'mu yabe.