Luku 12:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya hu'ehina to bo moneuba nani'i megesa hu nimito boana'magi enubugu buya hinogo minalina nani ana huto megesa hu emito Hu'mamofihi agelo'amagi enubulo minaluna'mu yabe luto Yesu lu'ehina yabe.

Luku 12:9 Referans Kwoze

2 Timoti 2:12

Keke'i luse nasana lugupisalo notinogo yamofi kumu yabe luto kosele'i melehenogo fa'mene kofiluta ya'mu ai hiti hepito minoto ai kapolo kaba hilune'mu hune. Ai kumu lemegesa hu emilenogo ai ana suhi huto megesa hu limilina'mu yabe.

Luku 9:26

To bo moneuba nani kumu to kaga'ni enelepise'namo'mu lesa linogo to megesa hu niminogo aliha'a Kokulumaguti limi'ohuna Bo hiti Hu'ma hiti agelo'amagi hiti ya'ma fana mehenaguti alana yupahi ana bomofihi nemegesa hu noemito minalube.

Maki 8:38

To bo moneubafi ya'ma ka mekehelise foipa nehana kanagu nani kumu to ka'nimu megesa hu nimilenogo, nani Kokulumaguti limi'ohuna Bomofita, alihi ana huto nemegesa hu emito minalube. Nani alihi afo'nifu nele'mo bati hulenogo to fana meha'ni besa lago nohuto'ni to hetofa agelomagi hiti aluna kanagu nani ana bo'mu nemegesa hu emito minalube. Yesu ya luto lu epi'ehina yabe.

Matiu 10:33

To mone bouba Yesuhi pana'a menohube luto nigi'ni li fala kito minalina nani ana huto ai gi'a Afo'nifu kokulumalugu nohina bomofihi bulo li fala kiluna'mu yabe, luto Yesu lu epi'ehina yabe.

Huto Hilina Ka 3:8

Ai ya'ma lenali kumu ya luto nolibe: Nani lolo hite melete hilata nehanamofihi hapa'a keheli'ohube. Keheli'ahafihe? Nani lenubulo kafe mone sigi lepelenogo ya'ma moneuba kafe gi hekini melalube'mu hibe. Lenali amuyatini nesi'asi ni'ina ya'ma keheli'ohube. To sibigopa ya'ma kaga'ni li pili kete lite minete nigi'ni ya'ma mehe'mi'ahanamo ni'ibe.

Matiu 7:23

Ya lite nelinogo nani ma luto lu epiluna'mu yabe: Nani lenali'i mekeheli'ohube. Foipa faipa bona'i lenali mino koli hite abufa hilo.

1 Yoni 2:23

Enali Hu'mamofihi pana'amu enemegesa hi emilana ya'ma ana suhi huto afo'afi kumu hiti enemegesa hi emilabe. To enali pana'aloga hepito minete ai Hu'mau ho lifi'ehina bo, Kilisito nohibe lite lu huto hilana enali afo'afitoga ana huto neminabe.

Matiu 25:12

Ya lago ai sipi bouba ma luto lu epi'ehina: Nani lenali'i mekeheli'ohube lu'ehina yabe. Yesu ana bame ka mone'a hiti molo emiloto ma luto lu epi'ehina:

1 Yoni 2:28

Palala'ni pana'nimagitabe, lenali komopatini bati hinogo minete Kilisitou ai nehetilina kana'a huto hu lamana nohinogo koli mehise amuya melete nehago olenogo lubuya mehuse minalune lite ai'a komopa'agu minalo.

Matiu 25:41

To nani nayahi soga'niga nehana bonatoga i behe huloto ma luto lu epilube: Lenali foipa bona'i. Lenali logo mesobose logo loba loba huto nina hepatoga bilo. Ya'mana logo Afo'nifu Sata hiti foipa fele'a hiti mesobose loba loba logo go epolo'ehinalo yabe. Lenali analo bilo.

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Luku 15:10

To nani ana huto, ma luto lu nolepube. Foipa bouba sibi hapa'a he'mito to komopa'a i gelehe hinogomo, Hu'mamofihi agelomagi ya'ma bomofi kumu yege filana'mu yabe.

Luku 22:57

Ya ligo Pitau o'e luto luloto lu'ehina: Apa'niga. Nani ana bo mekeheli'ohuna bomofi kumu nolane.