Luku 17:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Hena hibe luto fatoga bouba aisigo oto Hu'mamofihi gi'a li saga huto fokehi nohabe?

Luku 17:18 Referans Kwoze

Huto Hilina Ka 14:7

Ai ya'ma sipi kaguti kehe ito lu epito lu'ehina: Lenali Hu'mamofihi lu koli fite kehelite ai'a gi'a liyafa hilo. Bona'i guna malalina kana'alo ya'ma hupamone nohibe. Kokulumagu to melugu to hege nagamilugu to ipi opoho nagami'i lolo hu'ehina bo, Hu'mau aitoga lenalapusa fi emite fokehi lite minalo.

Matiu 20:16

Ya luloto Yesu ma luto molo emito lu'ehina: Ya'mana suhi luto bona'i enali alihi alanamagi kohe talana'mu yabe, to bona'i enali kohe tete alanamagi enali alihi bilana'mu yabe.

Matiu 19:30

Ya hu'ehina babu bo luga'a yatai yata'a kohe kohe hite nebanamagi aliha'a yupahi alihi alabe. To babu bo luga'a enali alihi nebanamagi alihi yupahi enali kohe tete bilana'mu yabe. Yesu ya'ma luto lu'ehina.

Matiu 8:12

To Isilaeli bona'i mone'amagi ana kapo'alo tilune'mu nehago Hu'mau fegutoga sipi metepumogu he'mi epalalibe. Fegutoga sipi yibi hiba hiba hilete enabaga heni kofilabe.

Matiu 8:10

Ya luto ana bouba Yesuhi lu emilago Yesu ana ka'a keheliloto ekesa yigi babu lu emi'ehina. Ya huloto boana'i mege'i lefeli'ali hana kaga ma luto lu epi'ehina: Kehelilo. Nani lu nolepube. Isilaeli bo moneuba ya'ma bouba hina'a huto komopa'a li nimi'ehina bu megolata nohube.

Matiu 9:8

To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Luku 17:17

Ya nohigo Yesu kehe ito lu'ehina: Nayahi luga luga su hago bo enele'mo bati hu'ohube. Ya hu'ohuna naeni'a hiya'a nehabe? Enali henabe lite ete Hu'mamofihi fokehi menehabe?