Luku 14:3 - Ka Lamana'a Monoꞌi Lu Mu Tifiꞌehina Ka Yabe

³ Keya ka lu epise bo to Felosi bomagihi Yesu ma luto enoloka ho'ehina: Mono fuli kanagu bati huto bona'i enele'mo bati hilina ni'ifi ya hilina meni'ibe?

Luku 14:3 Referans Kwoze

Matiu 12:10

To bo mone yaha'a sibina hu'ehina bo anagu mino'ehina. To Yesu hilina hapa'a li kuguma hu etalune lite bona'i luga'amagi mapahi fite ana nonuga mine'ahana yabe. Enali loka he'ahana: Fuli kanagu'i enebesi'ehina bona'i enele'mo bati huse'iba bati huto ni'ifihe?

Luku 6:9

To Yesu ma luto lu epi'ehina: Nani lenoloka nohobe. To keya kauba fuli kanagu hena hilo luto lu'ehinabe? To bona'i enehe'malo lu'ehifi to enahalo lu'ehibe? Le'mo bati hilo lu'ehifi to le'mo sibina hilo lu'ehibe?

Maki 3:4

Fuli yupapogu nani hetofa suhi hilufi sibi suhi hilube? Bomo le'mo bati hilufi keye lilube? Hiya'a eto'ehina suhi ni'ibe. Lenali ka lu nimilo. Ya ligo enali kaga meluse mine'ahana yabe.

Yoni 7:23

Lenali Mosehi keya ka'a mege'i malalupi lite lenekesa kehelilete fuli kanagu panatini enugufa laga hilata nehabe. Ya hilata nehanamo nani fuli kana'alo bo mone le'mo ye ko'ohunamomu'i lenali henabe lite kafa nehabe?

Matiu 22:35

Ya hago keya ka tisa bo moneuba Yesuhi loka mika hoto mi'i malalube'mu huloto ma luto loka ho'ehina:

Matiu 12:2

To Felosi bona'i luga'amagi ya hanana be gelete ma li'ahana: Fuli kanagu o'e lite li'ahana supo lenali hena'mu ya nehabe?

Luku 14:2

Bo mone gi yahi hofa tago nominana bo Yesu nohina nonuga ti'ehina.

Luku 14:4

Ya ligo ana bona'i enali kaga mone meli'ahana. Yesu ana bo gufa'a le'mo bati huloto he'mi etago bu'ehina.