Luku 16:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Mosehi keya kaga'a hiti to lu huto huto bona'magi kaga keye'ahanana hiti Yonihi kanalo mino bati hu'ehina yabe. Ya hu'ehina Yoniu minana kana'aloti oto oto yatai ya'ma yupahi Hu'mamofihi ka lamana'amofihi kapo'a asaga hepatoga huto nohibe. Ya nohigo asaga bona'i amuya melete peninite Hu'mamofihi ana kapo'alo li hokolo hite bilune'mu nehabe.

Luku 16:16 Referans Kwoze

Matiu 21:32

Hena'mube? Yoniu lenalitoga oloto ai mino bati huto minosemofihi hapa hapa'a lenelepi'ehina lenali ai kaga'a keheli meemi'ahabe. Ya hago enali takisi efahi lise bo hiti to mokolo ana'i hiti enali Yonihi kaga'a aliyafa hi'ahabe. Lenali ya'manana huto hina abu ge'ahanaya lenali alihi komopatini i gelehe hite li latahatinigu memele'ahabe, luto Yesu lu epi'ehina yabe.

Yoni 1:45

To Filipiu bo mone Natanielihi sa sa huto bu goloto ma luto lu emi'ehina: Koyapa'i Moseu ma bomofi kumu keya kagu go'ehinamo lali abu go'ohune. Ai Nasalete hepatoti Yosefehi pana'a yabe.

Luku 16:31

ai: O'e luto, enali koyapa koyo'ehina kagamo mekehelise nehanagi to ana huto fili'ehina bo moneuba fili'ehinagati ho tito buto kaga lu epinogomo ka'a ana hite mekehelilana'mu komopa'ani ule'ale hite minalabe, lu emi'ehina. Yesu ya luto lu'ehina kilihe'i yabe.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Aposolo 3:18

Ya hi'ahana koyapa'i Hu'mau kaga mone ma luto kaga lu yege hose bomagihi enabagalo lu'ehina, Mesia'nifu ai gabu gise'na li kofilibe. Ya lu'ehinalo lenali ya'ma suhi li huto hi'ahanauba ana kaga baga i'ehibe.

Luku 16:29

Ya ligo, Abalahau ka'alo nona'a lu emi'ehina: Henabe luto ho lifilube luto, mono buku ni'ibe. Moseu koyo'ehina ka hiti, to Hu'mamofihi ka lu huto hulata bona'mo keye'ahana ka hiti ni'ina yabe. Ana kaga kehelilana'mu yabe, ligo

Luku 10:11

Lenali hepatinigu mumusopauba ligigusagu minana aku'i ana hepatinilo li fopo nohune. Ya'ma lenemegesa hu epite ya nohutagi lenali ka mone'ya kehelilo, Hu'mamofihi Kapo'a anasi lenugufalo o leba notabe lite ana hepato bona'i lu epilo.

Luku 10:9

Lenali yana hepato enebesi'ehilina bona'i enele'mo ye kelete ma lite lu epilo: Hu'mamofihi Kapo'a hokolo hilina kana'a anasi lenalitoga a'o leba notabe lite lu epilo.

Matiu 4:17

Ya'mana kanaloti hapi fito Yesu mono ka ma luto lu epi'ehina: Foipanatiniguti komopatini i gelehe hilo. Kokulumamofihi kapo'a anasi a'o leba to'ehibe.

Luku 9:2

Ya huloto ai Hu'mamofihi kapo'a kumu bite ka lu yege nehete enebesise'na li he'mi he'mi hilabe luto enoho lifi'ehina yabe.

Maki 1:14

To alihi Yonihi naga nonugu le'me mele'ahago, Yesu Galili kapogu nehetito Hu'mamofihi kapo'mu ka lamana'a lu yege nohoto ma luto lu'ehibe:

Matiu 10:7

Lenali bite kaga ma lite lu epilo: Kokulumamofihi kapo'a anasi a'o leba notabe.

Yoni 12:19

Ya nehago Felosi bomagi ai lu emigo ai lu emigo ma lite li'ahana: Bu gete kehelilo. Lali ai be meligilata nohune. Bu galo, noto noto boana'i silaga'magi mege'i melelata nehabe.

Yoni 11:48

Lali mehe'mi etenogo ai amuya moloto nominago yege yege boana'i aitoga kehelite agoya hu emilabe. Enali ya hilenogo Lomu gamani bona'i kehelite lali sipi mono nohati tele bite lali nagati hiti asaga'i enoho fililune'mu habe.

Maki 1:45

Ya luto ho lififa hu eto'ehigo ai aku'i kaga beto huto luba luba higo, asaga bona'i kehelite Yesutoga li gehesa sipi hilune'mu nehago Yesu fa'mene enubu'anilo olopa hepatoga metise nohuto holupagu nohigo bona'magi yege yege hepatogati aitoga e'ahana yabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Matiu 15:11

To bomofihi komopa'agu tilata nohinanauba ana bo le'mo kolo tolata menohibe. To bomofihi ai komopa'aguti fegutoga heleko limilata nohinanauba bo le'mo kolo tolata nohibe.

Yoni 5:4

To kana'amu kana'amu Hu'mamofihi agelo'auba ana nagami gelumu'i li mopo nohigo besi'ehina bo moneuba kohe toto ana gelumu nagamilugu nokago besise'na le'mo ye kolata hu'ehina.