Filipai 4:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Lenali kana yatama fa'mene mine lite tite yatai aku'i nele'mo lamana hilune'mu nehago yamofihi kehelugo Sipi Bomofitoga buto li so nokigo komopa'nigu bati'na lamana'a nokehelube. Koyapa'i lenali nani kumu kehelise'na keheli'ahanaya ana'ina silaga'na li netalune lite kapo'mu sa hilata nehanauba keta lepesigo menehe'me'ahabe. To yatai aku'i nele'mo bati nehana yabe.

Filipai 4:10 Referans Kwoze

2 Koliti 11:9

To lenalitoga nohuto ana'ina mone kumu sa huto buto mone lu melepi'ohunamo ni'ibe. Nani'ni sa sa huto humofa'na nohugo Masetonia hepatogati nalalu'nigi nehetite ana'ina nimite li nabaga melelata hi'ahana. To lenalitoga ya'ma fa'mene nohuto keta'a hiti nasana mone ligo mefi lepolo'ohunamo ni'ibe. To mino lito tito aku'i ligo mefi lepalalube luto nolube.

Galesia 6:6

Kilisitohi mono ka kehelite neminana bo lenali ana ka le'mo eto eto nehana bo lenali ana'ina guna ite epilabe.

Filipai 1:3

Nani lenali kumu kehe lelito nobuto Hu'mamofihi fokehi holata nohube.

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

2 Koliti 6:7

Lusiga luto ka legeya'a noluto Hu'mamofihi amuya lito minolata nohune. Lamana'a ni'igo nominoto'a nohutogo yanamofihi gimi mage'a helegu'a lolo huto lito nominone.

Filipai 2:30

Ai Kilisitohi foya'amu yabe luto filise'namu koli mehuse li'ehina yabe. Ya huto lenali foto minete nele'mo bati mehago ai kele kele'i hu netalibe luto gufa'a katiya'i hilube'mu keheligo keta mehu'ehibe.

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.