Filipai 3:11 - Ka Lamana'a Monoꞌi Lu Mu Tifiꞌehina Ka Yabe

¹¹ To henabe lutobe? Ya huloto'ni buto fili'ehinaguti ho ti'ehina li huto hilufihe? luto kehelito nohube.

Filipai 3:11 Referans Kwoze

Huto Hilina Ka 20:5

Filite bi'ahana luga'amagi enali ya'ma ho meti'ehinogo kufu moneko tauseni ya'ma su halibe lite yamofihi geba hite fa'mene mine'ahana. Fili'ahanaguti ho tilatana bu go'ohunaya ho tilatanamofihi yata'a kohe toto moneko'isi ni'ibe.

Aposolo 26:7

Enali nayahi luga luga su hoto nigigusagati loemo heleko malago nagatimagi utehi etehi Hu'mamofitoga nunumu nama lite minete komopa'ani aitoga amuya melete emite ananamofihi nogo geba hite mine'ahana yabe. To kibina bo'nimaka, nani'ni hiti anana'mu luto komopa'ni emito geba hu'ohunana'mu lite Yuta bona'magi yatai nifisa neibe.

Aposolo 23:6

To luga'a kanisole bo Satusi yagi to luga'a kanisole Felosi yagi hite Polu bu enogoloto ai kehe ito ma luto lu epi'ehina: Nalalu'nigita. Nani afo'nifu Felosi bo nohigo nani'ni hiti ana huto Felosi bo nohube. Nani bona'i fililete aku'i ho tilana kaga'a lu noepuna ana kagamu'i lite lenali yatai ka foya neli netabe.

Hibulu 11:35

Ana'i luga'amagi keheli ule'ale hina'mu yabe lite Hu'mau yagapana'ani fili'ahanaguti enele'mo ho tiloto aku'i ito'anigitoga enele'mo hepi'ehina. To bona'i luga'amagi osahi enehete kalana'i mele epele'ahana ya'ma mono ka he'minogo lenubuto bilupihe lite kalana'i li epi'ahana aliha'aga lamana huse'nagu ho tilune lite kehelilete fateha'animagihi kaga keheli he'mite fili'ahana.

2 Tesalonika 2:3

Kaga yamofihi nelite lelite tite lenele'mo topa he lalagi ya'mu ya'ma lite kehelilo. Yata'a hapi fito Hu'mamofihi luba li emilatanamofihi huto hulenogo to sipi foipa bouba, Sataha naga'i nohina bo ai logo hepa'i lilube'mu hina bo ai huto hulenogo yalo alihi Sipi Botimofihi kana'a huto hilina'mu yabe.

1 Tesalonika 3:5

Ya hulago limi'i mololata bo, Satau ai lenimi'i mololago Yesuhi kapo'a he'mi'ahafi mehe'mi'ahafi to lali foyamofihi legeya'a ho helili nohifi huto nohifi yamofihi hapa'a kehelilube luto lenali kumu niginaga fise nokehelito minoto lito huna menetago Timotihi ho lufugo bu'ehina.

2 Koliti 11:3

Yamofihi ya'ma osifa'uba mi'i mololata nohinamofihi hapa'a keheli fe lite minete Ebahi ya'ma faga kagaloti mi'i molo eto'ehina, ana kagaloti lenalitoga bona'i luga'amagi enimi'i molo lepalalana'mu kehelilata nehana golo golo gilenogo babahi Kilisito kumuko kehelilata nehanamofihi he'mi lalabe luto nekehelugo keta nohigo nolube.

1 Koliti 9:27

Nani bona'magihi mono ka lu epi epi huto nohuto nani'ni fa'menena lolo hu lalube luto nugufa'ni lelito limito moloto kaba'a hu etoto nominobe.

1 Koliti 9:22

To bona'i mone'a komopa'anigu Hu'mamofihi kagagu amuya'ani menina Kilisitotoga enele'mo malalube luto nani amuya'ni menina bo suhi huto lolo huto mino'ohuna. Nani ya huto fato fato bona'i enehe'malube luto bona'i fato fato bona'i enalitoga minoto fato fato suhi lolo hu'ohunamo ni'ibe.

Romu 11:14

Ya'ma mono ka lili'na nolugo Yuta bona'nimagi kehelite siko hilete ana kagamu'i lagati lebesibe lite nelago Hu'mau mone'amagihi enele'menogo mino kosaba huse'i lilabe.

Yoni 11:24

Ya ligo Matau lu emi'ehina: Su halina kana sipi'a yanugu Hu'mau netali'nifihi le'mo ho tilina keheli fe lu'ohube.

Luku 14:14

Enali ya'mana bona'magi nose'naka nona'a gete mekimilinaya kai alihi kegelo bilana'mu yabe. Hena'mu kegelo bilabe? Alihi Hu'mau bulo bona'i bati hite mine fili'ahana to ti su nehenogo Hu'mau ana nose'nakalo mina'a kimiloto pa salina'mu yabe, luto Yesu lu epi'ehina yabe.

Aposolo 27:12

Boti melelata nehana hisalo yasi yupahi bati huto meminose hepa'i ni'inago hege nagamilugu boti li moloto babeyafa huto Finikisi hepato nehetiluta bati hilifi lite babu bona'magi li baga i'ahana. Boti melelata nehana hise Kiliti ni'ina ai layahi yoga'aga bu hu nomoloto si'a layahi lamaga'aga hu molo'ehinago yalo bati huto yasi kana'alo minalupi lite li'ahana yabe.

1 Koliti 15:23

Fi lehe tete ho tilabe luto lu leto'ehinalo ho tilune'mu hune. Kilisitohi le'mo kohe to letoto ho ti'ehinamo ni'ibe. Alina kana'alo ya'ma ai naga'a lali ho tiluta'mu yabe.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.