Luku 13:23 - Ka Lamana'a Monoꞌi Lu Mu Tifiꞌehina Ka Yabe

²³ Ya nohigo bo moneuba ma luto Yesuhi lu emi'ehina: Sipi bo, Hu'mau bona'i loe'asi enele'malina ni'ifihe? Ya luto loka hago Yesu ma luto lu epi'ehina:

Luku 13:23 Referans Kwoze

Matiu 7:14

To hetofa hepato buse kapoya ai kitili'i ni'igo ana kapomofihi lili'na'a ule'ale huto lise suhi huto ni'ibe. Ya hu'ehigo mone'isi mone'isi boana'magi ana kapolo sa hite bilata nehabe.

Matiu 22:14

Yesu kaga'a lu pa so su hoto lu'ehina: Hu'mau bona'i babu lito kehe ilata nohibe. Ya huloto ai ana bonaluguti mone'isi mone'isi enele'malina'mu yabe, luto Yesu lu epi'ehina yabe.

Matiu 20:16

Ya luloto Yesu ma luto molo emito lu'ehina: Ya'mana suhi luto bona'i enali alihi alanamagi kohe talana'mu yabe, to bona'i enali kohe tete alanamagi enali alihi bilana'mu yabe.

Matiu 19:25

Enali koko pana'a ya'mana kaga'a kehelilete topa helete ma lite li'ahana: Ya latago minoba minoba hepa'i kuyu'afu lilinabe? lite Yesuhi loka he'ahana.

Luku 13:22

To Yesu sipi hepa'ifi lagaso hepa'ifi ninalo bula ola huto boana'i mono kaga lu epimo lu epimo Yelusale hepatoga bilube'mu hu'ehina yabe.

Luku 13:24

Lenali felisatini li amuya melete minalana Hu'mamofihi hepatoga bilana kapogu kitili'a folo hokolo hite bilana'mu yabe. Nani lu nolepube. Asaga bona'i ana hite ana kapogu folo hokolo hite tilune'mu hilanaya folo hokolo hite metilana'mu yabe.