Luku 18:1 - Ka Lamana'a Monoꞌi Lu Mu Tifiꞌehina Ka Yabe

¹ To kosele meenehenogo ute etehi nunumu hilana bame ka Yesu lu epito ma luto lu epi'ehina:

Luku 18:1 Referans Kwoze

Kolose 4:2

To kosele'i mehose amuya melete Hu'mamofitoga fokehi nelite nunumu hite Hu'mamofihi loka holata nehite minalo.

Romu 12:12

Lenali Hu'mamofihi bu galana yupahi mineme bite geba hilananauba lenele'mo amuya melenogo lenofokehi lilo. To keta huse'nauba lenalitoga huto nohinogomo komopatinigu fulu huse'na'mu Hu'mau lenehe'malinamofihi geba hite minalo. To asaga yupahi kosele'i melenehenogo Hu'mamofihi loka hete nunumu hilo.

1 Tesalonika 5:17

Asaga yupahi Hu'mamofitoga kehelite lu emilata nehite mehe'mise minalo.

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Luku 21:36

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Galesia 6:9

Ya huto ni'igo ana'ina lamana'amu ya'ma kosele'i mehose amuya moloto lito ho tito hilune. Buto kosele'i melahalutamofihi Hu'mau molo'ehina kana'alo minoba minoba huse nasana li huto hilutana yamofihi legeya'a lilune.

2 Koliti 4:1

Hu'mau ai keke'i luse'namu foya'a yamofihi lu leto'ehinamo ya'ma to komopatigu keta mehina'mu kosele'i kasele'i mehone.

Kolose 4:12

To lenali bonatini mone gi'a Epafalasi ai Yesu Kilisitohi lili'na bo'a lolo hu'ehina bouba ana huto lenali kumu nehafiye luto nolibe. Ai asaga kanagu lenali Hu'mamofitoga loe lae mehise ule'ale hite minete agoya hi emite minalabe luto nunumu huto amuya moloto Hu'mamofihi loka hoto nominabe.

Luku 11:10

Asaga bona'i Hu'mamofihi loka holenogo ai ana'ina epilina'mu lilata nehabe. To bo moneuba ana'ina'mu sa sa huloto li huto hulata nohibe. To bo moneuba kasito begele begele nohigo Hu'mau kafe sigi etolata nohibe.