Luku 12:39 - Ka Lamana'a Monoꞌi Lu Mu Tifiꞌehina Ka Yabe

³⁹ To ka mone hiti lipoti nolepugo ya'ma kehelilo. To nohi afo'afu guminalo bouba oto noha'aguti gumina lilina kana'a keheli'ohutomo ai he'mi'ehigo noha'aguti tito gumina lilata menohibe. To hena'mugope ai kaba gimi gito minolata nohigo yabe.

Luku 12:39 Referans Kwoze

2 Pita 3:10

To Sipi Bomofihi kana'a ya huto hilina luba kala bona'magi kofohi nemalago otopa nehana ya suhi huto ana kana'uba henetilina'mu yabe. Ai huto nohinogo kokuluma'uba ko kililika sipi luto buto hokolo hilina'mu yabe. To kokulumagu ana'ina sonofi'i silaga'i ni'igo bu golata nohuta nasana'ya asaga'i logouba lo su henogo fa'menena lolo hilina'mu yabe. Ya hilenogo melugu to me'mofihi gupisa'alo ana'ina silaga'i logouba ana huto lo su hoto fenene hilina'mu yabe.

Huto Hilina Ka 3:3

Lenali ana'ina li nupa hite fi lehe toto lu lepito lenegekesa li'ehinamo le'mo kosaba hite li pili kete lite nehite foipanatini he'mite komopatini li gelehe hilo. Li gelehe hite kaba hite meminalana ya'ma luba li lepilube'mu hube. Kana'a nomolona ya'ma lenali mekeheli'ehinogo gumina baukalo bona mone'mofihi suhi huto mele'isi oto henetilube'mu hube.

Huto Hilina Ka 16:15

Kehelilo. Nani gumina baukalo bona'magi suhi huto topa nehenogo henetiluna'mu yabe. Ya nehinogo luga'amagi enali enugufa yapako minalanamagi ya'ma enubuya hu laligi komopa'ani kosaba hinogo minete gukete ikolo bi etete kaba hite minalana enali enegelo bilune'mu habe.

Matiu 6:19

Lenali ma melugu hetofa hatofa fe'nohatini li nupa mehilo. Ma melugu molepa kafamagi hiti to kagopa logose'nauba anana anana li sibina hulata nohigo to guminalo bomagi kafe sigite gumina felelata nehabe.

Matiu 24:42

Ya hu'ehinagi lenali Mesiau alina kana'a mekeheli'ahanagi kaba hu bati hite minalo.