Filipai 3:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

Filipai 3:19 Referans Kwoze

Romu 16:18

Enali ya hise bona'magi Sipi Boti Kilisitohi lili'na menelibe. Enali enugufa'ani laga enebesise'namofihi mege'i nemalabe. To enali legeso hite laga hina ka mi'mi hi'ahana ka lilenogo lenalitoga mone keheli bati mehilana bona'magi laga hina ka nelabe lite mege'i melelata nehabe. Lenali kaba hu bati hilo.

2 Pita 2:3

Ya nehinogo faga mono ka lilata bo enali yogo fe'no kumu topa hete komopa'aniguti kaga huto nehinogo lenimi'i melete ana'ina'ani kita hite lilana'mu yabe. Foya ya hite lilanamagi nona'a epilube luto Hu'mau ka foyagu enele'mo malalina bouba yatama kana enegeba huto minana buto su mehabe. To Hu'mau osahi epilina bouba bu'i mekose nohuto'a bu enogoloto nohibe.

Kolose 3:2

To lenali ma melugu ni'ina nasana'mu lenegekesa meyigise kokuluma kapogu ni'ina nasana'muko lenegekesa malalo.

2 Pita 2:1

Koyapa'i Isilaeli bona'i enalitoga kaga leli'ali fagalo bona'i mono ka lu sibina huse bona'i kosaba'i babu lite huto hite mine'ahana. To ana huto lenalitoga Yesuhi kaga lu sibina hilana ya'ma leli'ali bo huto hilune'mu nehabe. Enali faga mono ka li huto hite minenogo lenalitoga loko huse nasana'a lenele'mo sibina huse nasana'ya huto hu lepilube'mu nohibe. To ya'asigo meni'ibe. Sipi Bouba foipana'ani he'mi epoloto enubuto bi'ehina bona'i enali Sipi Bomofihi enemegesa hi emilata hilana'a to Sipi Bomofihi gi'a li sibina hulata yamofihi lilabe. Enali'ani ya hite melete, hana'mu yabe luto foipanamofihi nona'a huto hulatanamofihi ya'ma mele'isi kali nali huto hu epiluna'mu yabe.

2 Koliti 11:15

To Satahi foya'a lilata nehana bona'i enali ana hite lamana'amofihi kele kele'i hi emilata hi'ahana babeyafalo enali'ani babahi hite lolo hite minete nehago topa mehalune. Enali minete sibi foya'a lilata nehana yamofihi mone legeya'a lilune'mu habe.

2 Koliti 11:12

Lenalitogati mina'a melito aku'i kohe toto nasana lilata nohuta ya suhi huto minalube'mu hube. To yamofihi fa'mene'mu ni'igopa bona'i luga'amagihi Polu foya lilina yamofihi babeyafalo minalune lite lilata nehana enugufa lelite ti lalabe luto yamofihi lukesa'ani li sigilata nohune.

2 Pita 2:13

Ya nehite ana'ina foipa faipana hite lite fato bona'magihi enagabu gi epalago minelata nehana yanamofihi nona'a lilete enugupisalo keke'i lilune'mu nehabe. Enali yege kana'ani sipi nolago enugufa'ani enumu fililata nohina nasana foipana amuya melete minete lite nehana yana'mu enegelo bise'na lolo hu epilata nohibe. Enali folagahatinigu nose'nalo ya'ma lenali hiti nete minete ligopa napa hite lenimi'mi ka lite enegelo bilata nehago lenubuya hulata nohibe. To lenele'mo kolo telata nehana yabe.

Galesia 6:13

To enugufaga keya'i laga hi'ahana bona'i enali Moseu keya ka lu'ehina ka mone kegi'a mege'i menemalabe. To lenali ma lite nekehelibe. Lenali hiti enali hiti keya'a hiti nehite molo emilenogo enali'ani enugufa'ani lelite tilune'mu nehabe.

Huto Hilina Ka 21:8

To luga'amagi ufeha'a hiti nasana'mu enelesa lilina bona'i to mono ka keheli he'milata bona'i to kolo tanana lilata nehana bona'i to enoho fililata nehana bona'i to mokolo bona'i to nalisalo bona'i to faga lugefa enalapusa fi emilata nehana bona'i to faga fagalo bona'i ya'ma ya'iya nasana lite minelata hi'ahana asaga'i yege yegetoga enali nohi hepa'ani logo'a hiti nagami hefunugu kala efahi logo loto ni'inagu ya'ma minalabe luto lu'ehinamo ni'ibe. Ya nasanauba ya'ma filise'namofihi napa 2 lolo nohibe.

1 Koliti 3:3

Lenali koyapa'i mine'ahana legegeto fa'mene nehabe. Lenali ai siko higo ai siko higo nehite luba sabo hite fa'mene bona tegi hite mine'ahana suhi hite ya'ma hapa'amofihi huto huto ni'igo koyapa lenemehiti minelata nehabe.

Huto Hilina Ka 22:15

Nohi hepa'i nosipetoga ema minalana'a enali kolo tanana li'ahana'a to nalisalo bona'i to mokolo bona'i to enoho fililata bona'i to lugefa nasanalo enalapusa fi emi'ahana bona'i to fagalo bona'i hiti enali foyati bati huto ni'ibe lite faga lilete komopa'anigu li sibina nehana'a ya'ma enali asaga'i fegutoga minalana'mu yabe. Enali hepalugu metilana'mu yabe.

Yute 1:16

Bona'i ya hana'a enali megeka lilata to fato bona'i enifisa ilata nehana to moko tako fato fato'mofihi lolo hite minete, enali'anigo li nupa napa hite neminana bona'i enali luga'a hiti ana kapolo enemege'i melete bilabe lite enofokehi lite fi taga hi epelete lite hilata nehabe.

2 Timoti 3:4

Enali enimi'mi ka lite enimi enama'i melelata, to ka mekehelise kegeiyo hite luna lana asaga'i hilata, to enali'ani'mu enigi'ani'mu hofa talune lilata, to Hu'mamofitoga agoya hu meemise hite komopa'ani ya'ma enugufa'aniuba enibita hulata nohinamofitoga malalabe.

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

2 Tesalonika 2:12

To hetofa kaga'a enemegesa hi emite foipa nasanauba laga epesina bona'magihi enalitoga foipana sipi'a enali enugupisalo tilube'mu higo Hu'mau sipi huto enahalina'mu yabe.

Filipai 2:21

Bona'i luga'a enali'anigo kehelite Yesu Kilisitohi lili'na'amu mone kehelilana'a mehabe.

1 Koliti 5:6

Ana'ina keta'a hiti lite minete lenugufa limo titi nehana yamofihi keheli sibina hulata nohube. Lenali beleti nose'na lolo nehana hapa'a nekehelifiye? Beleti nose'nagu mone yisiti kitili ketele'nauba i tili huto bula ola huto yeye bilina'mu yabe. Ya'ma mokolo bomofihi hapa'a yisiti tegi huto lenali folagahatinigu bula ola huto bati mehibe.

1 Koliti 5:2

To lenali henabe lite ana'ina ya'ma huto huto ni'ina yamofi kumu lenubuya nehinogo lenugufa'mu menekehelibe. Henabe lite lenugufa le'momo tilata nehabe? Lenali bati hite keke'i nelite lenubuya hulata nohina nasana lilata nohina bomofihi ya'ma folagahatiniguti li he'mi etalana ni'ibe.

Huto Hilina Ka 19:20

To akafu yagakafa ai hiti to faga faga mono ka loli'ali bo ai ya'ma akafu yagakafamofihi bulo topa hose nasana suhi huto li'ehina bo hiti naga'i etimi'ahana yabe. Ya'ma faga faga mono ka loli'ali bo ai koyapa'i akafu yagakafamofihi meha'a enalapusa fi emi'ahana bona'i to akafu yagakafamofihi omiha'a enogobisalo fayahi ge'ahanamagi hiti topa hose foya'atu enali'i komopa'ani le'mo sibi sibi hu'ehina. Yana bo hiti to akafu yagakafa hiti enele'moto logo'a hiti nagami hefunugu kala efahi logo loto nohinagu ya'ma he'mi etatogo mefilise hite limi'aha'ina.

Yemesi 4:16

Yatai ya'ma lolo hite melete nehana nasana'mu lenugufa limo titi hilata nehana yamofihi bati mehibe.

2 Tesalonika 2:8

To foipa bo huto hulenogo Sipi Bo Yesu bagaguti mutiya'auba ho fililina'mu yabe. Sipi Bo nehetilina yupahi besana'a hiti silifisa maloha'a hiti nooto foipa bomo le'mo sibina hilina'mu yabe.

Luku 18:4

Kaga loko nohina bouba yata'a ana eto a'i mehe'malube'mu hu'ehina alihi ma luto ekesa yigito lu'ehina yabe: Nani Hu'mamofihi koli'a menohu etona ana huto bona'i enele'mo bati menohuna yabe.

Luku 16:19

Bo moneuba efaha'a babu luto ni'igo ai asaga yupahi hetofa gu kata hepilata huto to hetofa hatofa nose'na babu luto nolata huto mino'ehina yabe.

Luku 12:19

To yalo'i nipa'nigu ma luto lilube: Fokehi libo nipa'niyao. Nose'na hiti fe'nohi hiti babu luto ni'inagi yatai asaga foya kanagu fuli minalube. Fuli minoto'ni to nose'na noba nobo huto'ni to yokolo'na huba huba huto minalube. Fokehi libo nipa'niyao.

Matiu 25:41

To nani nayahi soga'niga nehana bonatoga i behe huloto ma luto lu epilube: Lenali foipa bona'i. Lenali logo mesobose logo loba loba huto nina hepatoga bilo. Ya'mana logo Afo'nifu Sata hiti foipa fele'a hiti mesobose loba loba logo go epolo'ehinalo yabe. Lenali analo bilo.

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Huto Hilina Ka 18:7

Enugufamofihi le'mo lite tite minete laga'amofihi gupisalo mineme bite meleke takehi hite minelata hi'ahanamo ni'ibe. Yamofihi mone kegi'a eniginaga fise'na to enuluhaya enagabu gilatana ya'ma li huto hite epilo. Ana hepa'uba ya'ma a'mofihi sipi a'i legi huto minoto komopa'agu ekesa kehelito ma luto nolina: Nani nominoto'ni sipi a'i gihiti bo'ani legi huto nohube. Nani keto a'i menohube. Eniginaga fise'na mekehelise laga'namofihi gupisalo mino lito buto minalube'mu hube.

Yute 1:4

Hena'mube? Bona'i luga'a Hu'mamofihi keheli'ahana'a enali folagahatigu fenene hite ti'ahana. To enali moko foya lilata nehanalo Hu'mau ka melemekilina'mu yabe lite ai hetofa bo nohinagihe lite nelana enali ya lite Hu'mamofihi lehe'mose kaga'a li sibi hite to lali moneko kaba boti, Yesu Kilisitohi enemegesa hu emite ibe fitebe hi etelata nehabe. Enali ya'ma bite li he'mila ete li he'mila nehanamofihi hapa'anilo Hu'mau osahi epilina ka koyapa'i mono bukugu fayahi keye'ahanamo ni'ibe.

Romu 6:21

Koyapa'i ya hite foipana li'ahanalo yatai lenubuya nohibe. To ya'ma hi'ahananauba lenele'mo bati hu'ehifihe? O'e. Ananauba lenele'mo sibina hu'ehinaya to filise kapolo lenele'mo malalibe.

2 Tesalonika 1:9

Ya nohuto Sipi Bomofihi gobisa'aloti amuya'amofihi fana mehena'a fitu fo he'milenogo logo hepatoga bite minoba minoba hilana'mu yabe. Hu'mau nona'a foya ana huto epilina'mu ni'ibe.

Yute 1:10

Aku'i enali faga faga mono ka lilata bona'magi ya'ma mekeheli'ahana nasana'mu yamofihi ibe fitebe hite to megeka lite minelata nehabe. Yaga kala suhi hite enugufa'ani enumu nofilina nasana'mu fa'mene komopa'anitu kehelilete yalo ya'ma foipa hilete yanauba enele'mo sibi sibi hite ya hinogo enali fili su halabe.