Luku 15:8 - Ka Lamana'a Monoꞌi Lu Mu Tifiꞌehina Ka Yabe

⁸ To mone hiti ni'igi a'i moneuba siliba efaha'a 10 molo'ehina. To mone fenene hinogo, hena nohibe? Ai libi'mo fulu kulu tiloto lito buto noha'a asaga'i lito sa sa nohibe.

Luku 15:8 Referans Kwoze

Luku 19:10

Hena'mugope Kokulumaguti limi'ehina Bouba ai bona'i fenene hi'ahana sa sa huto enele'mo huto hilube luto o'ehina yabe, luto Yesu lu epi'ehina.

Yoni 10:16

To fato fato sipisipi yaga'ni mana bihugu menehana'a enali'i sa sa huloto enele'moto oto li nupa hu epalalube. Enali nogo'ni kehelite ete li nupa hite to kaba bo'ani moneko'isi nohigo moneko'na hite minalune'mu habe.

Efeso 2:17

Ya huto foto'i mine'ahana fegutoga bona'i lenali to lebato'isi gegisagu mino'ohutamo Yuta bona'i lali asaga'i fulunamofihi kaga ka lamana'a lu yege hoto limigo keheli'ohune.

Matiu 5:15

Bona'i enali libi'i li kulu tilete somotu ifi metalibe. Enali ifo hitalo malago nonugu nehana bonatoga kululu tuto fi besa lo baga igo be ge fana tete minelata nehabe.

Luku 15:7

To nani ana huto ma luto lu nolepube. Foipa bo moneuba foipa hapa'a he'mito to komopa'a i gelehe hinogomo ifo muya nehanamagi kokulumalugu gofana hite enegelo bilana'mu yabe. To bona'i yege yege'namagi hapa'ani bati'na ni'ina to komopa'ani i gelehe mehise nehinogomo, enali kumu kokulumalugu yege nesi'a filabe. To foipa bouba, ai foipa hapa'a he'mito, to komopa'a i gelehe hinogomo, lusina hite enegelo bilana'mu yabe. Yesu ya luto lu epi'ehina yabe.

Luku 15:9

To sa sa huba huba hulago alihi efaha'a huto hinogomo, gi'a'agi hiti bona'agi kehe ito ago ma nolibe: Lenali nanilo li nupa hitemo legelo bilune. Efaha'ni fenene higo, yatai bu goto nolube. Ya lu'ehina kilihe'i yabe.

Aposolo 19:19

To luga'a bona'magi ana hite nalisa enehelata nehanamagi buku'ani li nupa hite asaga bona'magi enubulo logogu ge'ahana. To asaga logo ge'ahana bukumofihi mina'a li nupa hite bu gana sipi efahi leka sete 10,000 kina ya'ma huto hu'ehina yabe.