Luku 12:53 - Ka Lamana'a Monoꞌi Lu Mu Tifiꞌehina Ka Yabe

⁵³ Ya hite loko hilete afo'anifu panana'a enele'mo fatehi lolo nohinogo to pana'amagi afo'anifihi le'mo fatehi lolo hilabe. To ito'anifu pa'a enele'mo fateha'a lolo nohinogo pa'amagi ito'anifihi le'mo fatehi hilana'mu yabe. To a'mofihi lito'afu le'mo fatehi nohinogo ana a'uba lito'afi le'mo fatehi hilina'mu yabe.

Luku 12:53 Referans Kwoze

Matiu 24:10

Ya'mana yupahi babu boana'magi komopa'ani sibina hinogo enogo'anigihi enele'mete bite fateha'animagihi enayanuga nebite to enali'ani enogona'ani fateha'ani enele'moloto hilana'mu yabe.

Matiu 10:35

Nani fatehena li huto hilube luto limi'ohube. Bouba afo'afihi le'mo fateha'a lolo hilina'mu yabe, pa'animagi ito'anigihi fateha'ani enele'mo lolo hilana'mu yabe, to a'uba baha'amofihi ito'afihi fateha'a le'mo lolo hilina'mu yabe.

Luku 12:52

Yatai hiti aliha'a hiti lalamehi nayahi mone kegi'a su hago moneko nonugu neminabe. Ya nehana loko hite loe naga'i hilete loegi monegimagi loelo fateha'ani etele'mo lolo nehinogo to loemale'i loegi monegimagi enele'mo fatehi hilana yabe.