Luku 12:24 - Ka Lamana'a Monoꞌi Lu Mu Tifiꞌehina Ka Yabe

²⁴ Namamagi lenubu galo. Enali nose'na hekelete nose'na li nupa hite to nose'na noha'anifi to ana'ina'ani malalana noha'ani meni'ibe. Ya hu'ehinagi Hu'mau nose'na epilata nohibe. To lenali Hu'mamofihi bulo boana'magita namaya enehete enebe ligite nehabe.

Luku 12:24 Referans Kwoze

Matiu 10:31

Ya hu'ehinagi lenali koli mehilo. Lenaliya lagaso nama babu lite nehanamagihi mina'ani enebe ligite nehabe, luto Yesu lu epi'ehina yabe.

Luku 12:7

To latahatinigu nina okaya Hu'mau leka so'ehina'mu yabe. Ya hu'ehinagi lenali lenelesa linogo koli mehilo. Lenaliya Hu'mamofihi bulo asaga lagaso meso namamagihi mina'ani enebe ligite nehabe, luto Yesu lu epi'ehina yabe.

Maki 6:26

Ya ligo Helotiu sipi ginaga fi'ehibe. Aku'i ai yahi tito lu emi'ehina ka'a asaga bona'magi kehelite aimo bu gete neminago, enali kumu lesa'a lu'ehibe.

Matiu 3:12

To ai emuha'a yanuga li'ehibe. To kifi foyaguti lilina yabe. To ai nose'na yufagaha'a li nomalana nonugu li nupa huto li malalina'mu yabe. To yana huto sibina'a li nupa huto mesobose loba logogu galina'mu yabe.

Matiu 6:26

Lenali nama helo lili hilata nehanamagihi bu enagalo. Enali nose'na foyagu hekelelete limo limo melete nelata menehabe. Hu'ma Afotinifu kokulumalugu nominanauba nose'na'ani epilata nohibe. Lenali nama enebege ligite nehana menekehelifiye?

Luku 12:18

To ekesa yigito ma lu'ehibe: Ma hilube. Ana nopo tele bito'ni yuhufa nohi sipina giloto'ni nose'na'ni hiti fe'noha'ni hiti yagu'i li malalube.

Luku 12:23

To hetofana huto minose'nauba nose'namofihi hoto ni'ibe to kugufauba guketemofihi hoto ma'naka ni'ibe.