Luku 18:32 - Ka Lamana'a Monoꞌi Lu Mu Tifiꞌehina Ka Yabe

³² Enali fegutoga bona'magi enayanugu epilana'mu yabe. Ya hilenogo enali kaga bati mehina'a li etelete le'mo sibina hilete okabaluga libi'na he etalana'mu yabe.

Luku 18:32 Referans Kwoze

Luku 23:11

To Helotiu gimi bo'a hiti Yesu kaga foipa foipa'a lu etelete kiya hu ete'ahabe. Ya nehite enali kata mone hetofa fayaha'auba lubo labo lu'ehina katatu'i hepi etelete he'mi etago Pailatiu nohinalo aku'i bu'ehina yabe.

Aposolo 3:13

Ai Abalaha to Isaka, to Yakopu hiti to lali tatatigi asaga'i enali Hu'ma'anifu ai Yesu koko pana'amofihi gi'a liyafa hu'ehina yabe. Ai ya'mana bo fateha'amagi enayanuga epilago Pailatiu lu kehelito le'mo buto bito he'mi etalube'mu hina lenali Pailatihi bulo lenemegesa hu emi'ahana yabe.

Maki 14:65

Ya ligo enali asaga'i: Ho fililune lite moneko ka li'ahana. Yalo bona'i mone'amagi Yesuhi libi'na hete'ani to bu'a ifi tete enaya osatu hoto ma li'ahana: Oho, kiyi'afu koho'ehibe. Lu hokolo hubo. To ya nelago gimi bomagi ana hite enaya osatu he'ahabe.

Matiu 26:67

Ya lilete enali Yesuhi okabagu libi'na nehete osahi emi'ahana. To luga'amagi enayaha osatu bu i polo hi'ahana.

Matiu 16:21

Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Aposolo 2:23

Koyapa'i Hu'mau ai'a ekesa yigito mololoto ai ya'mana bo Yesuhi lenali lenayanugu molo'ehina yabe. To enali kaga li gofa hose bomagihi enayanugu meleletetini malipu yafalo hago fili'ehina yabe.

Yoni 18:35

Ya luto ligo Pailatiu lu emi'ehina: Nani Yuta nagaluguti bo menohube. Kaika bona'i to sipi mono bona'ani enali nanitoga kele'mete e'ahanamo ni'inaya, kaibe, henana hu'ahatabe?

Yoni 18:30

Ya ligo enali ka nona'alo lu emi'ahana: Ma bouba foipa meli'ehinagi kaitoga le'moto meo'ohunagihe, foipana meli'ehitita kaitoga le'moto meotita'mu yabe.

Yoni 18:22

Yesu ya luto lu emigo gimi bo moneuba yatu baga hapa'alo ito lu emi'ehina: Ma bo sipi mono noto kaba bo'mu nohigo henabe luto ya'ma kaga lu noemine? Kelesaka menolifihe?

Luku 23:35

Bona'i luga'a analo ho tite minete gili gili nehago Yuta kaba bomagi Yesuhi kiya hi etete yokolo ka lu etete ma lite li'ahana: Ai fato bona'i enehe'mo'ehina yabe. To ai lusiga luto kokulumaguti o'ehina bo, Mesiau, Hu'mamofihi pana'a nohutomo ai ai'a he'malibe. Enali ya lite bai'i emite mine'ahabe.

Luku 23:1

Ya hilete enali asaga'i ho tilete Yesuhi le'mete Pailatihi bulo bi'ahana.

Matiu 27:2

Enali seni nagatu'i Yesuhi yato naga'i ilete le'mete bite Lomu gamani bo Pailatihi sipi bo nohinamofihi emi'ahana yabe.

Yoni 18:28

To etehi folugu'i enali Kaiyafasihi noha'aguti he'mite Yesuhi sipi gamani bomofihi noha'alo le'mete bi'ahana. Yuta bona'magi ana noha'agu meti'ahana. Hena'mube? Enali Pasa nose'na nalana kana leba tago Yuta bona'magi fegutoga bona'i li gehesa mehilune lite lugufati kolota kolota hu leto lalibe lite ana nonuga meti'ahana.

Maki 15:1

Etehi folugu'i sipi mono bomagi hiti mono ka enelepise bomagi hiti olopa bomagi hiti mono kanisole bomagi hiti asaga'i tutuma'i hite mine'ahabe. Tutuma'i hite Yesuhi yaha'alo seni naga ite le'mete bite gamani koti kaba bomofihi, gi'a Pailati, ai nohinalo le'mete bi'ahabe.

Matiu 20:19

Ya hilete enali Lomu gamanilo nele'mete binogo enali kiya yokolo ka li netete to naga osatu nibi yigilete to malipu yafalo noho fililana'mu yabe. Ya hinogo loegi monegi yegegu aku'i ho tiluna'mu yabe.

Matiu 22:6

Ya nehago luga'a bona'magi ana gihiti bomofihi koko pana'a enayato lilete naga osatu luga'a nebiyigite to luga enoho fili'ahana yabe.

Luku 18:33

To enali nagatu'i biyigi etelete yafalo nili henogo fililoto aku'i loegi monegi yegegu su holenogo ho tilina'mu yabe.

Yoni 18:32

Ya'ma kaga li'ahananamomu'i koyapa'i Yesu ana yafalo filinamofihi hapa'a pana'alobo'a enelepi'ehina ka ya suhi kaga'ani ni'ibe.