Filipai 4:12 - Ka Lamana'a Monoꞌi Lu Mu Tifiꞌehina Ka Yabe

¹² Nani lelite tilete to lelite limilete hi netalanamagi fa'mene lolo hise'a lolo nehinogo minalube'mu hube. To nani noloto numu huse'na minolatana to kau'na kanagu minolatana to nasana'ni silaga'i ni'ifi nesi'a ni'ifi komopa'nigu keta mehuse fulu huto minolatana hapa'a akeheli'ohube.

Filipai 4:12 Referans Kwoze

Matiu 11:29

Ya'ma yafa nani nigi'nagu nina lenali lite lenali lenigi'nagu malalo. Lenali nani hapa'ni lilo. Hena'mugope nani fulu fulu kaga bona'i lu noepuna bo nohube. To koyone huto legeso huto nominona bo nohube. To lenali komopatinimofihi nanitoga ete le'mo basu bilo.

2 Koliti 11:27

Hitupa foya lito nugufa nagabu'i gigo humofa'na huto nubu'i ko bati mehuse humofa'na huto kau'namu filito yafi nagami kumu nebesigo yasi'mu filito mino'ohunamo ni'ibe. Gukete'mu to nebelusa'mu sa sa huto mino'ohunamo ni'ibe.

2 Koliti 11:9

To lenalitoga nohuto ana'ina mone kumu sa huto buto mone lu melepi'ohunamo ni'ibe. Nani'ni sa sa huto humofa'na nohugo Masetonia hepatogati nalalu'nigi nehetite ana'ina nimite li nabaga melelata hi'ahana. To lenalitoga ya'ma fa'mene nohuto keta'a hiti nasana mone ligo mefi lepolo'ohunamo ni'ibe. To mino lito tito aku'i ligo mefi lepalalube luto nolube.

2 Koliti 11:7

To lenali lenele'mo hofa talube luto nani'ni imo limito minoto Hu'mamofihi ka lamana'a lu lepi'ohunalo mina'a mone liluna'a mehu'ohuna yamofihi sibina hu'ehifi bati hu'ehibe?

2 Koliti 10:10

Nani kumu ya'ma lite lilata nehabe: Fayaha nasana'mu kaga'a koli'a hiti to amuya'a hiti koyolata nohinaya logobisalo ya'ma amuya bo menohibe. To futu'a kaga lulata nohinamofihi ya'ma nagami'a hiti lulata nohibe lite lilata nehabe.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

Matiu 13:52

Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.