Luku 12:56 - Ka Lamana'a Monoꞌi Lu Mu Tifiꞌehina Ka Yabe

⁵⁶ Lenali faga fagalo bona'i. Lenali me'i hiti kokuluma'i hiti bu go bati hilete hena huse'na ni'ifi lite bu galo. Ya hu'ehina lenali hena hibe lite yatai kanamofihi hapa'a ya'ma nani kumu'i bu go bati menehabe? Yesu ya luto lu'ehina.

Luku 12:56 Referans Kwoze

Matiu 16:3

To etehi sopohi giloto kokuluma'i safa logo nohigomo yasi hiti ko'i yatai ilibe lite lilata nehabe. O'yo, lenali bati hite kokulumamofihi meha'a be gelete loko hilata nehabe. Ya nehana lenali yatai kanamofihi meha'a be gelete loko mehilana nehabe.

Matiu 11:25

Ya'mana yupahi Yesu ma luto lu'ehina: Oho. Afo'niga, kokuluma'i hiti me'i hiti sipi kaba bo'a nohane. Kai ana'inaka kehelise bona'magihi enubulo li fala nokito to kai lagaso yagapana'magihi enubulo li huto hulata nohata'mu nani kofokehi lito bati huto yabe luto kegepohi nolube.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

Matiu 6:2

To fe'noha'a meni'ise bomofihi ana'ina he'moto emilube'mu nohutomo, kai fagalo bona'magi mono nonugu hila to kapo napagu hila nehana'a huto bona enubugu fi yotili katili ito bula ola mehubo. Ya hilata nehana bona'iya enali boana'magi bu lagalabe lite hilata nehabe. Nani lusiga luto lu nolepube. Enali alihi melilana mina'ani yatai alite neminabe.