Luku 12:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To yalo'i nipa'nigu ma luto lilube: Fokehi libo nipa'niyao. Nose'na hiti fe'nohi hiti babu luto ni'inagi yatai asaga foya kanagu fuli minalube. Fuli minoto'ni to nose'na noba nobo huto'ni to yokolo'na huba huba huto minalube. Fokehi libo nipa'niyao.

Luku 12:19 Referans Kwoze

1 Koliti 15:32

Nani ya'ma Efeso hepatoga lopi yagakafa legi hite nehana bona'i hiti luba fito mino'ohuta yabe. To bona'magihi ka'aniya nani ya huto fililuta nasanalugu mino'ohunamomu'i ya'ma henana lamana'a huto hu nimilibe? Fili'ohutaguti ho tilata meni'ilina yamofihi nani ya huto mino'ohunanauba fa'menena lolo hilibe. To fili'ohutaguti ho tilata meni'ilina'a yamofihi lenalitogati bona'i luga'amagi ma lite ligo bati hitine: Yago fililuta ni'igi yatai nose'na yaga hoto nagami'i hiti laba lona noto minalune.

Yemesi 5:5

Lenali ya'ma metoga hite melete nehite lag'a nekehelite enibita hina'a hiti kehelite nehanaya to nose'na neba neba hite fobatini'ubago hu'ehina Hu'mau lenahalina kana'a lebato'isi ahuto hilube'mu nohibe.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

Huto Hilina Ka 18:7

Enugufamofihi le'mo lite tite minete laga'amofihi gupisalo mineme bite meleke takehi hite minelata hi'ahanamo ni'ibe. Yamofihi mone kegi'a eniginaga fise'na to enuluhaya enagabu gilatana ya'ma li huto hite epilo. Ana hepa'uba ya'ma a'mofihi sipi a'i legi huto minoto komopa'agu ekesa kehelito ma luto nolina: Nani nominoto'ni sipi a'i gihiti bo'ani legi huto nohube. Nani keto a'i menohube. Eniginaga fise'na mekehelise laga'namofihi gupisalo mino lito buto minalube'mu hube.

1 Pita 4:3

Afetoga ema kanagu Hu'mamofihi mekeheli'ahana bona'magi enali laga'a kehelite ana'ina lilata nehana suhi hite lenali mine'ahana yabe. Ya'mu mine'ahana yauba kosele'i melepoho'ehina. Lenali mokolo hise nasana hiti ana'mu lenegekesa yigi yigi hite minete ekesa nagami'i nelete negi ne'ahana yabe. Ya nehite nagami'i nose'namofihi lenegelo nebite ya'mu li nupa hite minete silaga'namu lenegelo nebite laga mehina suhi hite lenegelo bi'ahana yabe. Lugefa bu gete lipite ibe ligi abe ligi hite mine'ahanamo ni'ibe, yamofihi he'milune ya nasana li'ahana lite nehago kana'a yatama lite mine'ahanamo ni'ibe. Aku'i molo emite ya suhi mehilo.

2 Timoti 3:4

Enali enimi'mi ka lite enimi enama'i melelata, to ka mekehelise kegeiyo hite luna lana asaga'i hilata, to enali'ani'mu enigi'ani'mu hofa talune lilata, to Hu'mamofitoga agoya hu meemise hite komopa'ani ya'ma enugufa'aniuba enibita hulata nohinamofitoga malalabe.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

1 Timoti 5:6

To keto a'i moneuba gufalo laga besise'namu mokonamofihi fe'noto minenogomo ya'ma ai kumu lilatagihe. Bu hiti nohifihe luto melubo. Ai meha'a fili'ehina suhi huto nohibe, luto lilane.

Luku 21:34

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

Luku 16:19

Bo moneuba efaha'a babu luto ni'igo ai asaga yupahi hetofa gu kata hepilata huto to hetofa hatofa nose'na babu luto nolata huto mino'ehina yabe.

Luku 12:18

To ekesa yigito ma lu'ehibe: Ma hilube. Ana nopo tele bito'ni yuhufa nohi sipina giloto'ni nose'na'ni hiti fe'noha'ni hiti yagu'i li malalube.