Luku 1:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ai Sipi Bomofihi bu'alo sipi gi'a lilina'mu yabe. To ai bai nagami'ifi to amuya nagami'ifi menalina'mu yabe. Ito'afihi ipa'agu nohinogo Hetofa Sikalafu'uba aitoga bai talina'mu yabe.

Luku 1:15 Referans Kwoze

Efeso 5:18

Bai nagami'i nete negi nagi menalo. Ya'ma komopatini le'mo sibina hilinagi he'milo. To Hu'mamofihi Sikalafu'uba ai komopatinigu mino bai tenogo minalo.

Galesia 1:15

Ya hulata hu'ohunamoya Hu'mau ai'a ya'ma afeha'aga ito'nifihi ipagu nohugo bu goloto mehi nimito nele'mo eto huloto ai'a foya'a lilube luto elesa molo nimi'ehinamo ni'ibe.

Aposolo 2:4

To Sikalafu'uba asaga aposolo pana enalitoga bai tago enali fato fato kaga li'ahana, ai Sikalafu'uba li enabagalo malana kaga li'ahana yabe.

Luku 7:33

To Yoni o'ehina nose'na nola to bai nagami'i nola mehu'ehina yabe. Ya nohigo lenali ma lite lu ete'ahana yabe: Foipa fele ai komopa'agu ni'ibe lite li'ahana yabe.

Luku 7:28

Yesu kaga molo emito lu'ehina: Nani lu nolepube. Yoniu ai asaga bona'i melugu nehana enohoto nohibe. Ya hu'ehina bo mone Hu'mamofihi bulo lagaso huto nohinauba ai Hu'mamofihi kapo'alugu Yonihi be ligito nohibe, Yesu ya luto lu epi'ehina yabe.

Yoni 5:35

Libi logouba asaga bona'i enele'mo besa nolana'a huto Yoniu nohigo ana fana meha'agu lenali hupamone kana'asilo komopatinigu laga higo lenegelo bite mine'ahabe.

Luku 1:14

Ya hinogo kai kipagu bati hinogo kai kofokehi halane. Babu boana'i enali sipi enofokehi ai huto hilina'mu halabe.