Filipai 2:21 - Ka Lamana'a Monoꞌi Lu Mu Tifiꞌehina Ka Yabe

²¹ Bona'i luga'a enali'anigo kehelite Yesu Kilisitohi lili'na'amu mone kehelilana'a mehabe.

Filipai 2:21 Referans Kwoze

1 Koliti 10:24

Yamofi kumu nani ma nolube, bo moneuba ai ai'na'ago yana'mu kaba huto mekehelise lalu'afi kumu hiti kehelino. Lenalalutinigihi enehe'mete hetofana hu epalalo.

Matiu 16:24

Yalo Yesu koko pana'a ma luto lu epi'ehina: Bo moneuba nani'i hiti bilube lutomo ai'a gufa'amu ekesa meyigise malipu yafa'a lito kofiloto nemege'i meleno.

Filipai 2:4

To moneubafi moneuba ai'a ya'ma lamana hilube luto foya'a melise lalu'agihi luga'a hiti lamana hilabe luto foya lite enehe'mite kehelilibe.

2 Timoti 3:2

Ana kanagu bona'i ya'ma hite minalabe. Enali lisipa bite to enali'ani'mu kehelinogo tinogo yogo fe'no kumu enibita hinogo minalana enali'ani lolo hite melete hilana nasana'mu enibita'ani hinogo enegelo bilete hipu hapu hilatana, enali'ani enugufa'ani lelite tite minalana, enemegeka lilatana, ito'anigi afo'anigihi kaga'ani pelesa ite keheli he'milata, ana'ina asaga'i libe laga hube hilana. Ya nehite ana'ina lamana'a mone neepinogo enofokehi lite nalalu'nimakabe melise komopa'ani bati mehinogo minalana'mu yabe. To enali Hu'mamofihi gi'a liyafa mehise fa'mene minalabe.

1 Koliti 10:33

Nani ana suhi huto bona'i fato fato enali bu negenogo bati hilibe luto nohuto'ni nani'ni nasana'ni bati hilibe luto meni'ibe. Asaga bona'magi Hu'mau enubuto bise'na'a lilabe luto foya'a lito nominobe.

1 Koliti 13:5

Eniginaga fise nehilana bona'magi enali bebe mesose hapa'ani melise, yogo fe'nohi li pili mekose, hipa mehi epelese, bona'magihi foipana lu gehe meli epelese,

Luku 14:26

Bo moneuba nanitoga o'ehilinaya ai ito'agi afo'agi etali'agi to gonamu tamu'a to ai'a meha'amofi gufa'amofi ya'ma enalito megesa hu meepi'ehilina ai ana bouba nani koko pana'ni lolo mehilina'mu. To ana huto ai'a gufa'a laga besilina bona'i nani koko pana'ni lolo mehilina'mu.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

2 Koliti 1:5

To Kilisitohi gupisa'alo keke'i luse'na samahi tito anamofihi nekisa'a mone lalitoga hulata nohibe. Ana suhi huto Kilisitohi lehe'mose'na'a ya'ma lalitoga napa huto li huto hulata nohibe.

2 Timoti 4:16

To Yuta bona'magi nifisa i'ahana'mu ka foya nolugo yata'a hapi huto nani'i hapa'ni lu noepugo bona'i moneuba nele'mo bati huto nele'mo memolo'ehinamo ni'ibe. Yamofihi sibina'a ya'ma Hu'mau nona'a li epololata mehino.

Aposolo 15:38

Ya ligo Polu: O'e luto, koyapa ya'ma pana'uba Pamifilia kegi'ati he'mi le'etoloto fato kapoga bu'ehina. Le'ali hiti moneka humofa'na huto lili'na li baga mei'ehina pana'i yago le'ali hiti mebilibe luto Polu ya lu'ehina.

Aposolo 13:13

Polu yagi to bona'i luga'a ai hiti kapo malanamagi hiti enali Pefosi hepatogati he'mite sipi botigu tilete Pega hepato Pamifilia kegi'a bi'ahana. Ya nehago Yoni Makiu he'mi etoto to Yelusale hepatoga i behe huto bu'ehina yabe.

2 Timoti 1:15

Esia metoga bona'i Hu'mamofihi naga'i luga'amagi malo e'ahanamagi enali asaga'i nani kumu enekesa mekehelite aku ahe'mi nete su he'ahabe. Figelasigi hiti to Hemogenegi hiti etali ana hite he'mi nete'aha'inamofihi akeheli'ahane.