Filipai 2:4 - Ka Lamana'a Monoꞌi Lu Mu Tifiꞌehina Ka Yabe

⁴ To moneubafi moneuba ai'a ya'ma lamana hilube luto foya'a melise lalu'agihi luga'a hiti lamana hilabe luto foya lite enehe'mite kehelilibe.

Filipai 2:4 Referans Kwoze

1 Koliti 10:24

Yamofi kumu nani ma nolube, bo moneuba ai ai'na'ago yana'mu kaba huto mekehelise lalu'afi kumu hiti kehelino. Lenalalutinigihi enehe'mete hetofana hu epalalo.

Romu 15:1

Lenali Hu'mamofihi keheli amuya nemalanamagita bona'i komopa'anigu keheli bati mehanamagihi ketana'ani kofi epelete enehe'malo. Ya hite, lagatini lepesise'nalo mege'i memalalo.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.

Romu 12:15

To bona'i moneuba gelo binogomo ana hite aitoga lenegelo bilo. To bona'i moneuba yibi bena nohinogomo lenali aitoga bite yibi hite keke'i lu etalo.

2 Koliti 11:29

Luga'amagi Hu'mamofihi kagu amuya memalago nani keke'i lu epoloto nohube. To luga'amagi enali Hu'mamofihi kagu ho kete limi'ahanamagihi komopa'anigu keta nohigo kehelito nominobe.

Matiu 18:6

Ya hu'ehina bo moneuba yagapana'i ya'ma huse'a nehilana folagaha'aniguti komopa'ani nanitoga melete minalune'mu hilana enele'mo nanitogati he'miletemo'mu ya'ma bo lubaha'agu sipi efa kosahi naga i etelete le'mete bite hege nagami folagaha'agu he'mi meleno.

2 Koliti 6:3

Lali ana huto bona'magitoga foya lilata nohuta'mu kosele ka li lalabe luto yamofihi mono kaga behelefe limi lalabe luto ya mehu'ohune.

Filipai 2:21

Bona'i luga'a enali'anigo kehelite Yesu Kilisitohi lili'na'amu mone kehelilana'a mehabe.