Kolose 1:3 - Ka Lamana'a Monoꞌi Lu Mu Tifiꞌehina Ka Yabe

³ Le'ali asaga yupahi lenali kumu Hu'mamofihi loka noho'ina kanagu Hu'mamofihi fokeha'a nolu'ibe. Ai Sipi Boti Yesu Kilisitohi afo'afu nohinagihe.

Kolose 1:3 Referans Kwoze

1 Tesalonika 1:2

Lali asaga yupahi lenali kumu yabe luto Hu'mamofitoga lofokehi hoto nunumu huba huba huto nominone. To Hu'mamofitoga noluto lenali hiti kehelito lulata nohune.

2 Timoti 1:3

Nigiko nagako bona'magi komopa'ani bati hu'ehigo i emi a emi hite Hu'mamofihi mege'i melete mine'ahana. To nani enali yagapana'ani nohuna bo ana suko huto Hu'mamofihi kele kele'i hu noetoto komopa'ni keta mehuse nohuna ya'ma kana'amu utehi etehi kai kumu kehelito minoto Hu'mamofitoga lulata nohube.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

1 Koliti 1:4

Hu'mau ai Yesu Kilisito kumu yabe luto lenehe'mose'na lenele'mo hetofa hu lepolo'ehina'mu nani lenali kumu luto keheliloto kana'amu kana'amu Hu'mamofihi foke ka lulata nohube.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.

Efeso 1:15

To ya nohigo nani lenali Sipi Boti Yesu kumu keheli ule'ale hite agoya emilata nemina, to Hu'mamofihi bona'i asagatoga lenemehi epite minelata nehana ka keheliloto lenali kumu luto Hu'mamofitoga fokehi hoba hoba nohuna ya'ma menohe'mube. Lenali kumu yabe luto Hu'mamofitoga lulata nohuna ni'ibe.

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

Romu 15:6

Ya hinogomo lenali asaga'i moneko'na hite lenonogotini Hu'mamofihi kanipo filana'mu yabe. Sipi Boti Yesu Kilisitohi afo'afitoga lenegelo bilabe. Ya'ma aitoga loka ho lepoloto nunumu nohube.

2 Koliti 1:3

Sipi Boti Yesu Kilisitohi ai afo'afihi Hu'mamofihi fokehi lilune. Ai fulunamofihi afotifu to lele'mo fulu hulata afotifu nohibe.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.