Luku 15:29 - Ka Lamana'a Monoꞌi Lu Mu Tifiꞌehina Ka Yabe

²⁹ ana pana'uba afo'afitoga ma lu emi'ehibe: Abo. Kaika lili'nakalo foya kana babu luto mino'ohuna yabe. To kaikamo kehelito minoto'ni akili mehu'ohunagihe. To kaimo meme yaga mone, lagaso'asi mone, menimise mino'ahata yabe. Nafalu'nifu hiti noloto yege fitita'mu yabe. Menimise mino'ahatagihe.

Luku 15:29 Referans Kwoze

Huto Hilina Ka 3:17

Lenali lenalitini'mu ma lite kehelilata nehabe: Lali babu yogo fe'nohi ni'ibe lite bati huto minalune'mu hune nelabe. Lali hena nasana'mu mone sa sa hulata nohune? Ana'ina lilata nohuta yanamofihi nasana'mu mone sa sa mehune lite lilata nehanaya, lenali amuya memele'ahana hapatini mekehelise bona'i mone muhi meni'ina bona'i ate ate li'ahana'a enugufa yapako nehite bu pisi lina bona'i suhi hite nehabe. Ya'amagi ya'ma enali keheli fe lite kehelilana'a mehabe.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.

Romu 10:3

Enali Hu'mau bona'i le'mo bati huse hapa'a yamofihi mekeheli'ahabe. Enali enegekesa'ani keheli'ahanamofihi hapa'a mege'i nemalabe. Enali Hu'mau enele'mo bati huse hapa'a mekehelite aitoga agoya hu meemi'ahabe.

Romu 7:9

Koyapa'i nani keya kamoya mekehelise fa'mene mino'ohuna. To keya ka nanitoga huto hu'ehigo foipana'niuba hekele luto amuya molo'ehibe. Ya higo nani filise kapolo hapi fito moloto fililuta bu'ohube.

Luku 19:21

Kaimo bu kogonamoya hosopa bo nohane, luto ya'ma bouba lu emi'ehina. Fato bona'magi ana'ina melelata nehana kai lilata nohane. Bona'magi nose'na foya'anigu hekelelata nehana kai ya'ma nose'na lilata nohane. Ya'mu kai kumu'i nani koli nohube luto ya'ma lili'nalo bouba lu'ehina.

Luku 18:9

Bona'i luga'amagi lali bati bona'i nohune lite enali'ani enugufamofihi fokehi nehite to fato bona'momu'i enali bati mehana bona'i nehabe lite lilata nehana'mu Yesu ma bame ka lu'ehina:

Luku 17:10

Ana suhi luto lenalitoga hiti ni'ibe. Ya hu'ehinagi asaga'na Hu'mau lu lepolo'ehilina suhi hi su heletemo lenali ma lite lilo: Lali lili'nalo bati mehuta bo yabe. Ana'ina nolutaya ai lali lili'nati ni'ibe.

Luku 15:7

To nani ana huto ma luto lu nolepube. Foipa bo moneuba foipa hapa'a he'mito to komopa'a i gelehe hinogomo ifo muya nehanamagi kokulumalugu gofana hite enegelo bilana'mu yabe. To bona'i yege yege'namagi hapa'ani bati'na ni'ina to komopa'ani i gelehe mehise nehinogomo, enali kumu kokulumalugu yege nesi'a filabe. To foipa bouba, ai foipa hapa'a he'mito, to komopa'a i gelehe hinogomo, lusina hite enegelo bilana'mu yabe. Yesu ya luto lu epi'ehina yabe.

Matiu 20:12

Ya'ma alihi e'ahana bona'i lili'na hupamone kanasi li'ahana mina'ani lali limi'ahata moneko legege suhi luto epi'ahane. Ya hu'ehina lali keta lili'na sipi yege lanalo logobi hiti hiti huto lagabu lili'na li'ohune.

Romu 3:27

Lali ya'ma keheli'ohuto lugufa limo titi hilupi? O'e, ya huto meni'ibe. Mone bouba keya kagalo mege'i mololenogo le'mo bati hilifi? O'e, Ai Yesuhi keheli ule'ale higo yananasiuba le'mo bati nohibe.

Romu 3:20

To bona'i moneuba keya kalo mege'i moloba moloba nohigo keya kauba ana bomo Hu'mamofihi bulo le'mo bati mehilina'mu yabe. Ya'ma keya kauba ana bomofihi foipana'a lepilube'mu nohigo kehelilibe.

Luku 15:28

Ya ligo olopa pana'uba ipa'agu logo bigo okaba huto anagu metise nohuto fegutoga siko huto mino'ehina. Ya hu'ehina'mu afo'afu limito: Atibo, atibo, ligo,

Luku 15:30

To aku'i ya'ma panaka kapo ana'mo hiti efahaka he'mi su ho'ehina pana'mo ai ago bulumaka yagaka nose'na emi'ohutana ai kumu keye lu'ahatagihe.