Luku 12:22 - Ka Lamana'a Monoꞌi Lu Mu Tifiꞌehina Ka Yabe

²² To Yesu pana'alobo'a lu epiloto ma luto lu'ehina: Nani lu nolepube. Lenali minosenatini'mu lenekesa yigi babu melite to lenali ma melilo: Lali henana nalune? To lenali lenugufatini'mu lenekesa yigi babu lilete ma lite melilo: Lali henanatu'i lugufatilo ifi talune?

Luku 12:22 Referans Kwoze

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

Hibulu 13:5

Lenali komopatini yogo fe'notoga mebino. Ana'inatini li'ahana legegeto yana'mu babahi hite le'mo fulu hilenogo bati hite minalo. Hu'mau ai'a ma luto lu'ehina: Nani mone mehe'mi lepalaluna'mu yabe. To nani lenalitogati mone bufa mehiluna'mu yabe.

1 Koliti 7:32

Lenali ya'ma fa'menena'mu yamofihi lenegekesa yigiba yigiba hite keta huse'namu minalabe luto keheli'ohuto nolube. Bo kofuta nehana'amagi Sipi Bomofihi foya'muko kehelite minalune'mu habe. Minete Sipi Bouba kehelinogo bati hilibe lite lilenogo lilune'mu habe.

Luku 12:29

Ya hu'ehinagi lenali lenekesa yigi babu lite hena nose'nati nalune lila to hena nagamiti nalune lila ya hite melilo. Lenali lenegekesa yigiba yigiba mehilo.

Luku 12:11

To enali ka foya lilune'mu nehite mono nonugu lenele'mete bite gamani bona'i to kibina bona'i nehilana enubulo lenele'mete nebinogomo lenali koli hilete lenegekesa yigi yigi hite ma lite mekehelilo: Lali hena huto kaga'anilo lilune? Lali hena kaga lu epilune?

Luku 12:23

To hetofana huto minose'nauba nose'namofihi hoto ni'ibe to kugufauba guketemofihi hoto ma'naka ni'ibe.