Filipai 2:11 - Ka Lamana'a Monoꞌi Lu Mu Tifiꞌehina Ka Yabe

¹¹ To enabagaguti enabagaguti ya'ma Yesu Kilisitohi ai Sipi Boti nohibe lite nelite kululu kululu tite halana yanauba tito minoto afo'afu Hu'mamofihi gelo bise'na lolo huto minalibe.

Filipai 2:11 Referans Kwoze

1 Yoni 4:15

To bona'magi Yesu ai lamana'a Hu'mamofihi pana'a nohibe lite lu huto hilana'a enali Hu'mamofihi komopa'agu minalune'mu nehabe, to Hu'mau ana huto komopa'anigu minoto lito hilina'mu yabe.

Romu 14:11

Ya hilina'mu mono bukugu ma lite fayahi ge'ahana: Nani nubu hiti minoba minoba nohuna bo nohube. Silaga boana'magi yege yege'na nogobisalo enalahupa nohi fite minelete to enabagaguti ma lilabe: Hu'mao, kibina boti nohane, lilabe, Sipi Bouba ya luto nolina yabe.

Yoni 13:13

Lenali nani kumu Babafio lite to Sipi Botio nigi hana ma'naka lite nigi habe. Ya'ma nohube.

1 Yoni 4:2

Hu'mamofihi Sikalafu'a yauba enele'mo bati higo ka nelana ya hite bu galabe. To enali Hu'mamofihi pana'a Yesu Kilisito ai lusi bo gufa'a hiti bo lolo huto neheti'ehinamo ni'ibe lite li huto hite lilana enali Hu'mamofitoga nehabe luto kehelilabe.

Romu 14:9

Ya nohina'mu Kilisitou filito aku fili'ehinagati ho ti'ehinagi yatai fili'ahanamagihi lubu hiti mino lito nohutamofihi ai kaba bo nohinagihe.

1 Koliti 12:3

Yanamofihi megesa'aga linogo'ni kehelilagi keheli'ehilo. Bo mone'mofihi Hu'mamofihi Sikalafu'uba le'mo babahi higo Yesuhi le'mo gumi'i molo emito melilube'mu hibe. To Sikalafu'uba babahi mehinogo Yesu ya'ma Sipi Bo'ni nohibe luto melilina'mu yabe.

Yoni 14:13

To lenali hena hena nasana'mu nigi'nilo lite loka helenogo nani ya'ma huto hu lepalalube. Afo'nifihi pana'a nohunagi ya hu lepalalube'mu hugo bona'magi kehelite Afo'nifihi enofoke ka li emilabe.

1 Pita 1:21

Ya huto higo lenali ai kumu kehelite Hu'mamofitoga agoya hu emite neminabe. Hu'mau Kilisitohi fili'ehinaguti le'mo ho tito sekele mamu'a emito molo eto'ehina yabe. To ya higo lenali ananamomu'i kehelite amuya melete aitoga agoya hu emilata to fifa ilata nehana ni'ibe.

1 Koliti 8:6

Lali ya'ma Hu'ma afotifu moneko'i nohibe luto keheli'ohutamo ni'inagi aitogati ana'ina silaga'i huto hu su ho'ehina. To laliya ai kumu ni'ibe luto hilune luto nohune. To Sipi Bo moneko'i Yesu Kilisitohi ai yanagu ana'ina silaga'i huto hu'ehina to lali ai yanuguko nohune.

Huto Hilina Ka 3:5

Luga'a enali mono kagu amuya melete mine lite bite Satahi luba'a be ligilana'a enali koholi gukete'animofihi hapa'a li bati hu epelenogo li ho kalalune'mu habe. To enigi'a ya'ma amuya enemehi hite minoba minoba nehana bona'magihi enigi'ani keye'ahana bukuguti kele lito mehe'milube'mu hube. Nani enigi'a to pana'ni nehabe luto ya'ma afo'nifihi bulo to agelomagihi enubulo lu huto malalube'mu hube.

Matiu 10:32

Bo moneuba Yesuhi pana'i nohube luto lu yege homofa'na hilina nani alihi ana huto Afo'nifu kokulumalugu nohinamofihi bulo'i gi'a lu yege haluna'mu yabe luto Yesu lu epi'ehina yabe.

Aposolo 10:36

Isilaeli bona'i koguna ite fulunaguti minalabe luto asaga bona'magihi Sipi Bo'ani Yesu Kilisitotoga ka lamana'a malago limi'ehina kaga, lenali kehelilata nehabe.

Aposolo 2:36

Ya hu'ehinagi asaga Isilaeli naga'magita ya'mananalo keheli bebe salune. Ya'mana Yesuhi lenali malipu yafalo hago fili'ehina, ai'i Hu'mau Sipi Bo le'mo lolo higo nohina ai Yesu Kilisitou nohibe luto, Pitau ya luto lu epi'ehina yabe.

Yoni 9:22

Ito'afugo afo'afugo Yuta bona'i kumu koli nehite ya'ma kaga lu epi'aha'igo hena'mube? Koyapa'i Yuta bona'magi kaga lu laga hi'ahana: Bona'i moneuba Yesu kumu Hu'mamofihi le'mo ho ti'ehina pana'a nohibe luto linogomo yana'mu enali sipi mono nonuguti he'mi etete aku metilibe lite lu laga hi'ahana yabe.

Yoni 5:23

To asaga bona'magi afo'afitoga enegelo bi emite gi'a li saga nehana'a hite Pana'amofihi ana hilabe. To mone kene'uba Pana'a agoya hu meemilina, ho lifi'ehina afo'afihi agoya hu meemilina'mu yabe.

2 Yoni 1:7

Ka Keheli'ahane. Fato mono ka lilabe lite lenimi'i melelata bona'i babu lite huto hilete noto noto hepatoga i tili hite bi'ahabe. Enali Yesu Kilisito kumu ya'ma melugu lusi gufa hiti lito huto hu'ehinamo ni'ibe lite ka'a ya'ma ibe fitebe hilata nehabe. Bona'i ya hana'amagi ya'ma lenimi'i melelata bona'i Kilisitohi fatehe bona'a ya'ma nehabe luto lilune.

1 Koliti 15:47

Kohe toto melugu bo Atau ai ya'ma metoti lolo hu'ehina, ya hu'ehina'mu luto melugu bo mino'ehina. Alihi Ata tegi bo Yesu ai ya'ma kokulumaguti bo limito mino'ehina.

Romu 15:9

To fegutoga bona'magi Hu'ma ginaga fi epigo aitoga enegelo bilabe luto o'ehina yabe. Ana ginaga fise'namu mono bukugu fayahi keye'ahana: Nani fegutoga bona'i nehanalo kai kumu negelo bilunagihe. Kigika liyafa huto kanipo fise nama lilunagihe.

Yoni 20:28

Ya ligo Tomasiu lu emi'ehina: Oho, Sipi Bo'ni yale. Kai Hu'ma'niga nohane, lu'ehina.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Yoni 12:42

To Yuta enikibina bona'magi babu lite Yesutoga keheli ule'ale hite aku Felosi bona'i kumu koli hite lu huto mehise fa'mene mine'ahana. Lu meepi'ahana hena'mube? Enali Yesuhi kaga li pili kalune'mu nehanamagi enegekesa kehelite Felosi bona'magi Yesuhi agoya hu emi'ohuna'mu kehelilete mono nonuguti lele'mo he'mi lalibe lite fa'mene mine'ahana.

Luku 2:11

Yatai sininugu Tebitihi hepalugu a'i moneuba pana'i mone keto'ehibe. Ai ya'mana bouba lali'i lele'mo kosaba huto lenubuto bilina'mu yabe. Ai sipi bo Yesu Kilisito yabe.

Yoni 14:23

Ya ligo Yesu lu emi'ehina: Bo moneuba komopa'a nimito nohutomo kaga'nilo mege'i malalibe. Afo'nifu ana bomofihi komopa'a emilibe. Ya huto Afo'nifi hiti nani hiti ana bomofitoga buto ai hiti moneka minalune.

Yoni 13:14

Nani Sipi Botini hiti Babafitini nohube. To nani lenigigusatini ma'asi okala hu lepolo'ohunagi lenalitini ana hite ya'ma ai okala hu etenogo ai okala hu etenogo ya'ma hilo.