Kolose 1:18 - Ka Lamana'a Monoꞌi Lu Mu Tifiꞌehina Ka Yabe

¹⁸ To asaga bona'magita Hu'mamofihi ka'a mege'i moloto nohuta lali gufa'a nohutogo to ai Yesu latahatiga nohuto kaba nohibe. Ai Kilisitohi naga'i lele'mo huto hu'ehina bo yabe. To ai kohe toto fili'ehinaguti ho ti'ohuto alihi ho tilana bona'magi ai mege'i melete ho tilabe. Ya huta ni'inogo ai'asigo asaga'na kohe toto be ligi'ehina bo nohibe. Ka hapa'a ya huto ni'ibe.

Kolose 1:18 Referans Kwoze

Huto Hilina Ka 1:5

to Yesu Kilisito aitogati ya'ma lehe'mose'na to fuluna'a lenalitoga mino moloto minalibe. Yesu ai ya'ma Hu'mamofihi ka'a beto huto ligo ule'ale nohina bo to kohe toto pana'a filise'naguti ho tise'na yamofihi lamana baga'a to noto noto kaba bona'i Sipi Botini lenali bo lenogotinifu kaba huto nohibe. Ai komopa'a limito ai'a golaha'atu foipanatiguti li okala hu leto'ehinamo ni'ibe.

Aposolo 26:23

Ai Mesiau gabu foya lito fililoto ai yata'a kohe to letoto kene keliguti aku'i ho tilina'mu yabe. Ai Yuta boti hiti fegutoga bona'i hiti ya'ma lubuto bise'namofi hiti mino fana toto minosemofihi kaga'a lu yege ho epilina'mu yabe lite li'ahabe luto Polu lu'ehina yabe.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

1 Koliti 11:3

To kaga mone linogo'ni kehelilabe, kehelilo. Bo ya'ma ana'magihi afo'anigita nehabe, to Kilisito ya'ma bomagita afotinifu nohinagi to Hu'ma ya'ma Kilisitohi afo'afu nohibe.

Huto Hilina Ka 22:13

Nani kohe toto alihi moloto munuha'a to hapa'a hapi filatana to li su holatanamofihi afo'afitamo nohube.

Efeso 5:23

Kilisitou ai bona'magita latahati lolo huto minoto lele'mo nupa huto kaba hu letoto nohina suhi luto bona'magi liha'ani kaba hilabe. To Kilisitou lali ya'ma gufa'a nohutogo ai'asigoko lubuto bilata bo nohibe.

Huto Hilina Ka 21:6

Ya luto luloto ma luto lu nimi'ehina: Ali bati hu su hobe. Nani koyapa'i kohe toto mino'ehina alihi moloto nasana hapi filatana to li su holatanamofihi afo'afita nohube. Mone'amagi enali nagami kumu noepesinogomo nanitogati minoba minoba nagami'i ya'ma ipi opoho nagamiluguti hefite nelete bite minalabe luto ya suhi huto mina'a meni'igo fa'mene epilube'mu hube.

1 Koliti 15:25

Yatai ya'ma Kilisitou foya'a lito kaba huto mino lito nobinogo Hu'mau fateha'amagihi gi fehupa'aga enele'mo malago foya'a li su halube'mu.

Huto Hilina Ka 11:15

Ya hulago agelo napa 7 ai pikuli fu noligo kokulumagu ya'ma enonogo sipi melete ma lite li'ahana: Yatai ya'ma noto noto bona'magihi kaba hulatanamofihi amuya'amoya Sipi Botimofihi to le'mo ho ti'ehina'amofihi ai yanagu nohigo kaba hu epoloto mino'ehina. Yatai enigihiti bo lolo hilibe luto linogo mino lito buto minalube'mu hibe.

Huto Hilina Ka 1:18

To amuya bo afo'afita minomo buto minaluna'mu yabe. Nani fili'ohunagi aku'i ho tito to filise'na to yabalugu kafemofihi foloke'a nanigo li'ohube.

Huto Hilina Ka 1:8

Amuya'atu enebe ligilata bo Hu'mau ai koyapa koyapa mino'ehina bo to yatai nohuna bo to minomo buto minalina bo ai ya'ma ma luto nolibe: Nani'nisigo hapi hulatana to li su holatana afo'afita nohube luto nolube.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Efeso 1:10

Alihi kana'a huto hulenogo Kilisitou ana'ina asaga'i kokulumagu nehanamagi to melugu nehanamagi li nupa napa huto lataha'a lolo hilibe luto ai hiti moneko'na hite minalabe luto lu'ehina.

Yoni 1:27

Ai nani nemege'i alihi noabe ya nohina nani ana bomofihi gigu su'amofihi naga gulu ho etaluna'a huto bati menohube.

Yoni 1:16

Bona'i enehe'mose'na'a samahi ti'ehinaguti limito lusa gi leto'ehina koyo koyo bito lusa limiba limiba nohibe.

Yoni 1:1

Koyapa'i yata'a me'mo asaga'na huto mehu'ehigo Kaga mino'ehina. Ai to Hu'ma hiti moneka mine'aha'ina yabe. Kaga to Hu'ma ai'a moneko legege nohibe.

Huto Hilina Ka 3:14

To Leotisia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyoto emilenogo lu epilibe: Ka lamana'a lu latanamofihi hapa'a nohina bouba ka'a ligo ule'ale hulata nohina bouba lusi lu yete hose bouba Hu'mamofitogati ana'ina huto hu'ehina yanamofihi hapa'a nohilina lenali kumu ma luto nolibe:

1 Yoni 1:1

Me'i hapi huto huto hinaguti ka ema'alo mino lito buto mino'ehina to legekesatu keheli'ohuta to lubutu bu go'ohuta to lubutu bu goya ito bu goloto layatu li kehelito bu go'ohutamo ya'ma minoba minoba huto minolatanamofihi bagaguti ka'alo nominana bo'mu fayahi ya'ma koyoto nolepube.

Romu 8:29

Hu'mau fuku lu'ehina bona'i enali'i pana'a Yesu yabe moneko babeyafa hite gona'a lolo huto minalabe luto Yesu yege'a pana'i minoto naga'a enele'mo molo'ehina yabe.

Matiu 23:8

Ya hu'ehina lenali kumu'i Tisao lite lenigi meheno. Moneko bo nohina aisigo tisa botini nohibe, ya hu'ehinagi lenali koguna ite minalo.

1 Koliti 12:27

Ma suhi huto ni'ibe. Lenali asaga'i li nupa hite Kilisitohi gufa'a legi huto moneko'na lolo hite kele kele'i hi etete nehabe.

Kolose 2:19

Enali Kilisitotoga hepite meneminabe. Ai latahati nohinogo lali gumita'a nohuta hupa'atu to go'nuna'atu hiti li hepito ai hiti moneko'na nohuto Hu'mau lu molo'ehina suhi luto hofa notone. To enalimoya Kilisito latahatigati i pa sete he'mi'ahana bona'i nehabe.