Luku 14:15 - Ka Lamana'a Monoꞌi Lu Mu Tifiꞌehina Ka Yabe

¹⁵ To ana nose'nalo gehesa hi'ahanamagi moneuba kehelito Yesuhi ka'alo alu emi'ehina: Hu'mamofihi Kapo'alugu nose'na nalune'mu nehite li gehesa hilanamagi enofokehi lilanamo ni'ibe.

Luku 14:15 Referans Kwoze

Huto Hilina Ka 19:9

Kaga ya luto huto higo agelouba kaga mone ma luto lu nimi'ehina: Kai ya huto fayahi koyobo. Hu'mamofihi sipisipi nala'a ya'ma a'i le'mo emilina kana nose'na nalabe luto elesa molo epi'ehina bona'a enali kehelilabe luto lenofokehi lilo. To mone hiti lu nimito ma luto lu'ehina: Ka nokelepuna ya'ma Hu'mamofihi ka legeya'amofihi lamana'a lu nokumube.

Luku 22:30

To Kapo'nilo lenali nose'na nete to nagami nete hita'nilo hilabe. To lenali gihiti bomagihi kefa hisalo minelete ma melugu nayahi luga luga su hoto nigigusagati loemo heleko malago ya'ma Isilaeli naga'i nehana enali kaga'anilo kaba hilete nehite ya huto kaga latagi lite keheli epalalana'mu yabe, luto Yesu aposolo pana'a lu epi'ehina.

Luku 13:29

To boana'i yege notinagatifi yege limi nofalanagatifi to luga luga yofo kegi'atifi li nupa hi su helete Hu'mamofihi hepa'alo minete nose'na nete minalana'mu yabe.

Matiu 25:10

Enali enekesa fe melina yafana'magi kalasini mina filune'mu a'nebago ya'mana bo liha'a yanugu lilube'mu hina bo neheti'ehina. Ya higo enali lele hite minana yafana'i ana bo hiti nonuga tilete ana bouba liha'a hiti etayanugu li'igo ana gukete nose'na babu lite nete mine'ahana. Ya nehago ana noto kasihi hekini lo'ehina yabe.

Luku 12:37

To kaba bo'aniuba oto koko panana'a bu enagalina enubu'i mekese geba hite nehinogomo yalo ana koko pana'alobo enofokehi halabe. Nani lu nolepube. Sipi bouba ai'a kata'a li hupa mone huto hepiloto'a to gilimi'a iloto hitalo enele'mo moloto ai'a nose'na gabu ito epilina'mu yabe.

Matiu 8:11

Lenekesu meheno. Asaga'i yege notinagati noliminagati fato fato hepatogati ete'ani Hu'mamofihi kapo'alo Abalahagi, Isakagi to Yakopugi li nupa hilete minete'ani nose'na nalabe.

Luku 22:16

Nani lusiga ma'naka luto lu nolepube, nani aku'i mone hiti Pasa nose'na lenali hiti menose nohinogo ananamofihi nose'na legeya'a li huto Hu'mamofihi Kapo'alo hilina'mu yabe.