Luku 14:23 - Ka Lamana'a Monoꞌi Lu Mu Tifiꞌehina Ka Yabe

²³ afo'afu ma luto lu emi'ehina: Kai aku'i buto olopa me kapolo hiti to kifigu hiti analo'i sa sa huloto malo'i enele'mo kefefe huto hepa'ni le'mo kikipa halabe luto enele'moto obo.

Luku 14:23 Referans Kwoze

Kolose 1:28

Hapa'a ya huto ni'inagi le'ali Kilisito kumu luto kaga lu yege hoto leli huto buto asaga bona'i lu epilata nohu'ibe. Le'ali amuya moloto asaga bona'i lipoti epiloto to asaga kaga lu hokolo hu noepito hulata nohu'ibe. Hena'mube? Enali Kilisitotoga mino hepite bati nehinogo Hu'mamofihi bulo enele'moto bilu'ibe luto nohu'ibe.

2 Koliti 5:11

Sipi Bomo lelesa nolinogo nohuta ni'ibe. Yamofihi keheli'ohutoti bona'magihi enegekesa lito ka lamana'a keheli emilo lu epilata nohune. Hu'mau ai hapati asaga'i bu golata nohibe. To lenali ana suhi hite hapa'ni ya'ma komopatinitu kehelilata nehafihe luto nokehelube.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

2 Koliti 5:20

Ya hu'ehina'mu lali Kilisitohi ka'a leli'ali bona'i Hu'mamofihi ka lamana'a lu lepilata nohuta keheliloto lenegekesa lito ya'ma Hu'mau lu lepilata nohina suhi huto nohune. Kilisito kumu Hu'mau lenele'mo fulu hinogo aitoga bite hepilo.

Kolose 1:23

To lenali yatai amuya melete Yesutoga minete komopatini emite minete ka lamana'amofihi yata'a keheli ule'ale hi'ahana kamu'i li pili kete ya'ma legeya'a huto hilinamofihi geba hite kehelise'natini mopo mopo mehilata nohigo ya hite minalo. Ya'ma nani Poluita, ka lamana'a nasanamofihi kele kele bo nohuna, asaga bona'i melugu neminanamofihi ya'ma nani ka lu yege holata nohunamofihi, ya'ma kehelilo.

Romu 10:18

To nani mone koloka halube. Ya'ma Yuta bona'magi Hu'mamofihi ka'a keheli'ahana meni'ifihe? O'e, enali akeheli'ahana yabe. Mono bukugu ma fayahi ge'ahana: Lu yege hose bona'mofihi nogo'ani asaga melugu hepatoga bula ola higo, boana'magi keheli'ahana. To ya'ma mono kaga'ani biba biba nohigo, silaga kapoluga boana'magi keheli'ahana yabe.

Aposolo 28:28

To Polu mone kaga hiti lu epi'ehina: Yatai nani Hu'mau enubuto bilata kaga'a lu nimi'ohuto fegutoga bona'i nehanalo noho lifi'ehinagi enali ana ka lamana'a kehelilune'mu nehabe.

Aposolo 18:6

Ya luto lu epina enali ana ka'a keheli komopa'anigu memolose kiya hi etelata hago Polu ya nehagomo hulata nohina'a huto gukete'agati mumusopa i tili nohuto ma luto lu epi'ehina: Lenali lenugufatini le'mo lenubuto mebilana ya lenali hapatini'mu luto yabe. To nani yananalo kaba mehu'ohube. Yatai ya'maloti fegutoga bona'i nehanaga buloto Yesu kumu enali'i lu yege hoto minaluna'mu yabe.

2 Koliti 6:1

Hu'mamofihi le'mo bati nehana bona'i lali lenegekesa lito ma luto lu lepilata nohune. Hu'mamofihi lehe'mose'na'a molo lepalalina buto fa'menena lolo mehino.

Aposolo 9:15

Ya ligo Sipi Bouba lu emi'ehina: Kai bubo. Ai nanitoga komopa'a nimilina bo le'mo ho ti'ohuna ai nani nigi'ni liloto fegutoga bona'i to enikibina bona'i hiti to Isilaeli bona'i asaga'i enalitoga lu yege homofa'na hilina'mu yabe.

Matiu 21:43

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Aposolo 16:15

Ai kaga keheliya ina'mu luto ai'a hiti lalameha'a hiti mono nagami'i fele'ahana yabe. Ai nagami'i afololoto ma luto kaga lu limi'ehina: Nani kumu Sipi Bomofitoga komopaka bati huto emi'ahane lite keheli'ehitemo nani noha'niluga ete minalo. Ya luto ana'uba koyo koyo bito kehe ina'mu luto noha'aluga buto mino'ohuta yabe.

Luku 24:29

Ya nohigo etali yato lite le'mo melelete ma lite lu emi'aha'ina: Yege alimi folose'na nohina sinihi gilina'mu yagi kai le'ali hiti buto kalune. Ya la'igo Yesu etali nonuga tite mine'ahana yabe.

Matiu 5:41

To bo moneuba ana'ina'a nehe'moto lito buto emasilo limilane linogomoya kai he'moto buto ai lu'ehina be ligito foto'alo emibo.

Luku 14:22

To ya ligo kele kele pana'a buto ana huloto oto: Afo'niga, ya'ma lu nimi'ahatana to hepa'i keleko mone'i hibe, luto lu emigo

Luku 14:24

To ka'ni mone lu nokumuna keheli'ohubo. Enali yata'a elesa molo'ohunamofihi bona'magi enogomo meepilunagihe. Nose'na'ni menalabe luto noluna yabe. Yesu ya lu'ehina bame ka yabe.