Filipai 2:2 - Ka Lamana'a Monoꞌi Lu Mu Tifiꞌehina Ka Yabe

² Ni'inogomo komopatinigu bati'na netinogo kehelito minalane lite keheli'ahana li nupa hino. Ya nehite komopatini emilatana to komopatini lenegekesa li mu tifilatana yamofihi moneko legege huto tito minalibe. Ya nehinogo nani negelo sipi'a bilube.

Filipai 2:2 Referans Kwoze

Romu 12:16

To lenali moneko hepatoga neminana bona'magihi fulu hite minete komopatini moneko babeyafa hite minalo. Lenali bona'i enubulo hutu hata hilata to sipi bonako yaga foya bonako enele'mo fulu hilata mehilo. Lenali laba hite bona'magihi suhi hite neminanamofihi ya hite minalo. To lenali asaga'na keheli baga i'ohuta bona'i nohune lite ya lenekesa mekehelilo.

1 Koliti 1:10

Nalalu'nigitabe. Nani Sipi Boti Yesu Kilisitohi gi'alo yabe luto lu hokolo hu lepito ya'ma lilugi, kehelilo. Lenali kaga fato fato'i nelite loko mehilo mono ka'mu nekehelite lenegekesa hiti komopatini le'mo moneko hite minalo.

2 Koliti 13:11

To nalalu'nimagita, kaga lu su hoto ma luto lilube. Lenali lenipagu keheli bati hite minalo. To lipoti lu lepito kaga ya'ma noluna kehelite komopatini le'mo hetofa hite le'mo lamana hilanagihe. Ya nehite lenalitini komopatini le'mo moneko hilete fulunagu minalo. Ya hilenogo Hu'mamofihi mehi lepise'na to fulunamofihi afo'afu lenalitoga minalina'mu yabe.

3 Yoni 1:4

Yagapana'nimagi ka lamana'amofihi kapo'alo bati hite bilata nehana kaga'a ya'ma keheliloto komopa'nigu bati huto kehelilata nohunaya ya'ma komopa'nigu keheli bati hilata mone'mofihi yanauba mone be meligilina'mu yabe.

Filipai 2:16

Fi fana telenogo amuya lenemehi hite minolatanamofihi ka'a li huto hite molo epelete minalabe. Ya nehinogo Kilisitou henetilenogo ya'ma lenali kumu yabe luto bula ola hu'ohuna to foya'alo keta'a hite li'ohuna yamofihi fa'mene'mu meni'ibe. Yamofihi hapa'a huto hilenogo negelo bito komopa'nigu bati nohinogo kehelilube.

Aposolo 2:46

Asaga yupahi utehi etehi moneko naga'i lolo hite sipi mono nonuga li nupa hite bilata hi'ahana, to noha'anigu nose'na monekolugu nupa hite nelata hi'ahana, to fuluna kiya yokolo'nagu minete nose'na nelata hi'ahana yabe.

2 Yoni 1:4

Paka panaka luga'a enali afotifu lu molo'ehina kamofihi ya'ma keheli'ehite'ani ka'a lamana'a ya'ma lite minelata nehana yabe luto hapa'ani ya suhi huto keheliloto'ni komopa'nigu negelo bito minolata nohube.

2 Tesalonika 2:13

Lalalutigita, Sipi Bouba mehi lepi'ehina bona'ise. Hu'mau lenele'mo eto hu'ehina'mu luto lenali kohe toto lenubuto bilube luto Sikalafu'uba amuya'a hiti komopatini le'mo bati huto bona'ni lolo hu epalalube luto ligo hetofa kaga'agu bite i ke'me'ahago yana'mu lenali kumu asaga yupahi Hu'mamofihi legelo bilata nohune.

Kolose 2:5

Nani lenali hiti moneka nohuto Kilisitohi keheli ule'ale hite komopatini molo emite amuya melete nehana nokehelube. Nani fotoga nohunaya aku komopa'ni lenalitoga nomoloto nokehelube.

Filipai 4:2

To Eyuotia to Sitiki letali Sipi Bomofitoga pa'i lolo ha'ina'mu yabe luto luba hilatana'atiti yanamofihi he'mite komopa'atiti molo hepite minala'ibe luto buka notube.

Filipai 2:20

Bona'i ai tegi'a mone maga menehabe. Ai'a lamanana'atu lenali kumu kehelito komopa'atu lenele'mo hetofa hulata nohibe.

2 Koliti 7:7

Ya huloto i gelehe huto o'ehinauba ya'ma anasi lele'mo bati hu'ehinamo meni'ibe. Lenali aimo le'mo bati hi'ahana ka'a ya'ma lelito ago kehelilototi komopati ketipa igo nohune. To nani'i bu nagalune lite kehelite minelata hi'ahana to foipa nasana huto hu'ehina'mu leniginaga figo mineme bite neminana to nani kumu yabe lite fi hetofa hi netete amuya melelata nehana'a ya'ma ka'ni lu nimilago yata'isi komopa'nigu keheli bati huto kehelugo tigo nohube.

2 Koliti 2:3

To lenalitini ana'ina lilata hi'ahana le'mo fe lilabe luto fayaha nasana koyapa'i koyoto lepi'ohunamo ni'ibe. Lenali ya hilenogo nani lenalitoga bugo komopa'nigu le'mo bati hi nete'ahana aku'i komopa'nigu laga mehilina nasana lolo hi nete lalabe luto ya'ma ya hu'ohunamo ni'ibe. Laliti'mu ya'ma luto nokehelube. Nani komopa'nigu negelo bise'na kehelutita komopatinigu lenegelo bise'na li huto hu lepilibe.

Aposolo 5:12

Enali aposolo bomagi topa ho'ehinana babeyafana fato fato'i babu lite boana'magi folagaha'anigu li huto hi'ahana. Ya hago enali Hu'mamofitoga komopa'ani emite minelata hanamagi enali asaga yupahi utehi etehi Solomonihi Nosipenugu li nupa hilata hi'ahana yabe.

Aposolo 1:14

Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.

Filipai 1:4

Lenali ka lamana'a yata'a hapi fite kehelilete ana'asi nani ana kaga lili'nalo nehe'mete minete hi'ahana ya'mu kehelugo lenali kumu yabe luto komopa'nigu bati higo minoto Sipi Bomofitoga fokehi luba luba huto nominobe.

Yoni 3:29

To bo moneuba a'i mone lilagomo ana a'i ai'a liha'a minolata nohibe. To liha'a lina bomofihi lalu'afu ho tito bagaguti lina kaga keheliloto gelo sipi bito liha'a ma'asi li'ehina bomofihi bagaguti kaga kehelilata nohibe. Ya'ma suhi luto yatai nani komopa'nigu sipi negelo nobube.

2 Timoti 1:4

Kaitoga bilube'mu nohugo nani kumu yibi hafili hu'ahata ya'ma keheli'ohuto buto bu kegenogo'ni komopa'nigu negelo bilube luto kehelilata nohube.

Aposolo 2:1

Sikalafu'i limise kana'a olago enali moneko nonuga ete li nupa hite mine'ahana.

Filemoni 1:20

Ya'mu nalalu'niga, kai ya'ma Sipi Bomofi kumu yabe luto ana'ina mone nimilane luto nolube. Kai Kilisitohi bona'a suhi huto ya'ma pana'i be tigito le'mo bati bati hu etobo luto ya hitogomo nani komopa'nigu bati huto minalibe.