Luku 1:13 - Ka Lamana'a Monoꞌi Lu Mu Tifiꞌehina Ka Yabe

¹³ agelouba ma luto lu emi'ehina: Sekalaiyao, kai koli mehubo. Hu'mau ai nunumuka akeheli'ehibe. Lihaka Elisapetiu ai panaka ketalina'mu yabe. To kai gi'a Yonio luto molobo.

Luku 1:13 Referans Kwoze

Aposolo 10:31

Ya huloto ma luto lu'ehina: Koniliasio. Asaga bona'i enumuhi meni'inamagi enehe'moto enele'mo bati hulata nohatamolo Hu'mau nunumu ka akeheli'ehibe.

Luku 2:21

Alihi nayahi mone kegi'a su hoto mone kegi'ati loegi monegi heleko malago kana minelete ana pana'mofihi gufa'a laga nehite gi Yesu lite mele'ahana. Koyapa'i ai ito'afihi ipa'agu huto mehu'ehigo agelouba yamana gi ho'ehina yabe.

Matiu 14:27

Ya hago hololu luto Yesu enali kehe i'ehina: Lenali amuya malalo. Nani'ni nohube. Nani'ni nohube. Lenali koli mehilo.

Matiu 28:5

To agelouba a'male'i lu etimi'ehina: Letali koli mehiliyo. Yesu malipu yafalo ho fili'ahana bo kumu sa sa neha'inamo'mu akeheli'ohube.

Luku 1:30

to agelouba lu emi'ehina: Malia, kai koli mehubo. Hu'mau ipa'a kaitoga bati nohibe.

Maki 16:6

To ai ma luto lu epi'ehina: Koli mehilo. Lenali Nasalete bo, Yesu, malipu yafalo fili'ehina bomofihi sa nehana keheli'ohube. Ai maga menohibe. Aho ti'ehinagihe. Bu galo. Ya'ma mele'ahana hepa'i bu galo. Menohibe.

Matiu 1:21

Ai pana'i ketolenogo kai gi'a Yesu yabe luto hobo. Hena'mugope ai boana'amagihi foipana'ani li he'mi epoloto hetofa kapogu enele'mo malalina'mu yabe luto Sikalafu'uba Yosefehi lu emi'ehina yabe.

Luku 1:14

Ya hinogo kai kipagu bati hinogo kai kofokehi halane. Babu boana'i enali sipi enofokehi ai huto hilina'mu halabe.