Luku 10:3 - Ka Lamana'a Monoꞌi Lu Mu Tifiꞌehina Ka Yabe

³ Lenali bilo. Nani lenali'i sipisipi yaga ikele'a legi huto lopi kalamagihi folagaha'anigu lenoho lufube.

Luku 10:3 Referans Kwoze

Matiu 10:16

Lenali kehelilo. Nani lenali'i sipisipi yaga legi huto lopi kalamagihi folagaha'anigu lenoho lufube. Ya hu'ehinagi lenali ka keheliya ise osifa legi hite ana'ina lolo hilune'mu nehitemo yata'a lenekesa yigi fe liletebe. To lenali lufu namamofihi hapa'a agoya'a nina suhi lite minalo.

Aposolo 20:29

Nani lenalitogati bu fa hulenogo foipa bona'i lopi kala tegi nehana bona'i enali lenofolagahatinigu ete ginaga mefilete komopatini le'mo sibina hilabe luto keheli'ohube.

Yoni 16:2

Enali ya hite mono nohi fi hekini lo lepalalana'mu. To kana mone hupamone hilube'mu lenoho fililabe lite nehinogo Hu'mamofihi lemehi noemupihe lite lenahalana'mu yabe.

Yoni 15:20

Nani kaga mone ma luto lu lepi'ohunamo yamofihi lenegekesu mehese kehelilo. Kele kele pana'uba kaba bo'auba lolo huto moloto nohina nasana be meligilina'mu yabe. Enali nani'i kalana'i mele netelata nehanaya lenali hiti ana hite kalana'i mele lepalalune'mu habe. Nani kaga'ni kehelite li gu mei'ahanamo ni'inagi lenali kagatini ana suhi hite kehelite li gu meilune'mu habe.

Matiu 10:22

To anaga bona'magi lenipakafa halana'mu yabe. Hena'mugope lenali nani yagapana'ni minana'mu lite yabe. Ya hu'ehina to bo moneuba amuya moloto minomo buto bona'i guna ise kana'alo minalina Hu'mau aku'i le'menogo ana bo ai Hu'mamofihi pana'a minalina'mu yabe.

Matiu 7:15

Lenali fagalo lu yege hose bomagihi kaba hu bati hilo. Enali sipisipi yagamofihi gufa'a gukete li hekelelete lenalitoga elata nehabe. Ya hi'ahana enali komopa'anigu lopi kala suhi hite nehanago lenali'iya lenehete salu kite nalana'mu yabe.

Aposolo 9:2

Ai ana kaga lu emigo sipi mono noto kaba bouba fayahi mone Yuta bona'i mono nonuga gehesa hi'ahananamagi Tamasiko hepato bite neminanamagitoga go'ehina. Ya huloto ya'mana fayahi Solihi emi'ehina. Ana fayanugu ma luto go'ehina. Enali Sipi Bomofihi Kapo mana'alo mege'i nemalalana bo hiti ana'i hiti Soliu bu enogolotomo ai enele'mo naga ito Yelusale enele'moto alibe.

Yoni 10:12

To bo kaba huse'namofihi lili'nalo efatoko lilina bo ya'ma sipisipi yaga ai'a lusi kaba bo menohina'a to kaba hu bati menohibe. Ai sipisipi yaga hiti ketoloto minoto'a to lopi kala moneuba hagulu tilube'mu ago ya'ma kaba bo bu goto sipisipi yaga he'mi epoloto mele'isi koli nofalago lopi kalauba enohoto nalube'mu nohigo sipisipi yagamagi bu gete tili tele hilata nehabe.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

Luku 10:4

Lenali efaha gu'ifi gukete gutinifi to lenigigusagu sutinifi melise nebite kapogu lenofo talana bona'i kiya yogokololuguti ka lu meepilete bilata hilo Yesu lu'ehina.