Filipai 3:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya hu'ehinaya bu'ohuta Hu'mau lelepi'ehina kapo moloko bilune.

Filipai 3:16 Referans Kwoze

Kolose 2:6

Lenali Yesu Kilisito kibina boti minalibe lite aitoga komopatini mele'ahana suhi hite aitoga hepite asaga yegegu minalo.

Huto Hilina Ka 3:3

Lenali ana'ina li nupa hite fi lehe toto lu lepito lenegekesa li'ehinamo le'mo kosaba hite li pili kete lite nehite foipanatini he'mite komopatini li gelehe hilo. Li gelehe hite kaba hite meminalana ya'ma luba li lepilube'mu hube. Kana'a nomolona ya'ma lenali mekeheli'ehinogo gumina baukalo bona mone'mofihi suhi huto mele'isi oto henetilube'mu hube.

Galesia 6:16

Yagu'ya mineme bite mine'ahana'a lenalitoga Hu'mamofitogati fuluna'a to keke'i luse'na'a lenele'mo bebe sese'na minomo tito minalibe. Ya nehinogo Hu'mamofihi yagapana'a silagatoga ya'ma minalibe.

Romu 15:5

To Hu'mau lenele'mo bati hilata to lenele'mo amuya mololata bouba lenele'mo agoya hinogo lenali Yesu Kilisitohi hapa'a babeyafalo mege'i melete koguna ite moneko bona'i hite minalabe.

Filipai 4:2

To Eyuotia to Sitiki letali Sipi Bomofitoga pa'i lolo ha'ina'mu yabe luto luba hilatana'atiti yanamofihi he'mite komopa'atiti molo hepite minala'ibe luto buka notube.

Filipai 2:2

Ni'inogomo komopatinigu bati'na netinogo kehelito minalane lite keheli'ahana li nupa hino. Ya nehite komopatini emilatana to komopatini lenegekesa li mu tifilatana yamofihi moneko legege huto tito minalibe. Ya nehinogo nani negelo sipi'a bilube.

Filipai 1:27

Moneko'i lenali Kilisitohi ka lamana'a mege'i melete hetofa suhi lite minenogo hepite komopatini moneko hinogo hetofa kagamofihi foya'a amuya amuya melete nelinogo nani lenalitoga bu nehetilufi mebilufi lenali kumu bati ka nelinogo kehelilube.

Romu 12:16

To lenali moneko hepatoga neminana bona'magihi fulu hite minete komopatini moneko babeyafa hite minalo. Lenali bona'i enubulo hutu hata hilata to sipi bonako yaga foya bonako enele'mo fulu hilata mehilo. Lenali laba hite bona'magihi suhi hite neminanamofihi ya hite minalo. To lenali asaga'na keheli baga i'ohuta bona'i nohune lite ya lenekesa mekehelilo.

Galesia 5:7

Lenali mono'mofihi kapo'a bati hite lelite nebinogo moneuba hena huto kapo fi hekini lo lepalago ka lamana'amu henabe lite lenemegesa hi emi'ahanamo ni'ibe?

Kolose 4:2

To kosele'i mehose amuya melete Hu'mamofitoga fokehi nelite nunumu hite Hu'mamofihi loka holata nehite minalo.