Luku 13:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya hu'ehinogo mone kufu kanagu legeya'a halifi bu goloto menohenogomo kai ana yafa hetigilane, luto foya kaba bo'auba sipi bo'amofihi lu emi'ehina yabe.

Luku 13:9 Referans Kwoze

Yoni 15:2

Nanitogati yafa moneuba ya'ma legeya'a mehalina'a yamofihi laga hu he'milina'mu yabe. To yafa mone'mofihi legeya'a helenogo legeya'a silaga'i halibe luto noluto sibina hina'a laga hu he'mi he'mi nohibe.

Hibulu 6:8

To me'i monetoga foyaguti kifina to kifi kaso'a hiti nasanago mino baga ilata nohina'mu yabe luto ka me'i lolo huto minana'mu Hu'mau gumi'i halifi mehalibe ai foya'a yabe. To ana metoga logouba lalube'mu hibe. Ya'ma fono kaguti me kumu lu'ohuna yamofihi me'mofi kumu menolube. Bona'magi kumu lu moloto nolunagi kehelilo.

1 Tesalonika 2:15

Yuta bona'i enali Sipi Bo Yesuhi he'ahana to Hu'mamofihi ka'a lu yege hose bona'i hiti enehe fili'ahana to lali'i legene mane ite lehete li he'mi'ahana. Enali kumu Hu'mau keheligo ipa'a sibina nohina yabe. To enali bona'i asagatoga luba sabo hilata nehana yabe.

Luku 13:8

Foya kaba bo'auba ma luto sipi bo'a lu emi'ehina: Sipi bo, kai yatai kufugu mone'a he'mitogo ni'inogo nani ana yafa hapa'agu ke'muya kifiloto kifi'na pata sito foba hu'ehilina ana hapa'alo molo bego hilube.

Luku 13:10

Mone fuli yupahi Yesu mono nonugu minoto bona'i mono ka lu enelepi'ehina.