Luku 15:4 - Ka Lamana'a Monoꞌi Lu Mu Tifiꞌehina Ka Yabe

⁴ Lenali bonatini moneuba sipisipi yaga'a babu lite 100 nehago to mone fenene hinogo, hena nohibe? Sipisipi yaga'a yege yege'na holupa hepatoga enehe'mito ya'ma fenene hu'ehinamofihi buto sa sa nohibe.

Luku 15:4 Referans Kwoze

Luku 19:10

Hena'mugope Kokulumaguti limi'ehina Bouba ai bona'i fenene hi'ahana sa sa huto enele'mo huto hilube luto o'ehina yabe, luto Yesu lu epi'ehina.

1 Pita 2:25

Lenali sipisipi yaga suhi hite lopi fite mine'ahanamo yabe. Yatai ya'ma lenemehatinimofihi kaba bo'a ai lenele'mo behe higo aitoga huto hite neete mege'i nemalabe.

Matiu 12:11

Yesu ka'anilo lu epi'ehina: Mone bomaka sipisipi yagaka fuli kanagu keligu limi'ehilina hena hilata ni'ibe? To ana keliguti gufalo lito le'mo lago metilata ni'ifihe?

Luku 13:15

Ya ligo Yesu ka'alo ma luto lu emi'ehina: Lenali fagalo bona'i yabe. Fuli kana'alo lenali asaga'i toki yagatini naga i'ahanati gulu fete enele'mete bite nagami'i epilata nehana yabe.

Romu 2:1

Nalalu'niga, kai ana bona'magihi foipana'ani samahi tito ni'inaya laga'ni menebesibe luto ya nolapiye? To kai henabe luto ana bona'i enifisa ilata nohane? Kai ana huto foipana hulata menohapiye? Kai foipana hulata nohataya kaga meni'ibe. Kai ana suhi luto minalataya ya'mu kubuyaka hino.

Luku 15:3

Ya lite lana kaga'ani Yesu akeheliloto bame ka mone ma luto lu epi'ehina yabe.