Galesia 1:6 - Ka Lamana'a Monoꞌi Lu Mu Tifiꞌehina Ka Yabe

⁶ Lenali ya'ma Kilisitohi lehe'mose nasanagu molo emilabe luto elesa molo epi'ehina bomofitoga mino hepi bati hite meminese lenemegesa hi emilete fato monolugu ya'ma bite lenegekesa melete kehelilata nehabe. Nani ya'mu ya'ma nehana'amu topa hoto oho luto nolu lepolobe.

Galesia 1:6 Referans Kwoze

2 Koliti 11:4

Lenalitoga bona'i moneuba henetito Yesuhi hapa'a lali lu lepilata nohutamo ya suhi huto ni'igopa meha'a fato fato'mofihi mone lu lepi'ehinamofihi to koyapa'i lalitogati li'ehinamo ni'igopa fato fato'mofihi kosaba kaga lu lepi'ehinamo ya'ma to ka lamana'a lalitogati keheli'ahanamo ni'igopa mono ka fato fato'mofihi lu nolepigo o'e lite melise fa'mene keheli emilata nehanamofihi bati huto ni'ifihe? O'e, yana'mu komopa'nigu keta nohigo nolube.

1 Timoti 1:3

Nani ya'ma Masetonia metoga bilube'mu nohuto kegekesa lito lu kimi'ohuna ana suhi hubo. Ya nohuto ya'ma Efeso hepatoga ya'ma aku'i molo emito minobo. Nohuto bona'i hapi fite faga faga mono kaga lu nepina yamofihi he'milo luto lu epibo.

1 Koliti 4:15

Kilisitohi kamu'i babafi lilana bona'i ya'ma babu lite nehanaya afotinigi asaga'i menehabe. Yesu Kilisitohi hetofa ka kohe toto lu lepito aitoga lenele'mo bu'ohunagi afotinifita nani'nisigo lolo huto nohube. Ya'mu lenali pa'ni pana'ni yabe luto lu'ohuna.

Aposolo 15:11

Ya hu'ehina lali ma luto komopati emilata nohune: Ya'mana bona'i foipana'ani li he'mi epoloto ai'aloto enele'mo molo'ehina'a huto Sipi Bo Yesu lali'i ginaga fi limi'ehina'mu luto Hu'mau aku'i lele'mo'ehibe luto Pitau lu'ehina yabe.

Galesia 5:4

Lenali luga'amagi keya ka kehelinogo foipanati meminenogo Hu'mamofihi bulo lamana bona'i nohune lite nelana lenali Kilisito hiti hepite mu tifi'ahanamofihi laga hilete nehago aitogati lenehe'mose'na'a nehe'mibe.

Romu 10:3

Enali Hu'mau bona'i le'mo bati huse hapa'a yamofihi mekeheli'ahabe. Enali enegekesa'ani keheli'ahanamofihi hapa'a mege'i nemalabe. Enali Hu'mau enele'mo bati huse hapa'a mekehelite aitoga agoya hu meemi'ahabe.

1 Timoti 1:14

Ya hu'ehigo Sipi Botiuba mehi nimito to nehe'mose'na'a babu luto nimito keheli nele'mo amuya moloto to Yesu Kilisitou buto i ke'moto yabe luto komopa'ni emi'ohuna yana'mu nele'mo ule'ale hu neto'ehibe.

Huto Hilina Ka 22:21

Sipi Boti Yesuhi lehe'mose'na'a lenalitoga mino moloto mineno.

2 Timoti 2:1

Pana'nimaka. Kai Yesu Kilisitotoga buto i hepi'ohuta'mu yabe luto lehe'mose'na limito lele'mo hetofa hulata nohina yamofihi komopa'agu minoto amuya moloto minobo.

2 Timoti 1:9

Hu'mau ai'a bona'a lolo huto mino eto huto minalune luto lubuto biloto elesa molo limi'ehina. Ya higo minoto lito hu'ohuta ya'ma lamana foyafi lamana hapatifi ni'igo yana'mu lubuto bi'ehinamo ni'ifihe? O'e, ya huto meni'ibe. Ai'a komopa'atu kehelito lehe'mose'na'atu fi hetofa hu leto'ehina. Ai koyapa'i me'i le'mo huto mehu'ohuto'a Yesu Kilisitohi naga'i lolo hilabe luto lu limi'ehinamo ni'ibe.

2 Tesalonika 2:14

To Hu'mau ya'ma Sipi Boti Yesu Kilisitohi kogonalina'amofihi fana meha'a lilabe luto lenali kumu kehe ito lenele'mo eto hu'ehina yabe. Ya'ma ka lamana'a lu yege hoto lepi'ohutana ya luto kehe igo lenali keheli'ahana.

Romu 5:2

Yatai ya'ma fulunagu minoto keheli ule'ale huse'namofihi ai'a kapo li hokolo hu letago Hu'mamofihi lehe'mose'nagu ti'ohune. Ya'mu luto Hu'mamofihi fana mehenagu bilune luto bu mego'ohutana geba hu'ohuta legelo bito nohuto lilune.

Yoni 9:30

Ya nelago ana bouba lu epi'ehina: Abo. Lenali nelanamolo topa nohobe. Ai nubu pisi lu'ehinamo li hetofa huto ye ko hu neto'ehinagi lenali ai kumu asaga'i mekeheli'ahabe.

2 Pita 1:3

To lenali Yesuhi keheli bati hilenogo ai hetofa amuya'a guna molo lepoloto lenehe'menogo lamana hite mino lite bite minalabe. To ai'a fana mehena'a hiti bebe sose'na'a hiti lenalitoga guna moloto lepilube'mu elesa molo lepi'ehina yabe.

1 Pita 1:15

Hu'mau elesa molo lepi'ehina bo komopa'agu lamana nohinagi lenali ana suhi hite komopatinigu asaga'i lamana hite mine lite bite minalo.

Maki 6:6

Enali aitoga keheli amuya memelese komopa'ani ule'ale higo, Yesu topa hoto enali kumu ipagu gabu'i gi'ehina yabe. To anagati he'mito buto lebato hepatoga asaga'i bego bego huto buto ka lu enelepimofa'na hu'ehina yabe.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

Romu 8:30

To Hu'mau ekesa kehelito enele'mo molo'ehina bona'magihi aitoga kehe igo e'ahabe. To ai kehe igo e'ahanamofihi foipana'ani he'mito bebe sose bona'i enele'mo lolo hu'ehina. To ya huto bebe sose bona'i enele'mo lolo huto ai hetofa fana meha'agu enele'mo molo'ehina.

2 Koliti 2:17

Lali bona'i luga'amagi hite melete nehana'a nehana ya suhi lolo hulata menohune. Bona'i luga'a asagatoga Hu'mamofihi ka'amu kehelilago kefahi li huto hu epilina nasana lolo hulago foya'a li etelata nehanaya lali ya'ma komopati lamana hinogo minaluta Hu'mamofihi bulo buto Kilisitotoga i hepiloto mono ka'a lulata nohune.

Galesia 1:7

Ka lamana'a ya'ma fato fato ka meni'inaya fa'mene bona'i luga'amagi Kilisitohi ka'a ya'ma li sibina hilupi lite fato mono ka lu lepite komopatini li sibi sibi hite yamofihi suhi hilata nehabe.

Galesia 1:11

Nalalu'nigita nani ya'ma kaga lu lepilugi kehelilo. Ka lamana'a lu lepi'ohunamo yamofihi bona'magi enegekesa kehelite yamofihi li huto hi'ahana meni'ibe.

Galesia 1:15

Ya hulata hu'ohunamoya Hu'mau ai'a ya'ma afeha'aga ito'nifihi ipagu nohugo bu goloto mehi nimito nele'mo eto huloto ai'a foya'a lilube luto elesa molo nimi'ehinamo ni'ibe.

Galesia 2:2

Yamofihi fa'mene ya mebu'ohube. Hu'mau ka'a lu hokolo huto lu nimi'ehinalo ya'mu bu'ohuna yabe. Ya'ma fegutoga bona'i ka lamana'a ya'ma lu huto huto lu epilata nohuna ka ya'ma mono kalo enigihiti bo enali'anisigo li nupa hite suguna nehago beto hu epi'ohuna yabe. Nani ya'ma foya'a kohe toto lito mino'ohuna'a to aku'i yatai lito nominana'a yamofihi fa'menena lolo hu lalibe luto nani foya'nimu buto beto epi'ohuna yabe.

Galesia 2:5

Enali ya bomagi lali'i lele'mo afetoga malalune lite nelago lali ka lamana'amofihi hapa'amu kaba hu lepolo'ohuta ya'ma ka lamana'auba lenalitoga buto le'mo amuya malalibe luto ka'ani he'mito kana'a mone'ya hiti mege'i memolo'ohutamo ni'ibe.

Galesia 2:7

Enali ma lite keheli'ehite: Hu'mau ai Pitahi ya'ma Yuta bona'i enalitoga ka lamana'a lu huto huto lu epilibe luto lu eto'ehinamo ana suhi huto nani ya'ma fegutoga bona'i enalitoga ka lamana'a lu huto huto lu epilane luto lu neto'ehina, enali ya'ma keheli'ahana yabe.

Galesia 2:14

Ya hite minete ka lamana'amofihi kapogu fotogo hite mebago bu enogoloto'ni ya'ma bona'i luga'a enali enogobisalo ya'ma Pitahi ya luto lu emi'ohuna: Kai ya'ma Yuta bomo nohataya Yuta bona'i lolo huto moloto yanagu mebane. Fegutoga bona'i enali lolo hite melete nehananagu nobane. To kai henabe luto ya'ma fegutoga bona'i enali Yuta bona'i lolo hite melelete nehananagu bilabe luto lu laga hu'ahana? Ya bati mehu'ehibe luto ka emeki'ohuna yabe.

Galesia 5:14

Moseu keya ka lu'ehina ka'a li nupa huto hapa'a mone'mofihi ma huto ni'ibe: Kaika'mu kehelilata nohata ya suhi huto kalalukagi kumu kehelito komopaka epilane.