Luku 12:18 - Ka Lamana'a Monoꞌi Lu Mu Tifiꞌehina Ka Yabe

¹⁸ To ekesa yigito ma lu'ehibe: Ma hilube. Ana nopo tele bito'ni yuhufa nohi sipina giloto'ni nose'na'ni hiti fe'noha'ni hiti yagu'i li malalube.

Luku 12:18 Referans Kwoze

Yemesi 3:15

Ana kehelise nasana kokulumaluguti melimi'ehibe. Noto noto bona'magitogati huto nohigo mega lugufatu lilata nohune. Foipa feleuba ya'ma ana huto hite ana'ina lilo luto lohoka nohigo tafa lemehatitu lilata nohune.

Yemesi 4:15

Yamofi kumu ma lite lilo: Hu'mau keheli'ehinogo lilina'a malalina'a kehelilune bati huto minoto ho tito muyalo umalo hilune lite, ya lilo.

Luku 18:6

To Yesu lu'ehina: Bati mehina suhi luto kaga loko hulata nohina bomofihi kaga'a kehelilo.

Luku 12:21

To Yesu ma luto lu epi'ehina: Nani ya'ma lu nolepube. Ana huto asaga bona'mo Hu'mamofitoga hosapa ite nehana to enali'ani kumu salahi fiba fiba nehana bona'magi enali asaga'i ana bomofihi supo hite neminabe. To Hu'mau enali hapa'ani sibina ni'igo bu goto ana huto ka epekilina'mu yabe.

Luku 18:4

Kaga loko nohina bouba yata'a ana eto a'i mehe'malube'mu hu'ehina alihi ma luto ekesa yigito lu'ehina yabe: Nani Hu'mamofihi koli'a menohu etona ana huto bona'i enele'mo bati menohuna yabe.

Matiu 6:26

Lenali nama helo lili hilata nehanamagihi bu enagalo. Enali nose'na foyagu hekelelete limo limo melete nelata menehabe. Hu'ma Afotinifu kokulumalugu nominanauba nose'na'ani epilata nohibe. Lenali nama enebege ligite nehana menekehelifiye?

Luku 12:17

To ya higo ana sipi bouba komopa'agu ma luto ekesa yigi'ehibe: Hena'ni hilube? Noha'ni nose'na li nupa huto molose noha'nimo kikipa habe. Hena'ni hilube?

Luku 12:19

To yalo'i nipa'nigu ma luto lilube: Fokehi libo nipa'niyao. Nose'na hiti fe'nohi hiti babu luto ni'inagi yatai asaga foya kanagu fuli minalube. Fuli minoto'ni to nose'na noba nobo huto'ni to yokolo'na huba huba huto minalube. Fokehi libo nipa'niyao.

Luku 12:24

Namamagi lenubu galo. Enali nose'na hekelete nose'na li nupa hite to nose'na noha'anifi to ana'ina'ani malalana noha'ani meni'ibe. Ya hu'ehinagi Hu'mau nose'na epilata nohibe. To lenali Hu'mamofihi bulo boana'magita namaya enehete enebe ligite nehabe.

Yemesi 4:13

Lenali yagofi yata'ifi hepa'i monetoga buto foya kana moneko'i minototi foya lilototi yogo fe'nohi babu lito li huto hilune lite lilata nehana bona'i ya'ma kaga mone lu lepilugi, keheli'ehilo.