Kolose 3:24 - Ka Lamana'a Monoꞌi Lu Mu Tifiꞌehina Ka Yabe

²⁴ To ya nehinogo Sipi Botiuba hetofa nona'a babu luto lepilina'mu yabe. Ai'a molo lepolo'ehinamofihi mina'a fuku luto lepilina'mu yabe. Lenali sipi botini ma melugu bona'mo menohigo, Kilisitou ai Sipi Botini lili'na kaba huse botini nohinagihe.

Kolose 3:24 Referans Kwoze

Efeso 6:8

Lenali ya'ma keheli'ahabe. Mone'a enali koko pana'a nehanana'a to enigihiti bo lolo hite nehana'a enali lamana'a lolo hite hi'ahanalo'i Sipi Bouba nona'a epilina ni'ibe.

Luku 14:14

Enali ya'mana bona'magi nose'naka nona'a gete mekimilinaya kai alihi kegelo bilana'mu yabe. Hena'mu kegelo bilabe? Alihi Hu'mau bulo bona'i bati hite mine fili'ahana to ti su nehenogo Hu'mau ana nose'nakalo mina'a kimiloto pa salina'mu yabe, luto Yesu lu epi'ehina yabe.

Galesia 1:10

Ka noluna ya'ma bona'magi bu gete laga'a kehelilabe luto nolufihe? O'e. Hu'mau ai'a bu genogo bati hilibe luto ya'ma nolube. Nani ya'ma bona'magi nani kumu kehelinogo tilibe luto foya ya'ma nolufihe? O'e, to nani bona'magi nani kumu laga epesilina'mu sa sa nohufiye? O'e, Ya'ma hutita Kilisitohi kele kele bo'a lolo huto meminotita'mu yabe.

1 Koliti 7:22

Kai kele kele yagapana'i nohatogo Sipi Bouba elesa molo kimi'ehina'a kai Sipi Bouba foipanaguti pa so ketoto gulu ho keto'ehina bomo nohata kehelibo. To kai ya'ma fa'mene nohatogo Sipi Bouba elesa molo kimi'ehina'a kai Kilisitohi kele kele yagapana'a lolo huto nohata kehelibo.

Aposolo 20:32

To yatai nani Hu'mau kaba huse'na'a to lehe'mose'namofihi ka'a yanagu lenele'malube luto aitoga molo lepolo'ohube. Ai ka'atu lenele'mo bati bati huto amuya molo lepalalibe. Ya huto ya'ma bebe sose'na'a pana'alobo'amagihi guna mololatana ya'ma lepilina'mu yabe.

Hibulu 11:6

Keheli ule'ale huse'nati meeminenogo nehinogoti Hu'mau bu goto fokehi melilibe. Hu'ma ai'a nohibe luto yamofihi keheli ule'ale huto to ai hapa'amu amuya melete sa sa hilana bona'magi ya'ma mina'a limilibe luto komopatitu keheliya ito ai maha'aluga buse'na ni'ibe.

Hibulu 10:35

To yatai ya'ma Hu'mamofitoga lenifita ilata nasana mehe'milo. Ya nasanauba minoto aliha'a mina'a sipi'a li huto hu lepalalina'mu yabe.

Efeso 6:6

Lenaliya enikibina bo lenugufa lenemehi epite agoya nehi epelenogo yamofihi lenubu genogo bati hilibe luto ni'igopa lali Kilisitohi ya suhi kele kele'i hu etoto minalune lilete Hu'mamofihi fokehi lu lepalalina suhi hite minalo.

Matiu 5:46

To lenali bona'i enipa lepilata nehana bona'i enipa epite enele'mo bati hilata nehanaguti hena mina'a lilana ni'ibe? Enali foipa boana'i hiti takisi lilata bona'i hiti ana suhi hilata nehabe.

Matiu 5:12

Ya nehinogomo kugufaluga laga kebesinogo kegelo bibo. Sipi minaka kokuluma hepatoga Hu'mau kaba hu keto'ehina kimilina'mu yabe. Koyapa'i ana suhi hite lu yege hose bona'i kohe tete huto hanamagihi enegene mane ite enehe'ahana yabe, luto Yesu lu epi'ehina yabe.

Yute 1:1

Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

Kolose 2:18

To bona'i mone'amagi enali'ani enegekesa yigi yigi nehanana to bamu'i bu neganana lusi mono ka ni'ibe lite, lali lenebe ligi'ohuta nohune lite liyafa hite neminabe. Faga nelina bona'i nehabe. Enali enugufa'ani le'mo sibina nehite'ani to agelomagihi Hu'ma tegi hite nehabe lite enali'ani enegekesa yigise'na'ani liyafa nehana yabe. Ya bati mehina yabe. Enalimoya lenalitoga ete ana suhi hite minalo lite ka lepekinogomo enemege'i memalalo. Enali komopatiniguti sabiyanatini lu he'mi lepalalana'mu yabe.

1 Koliti 3:8

Lito kofolata nohuna to nagami'i ligilata nohina le'ali moneko legegeto nohu'ibe. Mina'a ya'ma lili'na li'ohu'ina legegeto eto eto huto lilu'ina'mu yabe.

Luku 6:35

O'e. Lenali fatehatini enele'mo bati hilo. Ya nehite ana'ina lepilanalo aku'i nona'a limilabe lite melilo. To lenali ya hite minalana aliha'a lenali mina'a sipi lilete Sipi Bo Hu'mamofihi panana'a minalana'mu yabe. To ai ipa'a fokehi menehana bona'i hiti to foipa bona'i hiti noepito hetofana hu noepolobe.

Matiu 6:16

Lenali mono ka'mu lite nose'na mo site neminetemo fagalo bomagi hilata nehana suhi hite lenokaba li sibina mehilo. Enali enokaba li sibina hilata nehanaya asaga boana'magi bu enegelete nose'na mo si'ahabe lite lu epalalabe lite nehabe. Nani ma'naka luto lu nolepube. Enali ya hilata nehana bona'magi mina'ani ali'ahabe.

Matiu 6:5

Kai nunumu hilube'mu nohutomo fagalo bomagi hilata nehana suhi kai mehubo. Enali mono nonugu ho tite nehite nunumu lilata nehabe, to hepalugu sipi kapo i loe lae hu'ehinalo bite bona enubugu nehite nunumu hilata nehabe. Nani lusiga luto lu nolepube. Enali mina'ani ali'ahabe.

Romu 14:18

To lenali Kilisitohi ka'a kehelite agoya hu emilenogo Hu'mau lenali kumu fokehi lilata nohibe. Ya nohigo bona'magi ana hite ma'naka lite ananamu'i enofokehi lilabe.

Romu 1:1

Nani Poluita, Yesu Kilisitohi koko pana'a nohuto ma fayahi nogobe. Koyapa'i Hu'mau nani kumu kehe ito nele'mo ho tito ka lamana'a lu yege hobo luto lu nimi'ehina yabe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Matiu 10:41

To bo moneuba Hu'mamofihi ka'a leli'ali nohina bo noago bu goloto he'malube luto ekesa kehelito noha'aluga le'moto buto nose'na emito kaba hu etalina ai ya'mana bouba lu huto huto bomofihi suhi lito mina'a lilina'mu yabe. To bo mone hapa'a bebe sana bo noenogo bu goloto ana bo he'malube luto luloto le'moto buto noha'agu kaba bati'a hu etalina bo ai mina'a bati huto hapa'a bebe sana bouba lilina'a huto lilina'mu yabe.

Hibulu 9:15

Ya hu'ehina'mu Kilisitou ai'a ya huloto lu mu tifisemofihi ka'a tafa'a yanagu bona'i mine'ahana foipana li huto hi'ahana yaguti li kele li letalube luto fili'ehinamo ni'ibe. Ya hu'ehina'mu bona'i yata'a lu mu tifise'na kagalugu mine'ahana Kilisitou foipanaguti gulu ho epolo'ehina yabe, luto fili'ehina. To nofilito Hu'mau elesa molo epi'ehina bona'i enali minoba minoba husemofihi kokulumagu yogo fe'nohi lilabe luto lusa gi epalalina'mu yabe. Ya'ma bati hite lilabe luto Hu'ma hiti bona'i hiti enele'mo hepiloto lu mu tifise ka'a kosaba'i li huto huto molo leto'ehinamo ni'ibe.

1 Koliti 11:23

Lenofokehi melilube luto henabe nolube? Koyapa'i lu lepi'ohunagi Sipi Bo Yesuhi ya'ma mi'mi hu'ehina sinipogu

1 Pita 1:4

To fili'ehinaguti le'mo ho ti'ehina'mu luto kokulumagu amuya fe'nohi fulupa meilina'a to sibi mehilina'a to fenene mehilina'a molo lepolo'ehina yabe. To fililata'namofihi ya'ma geba hulata nohuta yamofihi minete kokulumagu tilabe luto lenele'mo babahi nohu lepalabe.