Filipai 2:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ya nehite foipanatini meminose komopatini gulu gulu linogo minalabe. Ya nehite bona'i li nupa hilata lisipa bise bo to li sibina sabana hilata nehana bona'i enali metepu komopa'agu ya'ma lenali Hu'mamofihi panala'a pana'a komopatini bati hulenogo lolo hite minete sonofi'i lolo hite fi fana talabe.

Filipai 2:15 Referans Kwoze

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.

Matiu 5:45

Ya hilete yalo lenali kokulumalugu Afotinifihi panana'a lolo hilana'mu yabe. Ai bo foipa'afi to bo mana'afi enogo mone'ago huloto anabo anabo yege'amofihi fana meha'a epilata nohibe. To ana huto ko'i bo mana'a noepito bo sibina'a noepito hulata nohibe.

1 Tesalonika 5:23

To Hu'mau fulunamofihi afo'afu ai'a lusi bona'a lenele'mo lolo hu su holoto, to lenele'mo bati bati hulenogo komopatini lenemehatini lenugufatini bati hinogo minenogo Sipi Boti Yesu Kilisitou nehetilina kana'alo kolo tanana meminenogo minalabe.

2 Pita 3:14

Komopa'ni lepi'ohuna bona'ise. Lenali ana'ina ya suhi hana'mu geba hite Hu'mamofihi bulo komopatini ketipa ito fi fana toto gulu gulu linogo foipanatini meminenogo minalune lite aitoga bati hite amuya malalo.

1 Koliti 1:8

Ai ya'ma Sipi Boti Yesu Kilisito henetilina kanalo foipanatini meminenogo to lufusatini amuya malago minalabe luto kaba hu lepoloba lepoloba nohinogo kanatini su halibe.

Taitasi 2:10

Ya nehite kaba bo'animofihi ana'ina gumina melise ana'ina'alo kaba hu bati hite foya li etete hilana yanauba fotogo hilube'mu hibe. Ya hilenogo Hu'mau bilata Bomofihi mono ka'a ya suhi ma suhi hite le'mo hofa telata nehabe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

Matiu 5:48

Ya hu'ehinagi lenali asaga yupahi hetofanaguti minete hetofa foya lite bebe sete kokulumalugu Afotinifu hina'a hite minalo, luto Yesu lu epi'ehina yabe.

1 Timoti 3:10

Kai ya'ma bona'i bati hilafi luto kohe toto hapa'ani babeyafa huto fi taga hu epoloto bu enegenogo bati hinogo mono foya epilenogo mono lili'nalo bo lolo hilabe.

1 Timoti 3:2

To babafi lolo hilina foipa meminenogo minoto a'i moneko'i li'ehilina bouba minalina'mu yabe. Ya suhi ma suhi hilutaya sibina hu lalube luto gufa'a kaba huto minalibe. Legeso huto besana kapogu minalina'mu yabe. Ana bouba bonoho bona'i elenogomo mehi epito enebe tigito enele'mo malalibe. Mono bukugu kaga lilata foya yamofihi fato bona'i lu enelepilina keheli bebe soto le'mo fotogo huto lilibe.

Filipai 1:10

To lenali ya hiletetini kaga hapa'a kehelite i be ligi'ehinana kehelilete to Yesu Kilisito nehetilina kanagu komopatini kolota mehuse gulu gulu linogo mone ka lepekilina'a meni'ibe.

Romu 16:19

To lenali ka lamana'amofihi keheli ule'ale hite amuya melete mege'i nemalana asaga boana'i keheli su he'ahabe. Yana'mu lenali keheli sibina mehise nehago nofokehi nolube. To lenali hetofa hapa'amofihi keheli bati hite mege'i malago bati huto yabe. Ya hilata nasana nebesibe. To foipa hapa'amofihi mekeheli'ehilo.

Aposolo 2:40

To Pitau fato fato kaga lu hokolo luto lu epi'ehina. Ai ma luto lu'ehina: Lenali kaba hu bati hilo. Hu'mau foipa bona'i osahi epilinagi bonatini ma bati mehana bona'i enemege'i melete enali hapa'ani li lalagi kaba hite minalo.

Matiu 10:16

Lenali kehelilo. Nani lenali'i sipisipi yaga legi huto lopi kalamagihi folagaha'anigu lenoho lufube. Ya hu'ehinagi lenali ka keheliya ise osifa legi hite ana'ina lolo hilune'mu nehitemo yata'a lenekesa yigi fe liletebe. To lenali lufu namamofihi hapa'a agoya'a nina suhi lite minalo.

Hibulu 7:26

Yesu ya'ma lali'i mamufa gi leto'ehina bo sipi'a nohinagi lele'mo bati hulata nohina bo nokehelune. Ai pa sose foipana meni'ina komopa'a fi fana tago lamana bo ai foipana nasana lilata bo enali tegi huto menohibe. Laga huto pa solata nohina bo Hu'mau le'mo saga hu'ehigo kokuluma ifo'alo be ligi su hoto nominana bo minalina'a huto minolago bati huto ni'ibe.

Taitasi 2:15

Kaga ya'ma lu nokumuna yamofihi lu enelepilata huto minobo. To bona'i enali kai kumu fa'mene bo nohibe lite li lalagi Hu'mau amuya'a hiti molo keto'ehina bo'amaka enegekesa lito sibina nehinogomo ka epekito enele'mo bebe soto hubo. To bati nehinogo kai bebe sose ka lu epito komopa'anigu enele'mo amuya molobo. To kai kumu kehelinogo notinogomo kebe meligino.

Taitasi 1:6

Olopa bo moneubafi moneuba foipana'a meni'ilina to a'i moneko'i li'ehilina. To ai yagapana'amagi Kilisitotoga agoya hi emi'ehilana, to he'mi hale hilana to kegeiyo'na'a meni'ilina enali bati hite nehilana bona'magi kehelinogo afo'anifihi bati huto le'malane.

1 Timoti 5:20

Bo moneuba foipana linogomo luga'amagi enali kehelilete enelesa linogo foipana li lalibe luto bona'magihi enogobisalo lu huto huto le'mo bebe salane.

Aposolo 20:30

To lenali mone'amagi lenofolagahatiniguti huto hite faga lite Hu'mamofihi kagamo lu sibina sabana hite pana'alobo enali le'malabe lite kagamo lu sibina hite lilabe.

Yoni 5:35

Libi logouba asaga bona'i enele'mo besa nolana'a huto Yoniu nohigo ana fana meha'agu lenali hupamone kana'asilo komopatinigu laga higo lenegelo bite mine'ahabe.

Luku 6:35

O'e. Lenali fatehatini enele'mo bati hilo. Ya nehite ana'ina lepilanalo aku'i nona'a limilabe lite melilo. To lenali ya hite minalana aliha'a lenali mina'a sipi lilete Sipi Bo Hu'mamofihi panana'a minalana'mu yabe. To ai ipa'a fokehi menehana bona'i hiti to foipa bona'i hiti noepito hetofana hu noepolobe.

Matiu 17:17

Ya ligo Yesu ka'alo lu'ehina: Akae, lenali yatai kanalo boana'ise, lenali ka keheli ule'ale huse'natini meminabe, to komopatini bebe soto meminolata hibe. Henaki yupahi lenali hiti nani minoto foipanatini kofeli'ali nohube? To ana bomofi kumu ma luto lu emi'ehina: Panaka le'moto maga obo.

Huto Hilina Ka 3:9

Kehelilo. Satahi li gehesa'aloti bona'i luga'a enali Yuta bona'i nohune lite lilata nehana yamagi faga hiti lilete Yuta bona'i lamana'amo menehabe. Nani enali'i ya'ma enimi'i moloto enohoka hugo lenalitoga henetite enalapusa fi lepilune'mu habe. Ya nehite lenali kumu ya'ma komopa'ni lepi'ohuna bona'i nehabe lite kehelilune'mu habe.

1 Timoti 5:14

Ya nehana'mu nani ma luto nolube. Keto ana'i kosaba'i enali baha'anilo bite minete yagapana'ani eneketete enali'ani noha'ani foya'ani bati hite kaba hite le'mo bati hite minalabe. Ya hite nehinogo lali fatehatimagi enabagalo ilenogo lali kumu ka sibina'a mone melilabe.

1 Timoti 5:7

Kaga ya'ma molo'ohunana lu laga huto lu epigo keto ana'magihi foipana'ani meminalina'a higo bona'i luga'amagi enali kumu sibi kaga'asigo melilabe.

2 Koliti 6:17

Yamu'i Sipi Bo ai ma luto lu'ehinamo ni'ibe: Nanitoga mekehelise neminana'a he'mi epelete foto'i minalo. To nani lu laga hu'ehinamofihi bati mehina nasanalo ya'ma li mekehelilo. Ya hilenogo nani'ni kaba hu lepoloto lenele'mo hetofa hilube'mu hube.

Luku 1:6

Etali Hu'mamofihi bulo bati hite mine'aha'ina. Etali asaga keya kafi to Sipi Bomofihi kagafi liyafa hite pelesa meise hite fulu li'aha'ina.

Filipai 3:6

Nani Yuta bona'magihi mono kumu amuya moloto Kilisitohi bona'magihi luba li epi'ohunamo ni'ibe. Moseu keya ka lu'ehina'a kehelito mege'i mologo bona'i luga'amagi nani kumu foipanaka mone meni'igo lamana bo nohane lite keheli'ahana.

Huto Hilina Ka 2:5

Kohe toto ifo'aga meya mono kamu'i bati humofa'na hite mine'ahana yatai ya'ma alo'i behelefe limi'ahabe. Lenali ya hi'ahana'mu aku'i kehelilete foipanatini li he'milete komopatini i gelehe hite kohe tete bi'ahana kapomolo aku'i ya'ma i melete bilo. Ya suhi mehinogomo nani lenalitoga henetito libitini li soboto li he'miluna'mu yabe. Komopatini li gelehe mehinogo yamofihi li lepalaluna'mu yabe.