Luku 13:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya hinalo a'i mone foipa feleuba besise'na le'mo gufalo malago 18 kufu'a mino'ehina a'i mino'ehina. Ana a'i asaga yupahi koli'ali huto ho tito humofa'na mehuse minolata nohina a'i yabe.

Luku 13:11 Referans Kwoze

Luku 8:2

To ana huto ana'i luga'a Yesu enebesise'nafi to foipa fele li he'mi epalana mege'i melete bi'ahana yabe. To analuguti moneya Maliau yabai Magatala hepalo a'i yabe lite gi'a helata hana ailuguti koyapa'i Yesu foipa fele nayahi mone kegi'a su huto mone kegi'ati loemo heleko malago li he'mi eto'ehina yabe.

Luku 13:16

Ya hu'ehina yatai ma a'i Abalahahi tata'afu yabe. To Satau kufu kanagu 18 le'mo naga i'ehina yabe. Ya hu'ehina fuli kanalo nani ana naga'i ya li gulu noho etobe luto Yesu lu'ehina yabe.

Luku 8:27

Yesu botiguti heleko limito nagami kehetoga gigusa notigo bo mone foipa fele ailuga nina ana hepatoti Yesutoga o'ehina yabe. Ana bo koyapa'i gufa'alo gukete'a mehepise gufa yapako kifi kifi kene mala mala hepa'i ninalo bula ola huto muli'mogu minolata nohina bo yabe.

Aposolo 4:22

To Pitaugo Yoniugo topa ho'ehinamo sipi lili'na li huto hite le'mo bati hi'aha'ina bo ai koyapa bo kufu'a 40 li he'mi'ehina bo yabe.

Luku 8:43

A'i mone mino'ehina asaga yupahi golaha'a he'miba he'miba huto minago kufu'a nayahi luga luga su hoto mone kegi'ati loemo heleko malago minoto asaga yogo fe'noha'a lusa gi etana bona'magi epi su hana mone ana lusa bona'magi nobesinana li felele mehi'ahana yabe.

Maki 9:21

To Yesu ana pana'mofihi afo'afihi ma luto loka ho'ehina: Panaka henaki kanagu ya huto mino'ehibe? To afo'afu: Koyapasana, lagaso'asi nohinati ya suhi lu'ehibe.

Aposolo 3:2

To Hetofa Kasito yabe luto gi'a nina kasito bo mone gigusa'a sibina lo'ehina ito'afu keto'ehina mino'ehina. Asaga yupahi ya'mana kasito le'mete ete he'mi etago nohuto boana'i mono nonugu elata hanamagihi efa kumu kehe ito nominana bo yabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Luku 13:12

Yesu ana a'i bu goloto kehe i emito ma luto lu'ehina: A'ise, kai kebesise'naka ali nohe'mi ketobe.

Luku 21:28

Ya'manana hapi fito huto hilube'mu nohinogomo lenali ho tilete latahatini li saga hilo. To Hu'mau lenele'malube'mu hilina kana'a huto hilina'mu yabe.