Filipai 4:3 - Ka Lamana'a Monoꞌi Lu Mu Tifiꞌehina Ka Yabe

³ To foyalo bo nalalu'nigita, lamana'a lenali ya'ma ana'ate loemo ya'ma etele'mo bati hubo. Etali hiti Kelemeto hiti to nalalu'nigi luga'a hiti ka lamana'amofihi ginaga fise foyamu'i fi hetofa hi nete'ahanamo ni'ibe. Hu'mau ya'ma enali hiti enubuto bi'ehigo minoba minoba huse bona'i enali kumu enigi'ani mone ai'a bukugu fayahi koyo'ehina yabe.

Filipai 4:3 Referans Kwoze

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

Huto Hilina Ka 3:5

Luga'a enali mono kagu amuya melete mine lite bite Satahi luba'a be ligilana'a enali koholi gukete'animofihi hapa'a li bati hu epelenogo li ho kalalune'mu habe. To enigi'a ya'ma amuya enemehi hite minoba minoba nehana bona'magihi enigi'ani keye'ahana bukuguti kele lito mehe'milube'mu hube. Nani enigi'a to pana'ni nehabe luto ya'ma afo'nifihi bulo to agelomagihi enubulo lu huto malalube'mu hube.

Luku 10:20

Ya hu'ehina lenali lenegelo bite foipa felemagi kagati keheli limibe lila o'e luto'ni ya nasanamofi kumu lenegelo mebibo. Lenagitini Hu'mamofihi kokulumalugu fayahi ge'ahana yanana'mu lenegelo bilo, luto Yesu lu epi'ehina.

Filipai 1:27

Moneko'i lenali Kilisitohi ka lamana'a mege'i melete hetofa suhi lite minenogo hepite komopatini moneko hinogo hetofa kagamofihi foya'a amuya amuya melete nelinogo nani lenalitoga bu nehetilufi mebilufi lenali kumu bati ka nelinogo kehelilube.

Huto Hilina Ka 21:27

Kolo tanana mone ya'ma anagu tito mefalalina'mu yabe. To bona'i mone'amagi enubuya nohina nasana mone lilana to faga faga lite nehilana'a enali ana hepalugu tite meminalana'mu yabe. Enigi'ani Hu'mamofihi sipisipi nala'auba bati hi'ahana'a minoba minoba hise bona'magihi enigi'ani bukugu koyo molo'ehina bona'i enali'anisigo bite henetilana'mu yabe.

Huto Hilina Ka 17:8

Kai akafu yagakafamo bu go'ahata ya'ma koyapa'i bu hiti mino'ehina yatai ya'ma menohibe. Alihi ma'isi ya'ma keliguti ho tito tiloto buto minoto ho fililina'mu yabe. Ya'ma metoga bona'i enali bu gelete topa hete minalabe. Enigi'ani melugu huto mehu'ehina'aga ema amuya bame tame hite nehana bona'magihi enigi'ani keye'ahana bukugu keyete memele'ahana bona'magihi ya suhi topa halune'mu habe. Hena'mube? Ya'ma akafu yagakafa koyapa'i mino'ehinamo yatai menohibe. Aku'i minoto ya'ma i gelehe huto alube'mu hibe.

Filipai 4:2

To Eyuotia to Sitiki letali Sipi Bomofitoga pa'i lolo ha'ina'mu yabe luto luba hilatana'atiti yanamofihi he'mite komopa'atiti molo hepite minala'ibe luto buka notube.

Romu 16:12

To loe bole Tilifane hiti to Tilifosa hiti Sipi Bomofihi lili'na neli'inaya neha'ifiye luto nolube. To Pesisa, ai lusina nebesina bo nohigo nohapihe luto lu emilo. Ai gobi hago Sipi Bomofihi lili'na babu luto li'ehina yabe.

Romu 16:9

To Ubanu nohapihe luto lu emilo. Ai to nani hiti Kilisitohi lili'na monekoto li'ohu'ina yabe. To Satakisi, laga'ni nonebesina bo nohigo nohapihe luto lu emilo.

Romu 12:1

Nalalu'nigitabe. Hu'mau sipi ginaga fi limi'ehina'mu nani lenoloka hoto buka tilube. Lenali lenugufatini Hu'mamofitoga molo emilo luto, hetofa kuguhi legi huto mino kosaba'natini emite li molo etalo. Lenugufatini ya emilenogo Hu'mau ai lenali kumu fokehi lilibe. Ya hu'ehina'mu lenali Hu'mamofitoga agoya hu emite to gi'amo liyafa hilata nehana yamofihi lusiga mono ka ni'ibe.

Huto Hilina Ka 20:12

Ya neha'igo fili'ahana bona'i tite minana'a limite minana'a sekele mamu'a hiti kefa hisamofihi gobisalo ho tite nehago bu go'ohuna. Kefa hisalo minana bouba buku mone li paka soloto mino'ehina. To mone buku li paka sago bu go'ohuna ya'ma amuya minoba minoba nehana bona'magihi enigi'ani koyo molo'ehina buku mino'ehina. To filite bi'ahana'amagi enali hite melete hi'ahana suhi ka lamana'a ya'ma bukugu keye mele'ahana ya'ma Hu'mau bu goloto kaga'ani libe sibi hifi bati hifi loko huto mino'ehina.

Kolose 1:7

Lalalutifu gi'a Epafalasiu le'ali hiti Yesuhi lili'na hetofa huto nolina bo to Hu'mamofihi kagamo yata'a lu lepi'ehina bouba yatai lalitoga nehetito Hu'mamofihi Sikalafu'auba enele'mo fulu hu'ehigo enali koguna ite minete ai kaba hinogo ai kaba hinogo hilata hite neminana yabe luto lenali kumu ya lu le'emi'ehina.

Huto Hilina Ka 20:15

To ana bona'i ya'ma enigi'ani amuya minoba minoba nehana bona'magihi enigi koyo molo'ehina bukugu meni'ina'a enali ya'ma logomofihi hefuha'agu kala efahi logogu loto ni'inagu fitu fo he'migo limite mine'ahana.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Filipai 1:12

Nalalu'nigita, nani kumu keheli'ahana ka lu hokolo hu nolepube. Nanitoga nasana keta'a hiti huto hu'ehina yanauba ka lamana'a fi hetofa hiligopa ka lamana'auba bu baga ito buto lilibe luto huto hu'ehina.

Filipai 1:16

Enali yamofihi kehelilete komopa'ani nimite Hu'mau maga minoto ka lamana fi hetofa hilane luto luloto nele'mo molo'ehinamo ni'ibe lite kehelilata nehanamo ni'ibe.