Filipai 1:8 - Ka Lamana'a Monoꞌi Lu Mu Tifiꞌehina Ka Yabe

⁸ Yesu Kilisito nani komopa'a limilata nohina yamofihi kehelito nani lenali kumu yabe luto keke'i lu lepoloto kehelilata nohube. Hu'mau keheli'ehigo lama'naka nolube.

Filipai 1:8 Referans Kwoze

Filipai 4:1

Ya'mu komopa'ni lepi'ohuna nalalu'nigita komopa'niuba ya'ma lenali kumu mone'a hiti nonebesibe. Lenali foya'nimofihi legeya'a lolo hi'ahago lenali kumu negelo bilata nohube. Lenali amuya melete Sipi Bomofitoga hepite mino hetofa hite ai naga'i lolo hite minalo.

Romu 1:9

Nani Hu'mamofihi pana'amu ya'ma hetofa ka lamana'a lu yege hoba hoba nohube luto'ni ya'mana lusiga noluta Hu'mau ai keheli bati hu'ehina. Ma'naka luto nani asaga yupahi ete hiti ute hiti lenali kumu Hu'mamofitoga nunumu nohugo ana huto ai keheli'ehina yabe.

2 Timoti 1:4

Kaitoga bilube'mu nohugo nani kumu yibi hafili hu'ahata ya'ma keheli'ohuto buto bu kegenogo'ni komopa'nigu negelo bilube luto kehelilata nohube.

1 Tesalonika 2:8

Ya huto laga hinana'auba komopatini lenalitoga minolago Hu'mamofihi ka lamana'a lu lepilune luto mino'ohune. To ya'masigoko meni'ibe. Lali lenalitoga komopati ni'igo lenali kumu bati huto filitita'mu yabe.

Romu 9:1

Nani lusiga nolube. Nani Kilisitohi bona'a nohuto'ni faga menolube. To Hu'mamofihi Sikalafu'uba komopa'nigu nomina'auba lusiga nolane luto ai nelepi'ehina.

Filemoni 1:12

Ya hu'ehinaya komopa'ni emugo ai ya'ma lili'naka aku'i lilina ho lufugo i behe huto kaitoga foiya nobibe.

Kolose 2:1

To nani lenali'i to Leotisea hepatoga bona kumu to nokaba'ni bu mege'ahana bona kumu lusi lili'na noluna nekehelifiye?

Galesia 4:19

Panana'nimagita, nani lenali kumu luto keke'i luse aku'i nokehelube. Ana'magi yagapana'i ketalune'mu nehite keke'i lilata nehana, ya suhi huto keke'i luse'na sipi aku'i nokehelube. Kilisitohi babeyafa'a suhi huto lenalitoga huto hilibe luto lenali kumu kehelugo keta nebesilata nohibe.

Galesia 1:20

To ya'ma nolunaya mone faga menolube. Ya'ma fayahi nokoyona Hu'mamofihi bulo lama'naka luto fayahi nokoyobe.

2 Koliti 7:15

Taitasiu ai lenalitoga bulago koli'a hiti keheli emite to keke'i li etete lenipagu melete be tigilete he'me'ahana to ka'a keheli emi'ahana yana'mu kehelito meha'a lenalitoga molo'ehina ya'ma napa ho lito bulata nohibe.

2 Koliti 6:12

Laliti yamofihi komopati amuya moloto lenele'mo hetofa hulata nohune. Lenali lenemehi limilata nehana yamofihi nesi'asi ni'ibe.

Luku 1:78

To afotifu Hu'mamofihi fuluna hiti keke'i luse'na hiti ya'mana nohibe. Ai kokulumalugu fana tose'na lali kumu'i huto hilina yana'uba lehe'moto ana huto bona'i luga'a filise'namofihi metepugu nehana'a ya'ma enele'mo fana talina'mu yabe. To ai fulu kapogu lele'moto bilina'mu yabe. Sekalaiyau ya luto nama lu'ehina yabe.

1 Yoni 3:17

Bona'i luga'a enali yaga nose'na to fe'noho nasanauba babu luto ni'igo to enalalu'anigihi enumuhi meni'igo nehinogo bu gelete to komopa'ani hekini lete meenehe'malata nehanaya enali kumu ma luto kehelilune. Komopa'ani Hu'mamofitoga mone memalalata nehabe luto keheliloto ya lilune.

Filemoni 1:20

Ya'mu nalalu'niga, kai ya'ma Sipi Bomofi kumu yabe luto ana'ina mone nimilane luto nolube. Kai Kilisitohi bona'a suhi huto ya'ma pana'i be tigito le'mo bati bati hu etobo luto ya hitogomo nani komopa'nigu bati huto minalibe.

1 Tesalonika 2:5

Lenali ya'ma lali hapati keheli'ahabe. Lali ya'ma lenalitoga mino moloto suguna huto efaha fe'no kumu buka tiluna'mu lenofokehi lilata ka lenugufa lelito tilabe luto lu melepune. Hu'mau keheli'ehigo nolune.

Kolose 3:12

Lenali Hu'mamofihi bona'a nehabe. Ai keke'i nolu lepoloto lenele'mo'ehibe. Ya hu'ehinagi lenali fato bona kumu leniginaga fi epelete fulu hite enehe'mete agoya hite minalo.

Filipai 2:26

Ai besi'ehina yamofihi kaga'a akeheli'ahanamo ni'ibe. Ai lenali kumu keke'i lu lepoloto ai kumu kehelinogo lenuluhaya ti laligihe luto lenali kumu keheligo keta nohigo nolube.

Filipai 2:1

Lenali Kilisitotoga lenemehi emi'ohuta'mu yabe lite amuya nehafiye? To ai ginaga fi lepolo'ehinamu'i komopatini fulu higo neminafiye? To Hu'mamofihi Sikalafu'i hiti i hepite minelata nehafiye? To ai keke'i lu etago ai keke'i lu etago hite minelata nehafiye? Yamofihi asaga'i lenalitoga ni'ifiye?

2 Koliti 13:9

Lali bona'magihi enubulo amuyati'mu sa sa nohutogo lenali mono kagu amuyatini hiti minalana ya'ma lipagu lagati lebesilina'mu yabe bati hilune'mu hune. Ya nehinogo komopatinigu fi fana talibe luto Hu'mamofitoga kaga luto nohune.

Galesia 3:26

To lenali ya'ma Yesu Kilisito kumu keheli ule'ale huto agoya hu emuta'mu yabe lite yata'isi asaga'i Hu'mamofihi yagapana'a lolo hite nehabe.