Luku 10:15 - Ka Lamana'a Monoꞌi Lu Mu Tifiꞌehina Ka Yabe

¹⁵ To lenali Kapaneami bona'ise. Lenalitini kokulumalugu lele'mo saga hilune lite ya'iya tilafihe? Logo hepalugu limilana'mu yabe.

Luku 10:15 Referans Kwoze

Matiu 4:13

Ya huloto ai Nasalete hepato memino'ehina ai he'mito buto Kapaneami hepato mino'ehina. Kapaneami ai Galili Hefuhi beleha'alo Sebuluni to Nafatali melugu mino'ehina yabe.

2 Pita 2:4

Koyapa'i Hu'mamofihi hapa'a akeheli'ohune lite agelo luga'amagi ana'ina foipana lolo hi'ahana enali'i ya'ma enele'mo nupa huto naga ito fi behe higo limite yabalugu metepu ginagu neminabe. Ya hago Hu'mau ka foya li epalalina kana'amu geba hite neminabe.

Luku 13:28

To Abalahau Isakau Yakopu to asaga lu yege hose bona'i Hu'mamofihi hepa'alo nehinogo lenali bu gelete lenali fegutoga minalana'mu yabe. Ya nehinogo lenali sipi yibi hite lenabaga yogo'alo heni heni hite minalana'mu yabe.

Matiu 11:23

To lenali Kapaneami bona'ise. Lenalitini kokulumalugu li saga hite tilana ni'ifihe? Logo kapogu limilana'mu yabe. To topa hose'na lenalilugu li huto hu'ohunana Sotomu hepalugu li huto hutita yatai hiti analo huto huba huba nohitita'mu yabe.

Matiu 10:28

Ma melugu lenugufa'a lenoho fililafa to lenemehatini hiti lenoho mefililana bona kumu'i koli mehilo. Lenali Hu'mau ai lenugufatini hiti to lenemehatini hiti loe sana sana sipi logo kapogu lenoho fililina bomofihi ai kumuko'i koli hi etete minalo.

Luku 16:23

To ai logo hepa'mo ai'a Hete hepa'i anaga buto gabu sipi'a nogigo ya nohuto hiha lu'ehina: Akae. Akae, luto minoloto bu go saga huto'a Abalaha foto'i nohuto Lasalasihi nu ki'ehinalo bu go'ehina yabe.