Filipai 2:26 - Ka Lamana'a Monoꞌi Lu Mu Tifiꞌehina Ka Yabe

²⁶ Ai besi'ehina yamofihi kaga'a akeheli'ahanamo ni'ibe. Ai lenali kumu keke'i lu lepoloto ai kumu kehelinogo lenuluhaya ti laligihe luto lenali kumu keheligo keta nohigo nolube.

Filipai 2:26 Referans Kwoze

Filipai 1:8

Yesu Kilisito nani komopa'a limilata nohina yamofihi kehelito nani lenali kumu yabe luto keke'i lu lepoloto kehelilata nohube. Hu'mau keheli'ehigo lama'naka nolube.

Efeso 3:13

Ya'mu ya'ma luto lepilugi kehelilo. Nani lenali kumu yabe luto kaso'a hiti yanamofihi gupisalo nohutogo kehelilete komopatinigu lenagabu'i megino. Lenali kumu yabe luto lenele'mo fana talube luto ya nohunagi lenofokehi lilo.

Romu 12:15

To bona'i moneuba gelo binogomo ana hite aitoga lenegelo bilo. To bona'i moneuba yibi bena nohinogomo lenali aitoga bite yibi hite keke'i lu etalo.

Filipai 4:1

Ya'mu komopa'ni lepi'ohuna nalalu'nigita komopa'niuba ya'ma lenali kumu mone'a hiti nonebesibe. Lenali foya'nimofihi legeya'a lolo hi'ahago lenali kumu negelo bilata nohube. Lenali amuya melete Sipi Bomofitoga hepite mino hetofa hite ai naga'i lolo hite minalo.

Romu 9:2

Ya'ma Yuta bona'magi nani'ni bona'i nehago enali kumu sipi laga'ni nebesigo nani keke'i lu epolobe.

Matiu 26:37

Ya luloto Pitahi yagi to Sepetihi pana'a loe hiti enele'mo mege toto moneka bi'ahana. Ya hite nebago Yesuhi gufa'agu sipi keta besigo ligo pisigigo huloto ginaga gofa fi'ehina.

Matiu 11:28

Lenali ketana kofilete ketatini'mu kosele'ise bona'i nanitoga ete lenabasu bilo.

1 Pita 1:6

Lenali ya'mu lite lenegelo bite minelata hilo. To Hu'mau keheli'ehinogo kana'a tupa hilina yupahi keke'i luse'na'a fato fato'na guna malalina'mu yabe. Guna malalinamofihi gupisa'alo tite keke'i lite minete fa'mene lenegelo bite minalabe.

Filipai 1:3

Nani lenali kumu kehe lelito nobuto Hu'mamofihi fokehi holata nohube.

Galesia 6:2

To keta lenoholata nohina nasana yamofihi ai he'menogo ai he'menogo nehite Kilisitou ka lu molo'ehinamofihi ya'ma bati hite kehelilana'mu yabe.

2 Koliti 9:14

Ya hilenogo Hu'mamofihi lehe'mose'na'a fato suhi huto lenalitoga li huto nohina'mu yabe lite komopa'ani lenalitoga melete lenali kumu yabe lite Hu'mamofitoga buka tilune'mu habe.

1 Koliti 12:26

Ya hu'ehina'mu lugufa nekisa'a mone'mofihi kota'i helenogo keke'i lilinamofihi luga'amagi enali hiti keke'i lu baga ilana'mu yabe. To lugufa nekisa'a mone'auba bati huto minenogomo luga'a silaga'magi enegelo bi su hete enegelo bilana'mu yabe.

Romu 1:11

Nani ya'ma huto bu lenagaluna sipi laga'ni nonebesibe. Nani mono ka mone'a hiti lepilenogo amuya melete minalabe luto bilube'mu nokehelube.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Filipai 2:25

Nani bo mone lesa meligo minoto ka lamana'amofihi foya'a amuya moloto nehe'mo'ehina bomo, gi'a Epapolotikohi lenali nanitoga yata'a ho lifi'ahana bomo, aku'i lenalitoga ho lifilube luto komopa'nigu amuya nomolobe.

Filipai 2:27

To besigo filise'na hu'ehina'mu Hu'mau ai'a komopa'atu le'mo bati higo ye koto nohibe. Hu'mau ya huto le'mo ye ko nohuto'a nanitoga ana huto keke'i lu'ehina yabe. Hena'mube? Ai filitita nanitoga keta huse'na sipi minatita'mu yabe.