Luku 15:27 - Ka Lamana'a Monoꞌi Lu Mu Tifiꞌehina Ka Yabe

²⁷ To ai ma lu emi'ehibe: Kogonaka a'oto nohibe. To afokafu pana'ni bati huto nohibe, luto yege nofito bulumaka yaga'a nose'na emi'ohutana keye lu'ehibe.

Luku 15:27 Referans Kwoze

Filemoni 1:16

Yamofihi kele kele panakago anasi yatai menominabe. Yatai mone nesi'a mino lito buto hetofana hiti lolo nohibe. Kilisitohi nagalugu lebesise bo kalalukafu lolo huto alube'mu li bati nohibe. Nanitogati komopa'ni emugo mino'ehinamo kaitoga hiti anamofihi huto le'mo bati huto minalinamo ni'ibe. Aitoga komopaka emitogo Sipi Bomofihi lalameha'agu kogonakamo huto hu ketalina hiti hetofa kele kele panakamo hiti huto hilinagi yamofihi ai kumu lagaka kebesise'na mone hiti huto hilibe.

Aposolo 22:13

To ai oto nanitoga lebato ho tito minoloto lu'ehina: Solio, nalalu'niga kubu bati hino, ligo nani ana'asi bu go bati huto aimo bu go'ohuna.

Aposolo 9:17

Ya luto lulago Ananiasiu buloto ana nonuga tiloto Solihi gufalo yahi li'ehina. Ya huloto ya'ma luto lu'ehina: Solio nalalu'niga. Sipi Bouba noho lifigo noobe. Maga nooto kapogu bu go'ahata bo Yesu ai'a yabe. Kai kubuka aku'i i gili nohinogo Sikalafu'i kaitoga limilibe luto nani'i noho lifi'ehibe.

Luku 15:30

To aku'i ya'ma panaka kapo ana'mo hiti efahaka he'mi su ho'ehina pana'mo ai ago bulumaka yagaka nose'na emi'ohutana ai kumu keye lu'ahatagihe.

Matiu 22:4

To ai koko pana'a aku'i mone'a enoho lifito ma luto lu epi'ehina: Nani bona'i kehe i'ohuna bonatoga lenali bite ma lite lu epilo: Hohe, hohe. Lenali kehelilo. Nani nose'na ali loloba hu'ohube. Nani bulumaka yaga'ni bo'a hiti to yagakafa giliba'a hiti hoto linohi bi'ohube. To asaga'naya ali loloba hugo nose molose huto ni'ibe. Lenali ete ana kata nohuna nose'na nalo.

Luku 15:26

lili'nalo pana'i mone'amofihi kehe igo ago ma loka ho'ehibe: Enali henabe lite ya nehabe?

Luku 15:28

Ya ligo olopa pana'uba ipa'agu logo bigo okaba huto anagu metise nohuto fegutoga siko huto mino'ehina. Ya hu'ehina'mu afo'afu limito: Atibo, atibo, ligo,