Filipai 1:27 - Ka Lamana'a Monoꞌi Lu Mu Tifiꞌehina Ka Yabe

²⁷ Moneko'i lenali Kilisitohi ka lamana'a mege'i melete hetofa suhi lite minenogo hepite komopatini moneko hinogo hetofa kagamofihi foya'a amuya amuya melete nelinogo nani lenalitoga bu nehetilufi mebilufi lenali kumu bati ka nelinogo kehelilube.

Filipai 1:27 Referans Kwoze

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

1 Koliti 1:10

Nalalu'nigitabe. Nani Sipi Boti Yesu Kilisitohi gi'alo yabe luto lu hokolo hu lepito ya'ma lilugi, kehelilo. Lenali kaga fato fato'i nelite loko mehilo mono ka'mu nekehelite lenegekesa hiti komopatini le'mo moneko hite minalo.

2 Pita 3:14

Komopa'ni lepi'ohuna bona'ise. Lenali ana'ina ya suhi hana'mu geba hite Hu'mamofihi bulo komopatini ketipa ito fi fana toto gulu gulu linogo foipanatini meminenogo minalune lite aitoga bati hite amuya malalo.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

Yute 1:3

Keke'i nolu lepolona bona'ise. Nani Hu'mau lenubuto bilata nasana silaga bona'magi hiti lilata nohuta yana'mu fayahi koyoto lepilube luto amuya molo'ohunaya, to bona'magi keheli ule'ale huse'namofihi kapo'a mino hetofa huto minalibe luto Hu'mau lu limi'ehina kaga ya'ma sibi hu lalibe luto asaga'naloga amuya melete foya'a ule'ale hite li etalana lenogo'na bito fayahi koyo lepilube luto kana'ni tupa nohibe.

1 Tesalonika 4:1

Lalalutigita, Sipi Boti Yesuhi ai gi'alo lenegekesa lito ka mone lu lepilugi kehelilo. Lali Hu'ma kehelito lenofokehi lilina hapa'a alenelepi'ohuta yagi ana suko neminana keheli'ohutaya to lepiba lepiba ka mone hiti amuya melete mege'i malalo luto nolune.

Filipai 2:12

Ya'mu komopa'ni lepi'ohuna yagapana'ni lenali kumu kana'amu kana'amu ka'ni kehelite lite mine'ahana ya suhi hite molo emite minalabe. Lenali hiti mino hepito nohuna ni'igopa foto'i nohuto lenubuto nobunamofihi lamana'a li huto nehinogo haya kolo lalune lite topa topa hite amuya malalo.

Filipai 3:18

Nani koyapa bona'i luga'amofi kumu ka lu lepiba lepiba hu'ohuna ni'ibe. To yata'isi ya'ma yibiguti aku'i mone lu nolepube. Bona'i mone'amagi Kilisitohi bona'a nohune lite nelanaya aku'i Kilisitou malipu yafalo fili'ehinamofihi luba li emilata nehana suhi lite fatehe bona'i neminabe.

2 Koliti 13:11

To nalalu'nimagita, kaga lu su hoto ma luto lilube. Lenali lenipagu keheli bati hite minalo. To lipoti lu lepito kaga ya'ma noluna kehelite komopatini le'mo hetofa hite le'mo lamana hilanagihe. Ya nehite lenalitini komopatini le'mo moneko hilete fulunagu minalo. Ya hilenogo Hu'mamofihi mehi lepise'na to fulunamofihi afo'afu lenalitoga minalina'mu yabe.

Aposolo 4:32

Hu'mamofitoga komopa'ani emite minana bona'i enali moneko kaga liyafa hite mine'ahana. To bo moneuba ai fe'noha'alo bu goloto nani'ni nasana'ni ni'ibe luto melu'ehina. Asaga fe'noha'a enali asaga'i nehanamagi enali'na hiti li baga i'ehina.

2 Pita 3:11

Ana'ina asaga'na ana suhi huto lo su halinamo ni'igo ya'mu lenali eto hite minete Hu'mamofihi kaga'mu amuya melete minete kehelite lamana'alo mege'i melete minalo.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Yemesi 3:18

Bona'i ya'ma baba i epolose bonako minoto fuluna'amofihi legeya'a yege yege'i li huto hilube'mu nohibe. To ya'ma fuluna'amofihi legeya'a ya'ma bebe sose hapa'a ni'inagu ni'ibe.

Filemoni 1:5

Kai Sipi Boti Yesu kumu kemehi emilata huto Hu'mamofihi bona'a enalitoga amuya moloto kehelito komopaka epilata nohane. Yamofihi ka'a ya'ma bona'magi lago kehelube.

Taitasi 2:10

Ya nehite kaba bo'animofihi ana'ina gumina melise ana'ina'alo kaba hu bati hite foya li etete hilana yanauba fotogo hilube'mu hibe. Ya hilenogo Hu'mau bilata Bomofihi mono ka'a ya suhi ma suhi hite le'mo hofa telata nehabe.

2 Timoti 4:7

Nani ya'ma foya lamana'a lelito bu'ohube. Yokolo'na hololu lite ibe ligi abe ligi nehana ya suhi huto nani hololu luto foya limo buto maki'nilo nehetube. Ka lamana'amu kaba hu'ohunamofihi nasana mehe'mise huto li pili koto minomo buto nominobe.

1 Timoti 1:19

Ya huloto keheli amuya moloto minoto komopakagu ya suhi ma supofihi ka'a foipa'a meminenogo mono foya lilane. Bona'i luga'a enali komopa'ani besa lenogo minalanamofihi ka'a ya'ma keheli he'mite to keheli amuya mololatana he'milete fenene hilune'mu hanaguti,

1 Timoti 1:11

Ana hetofa mono kaga'a Hu'mau ka lamana'a molo neto'ehina yagu nohuto Hu'ma fana meha'a hiti bo, ana bebe sose to hetofa bouba ai lu huto hulata hu'ehinagi yana'mu nani lu yege holata nohube.

Aposolo 2:46

Asaga yupahi utehi etehi moneko naga'i lolo hite sipi mono nonuga li nupa hite bilata hi'ahana, to noha'anigu nose'na monekolugu nupa hite nelata hi'ahana, to fuluna kiya yokolo'nagu minete nose'na nelata hi'ahana yabe.

Matiu 12:25

Kaga lu keheli fa keheli enali nehana kaga'ani Yesu akeheliloto ma luto lu epi'ehina: Hepa'i luga'a enali'aniguti loko luku hilete luba hilata nehana yatamalo luba hite minelata menehabe. To hepa'i mone'magifi to lalamehe naga'i mone'magi loko hilete luba hilata nehana enali ya'mana hepa'ifi to lalamehe naga'ifi mino bati hite meminalana'mu yabe.

1 Tesalonika 3:6

To yatai Timotiu lenalitogati i behe huto oto kaga'a beto hu'ehibe. Kilisitotoga keheli amuya mele'ahanamofihi to komopatini epilata nehana yamofihi lamana ka lu limi'ehibe. To lenali ya'ma lali kumu laga'a kehelilata nehanamo to lali lenali'i bu lenagalune luto kehelilata nohutamo ya'ma lenali ana suhi hite lali bu lenagalune lite kehelilata nehanamo ni'ibe. Yamofihi ka'a alu su ho'ehigo komopatigu bati huto nohune.

Kolose 1:4

To lenali Yesu Kilisitohi keheli ule'ale hite agoya hu emi'ahanana'mu to Hu'mamofihi bonatoga asaga'i leniginaga fite kaba nehanana'mu kehelilototi'a Hu'mamofihi fokehi nolu'ibe.

Filipai 2:24

Ya hinogo Sipi Bouba keheli niminogo nani'ni hiti ya'ma fana hoto minoto'ni lenalitoga lilube'mu ya suhi huto ya'ma keheli'ohube.

Efeso 1:15

To ya nohigo nani lenali Sipi Boti Yesu kumu keheli ule'ale hite agoya emilata nemina, to Hu'mamofihi bona'i asagatoga lenemehi epite minelata nehana ka keheliloto lenali kumu luto Hu'mamofitoga fokehi hoba hoba nohuna ya'ma menohe'mube. Lenali kumu yabe luto Hu'mamofitoga lulata nohuna ni'ibe.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Galesia 1:7

Ka lamana'a ya'ma fato fato ka meni'inaya fa'mene bona'i luga'amagi Kilisitohi ka'a ya'ma li sibina hilupi lite fato mono ka lu lepite komopatini li sibi sibi hite yamofihi suhi hilata nehabe.

2 Koliti 9:13

Lenali Kilisitohi ka lamana'a kehelilete li pili kete lite neminana yamofihi hapa'a to lenali Yelusale hepatoga mono ka keheli'ahana bona'i to lenalalutigihi luga'a asaga'i enali hiti lenipagu bati hinogo kehelite babu lite enehe'melata nehanamofihi hapa'a huto hilenogo Hu'mamofihi fayahi mino baga ito minalibe lite le'mo ho tilune'mu habe.

2 Koliti 4:4

Enali ya'ma ana metogati gihiti bo moneuba gi'a Satau, ai komopa'ani fi hekini lago Kilisitotoga keheli meemise neminabe. To ai komopa'ani fi hekini lago enali ka lamana'amofihi fana meha'auba komopa'anigu limilenogo Kilisito Hu'mamofihi babeyafalo nominana bomofihi fana meha'a bu go fe lite bu menegabe.

Romu 15:29

To lenalitoga buto lenofotula hoto Kilisitou lusa gi lepalalina babu luto lenalitoga huto hilibe luto'ni ya'ma akeheli'ohuna yabe.

Romu 15:16

Nani Yesu Kilisitohi lili'nalo bo nohunagi nani fegutoga bona'i Hu'mamofihi baga'aguti lamana ka lito lu yege ho epologo keheli'ahanaya, enali mamufa molo emi'ehina suhi hite nehabe. To nani lusa gilata bo suhi huto nohube. To Sikalafu'uba enele'mo bati hinogo Hu'mau fokehi luto, enele'malube ligo ya'ma mono bona'i lolo huto lili'na nolube.

Romu 10:8

Yesuhi mege'i molose'namofihi hapa'a ya huto meni'ibe. Ana fayahi ma luto mono bukugu nolibe: Ka hapa'a foto'i meni'ibe. Lebato'isi ni'ito komopakagu kabagakagu ni'ibe. To lali kagamu'i lu yege nohota ka yabe.

Romu 1:9

Nani Hu'mamofihi pana'amu ya'ma hetofa ka lamana'a lu yege hoba hoba nohube luto'ni ya'mana lusiga noluta Hu'mau ai keheli bati hu'ehina. Ma'naka luto nani asaga yupahi ete hiti ute hiti lenali kumu Hu'mamofitoga nunumu nohugo ana huto ai keheli'ehina yabe.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

Aposolo 24:24

Luga'a kana bulago Felikiu liha'a Tulusilau Yuta nagalugu a'i hiti le'moto o'ehina. To Felikiu Poluhi kehe igo ago Yesu Kilisitotoga agoya hu emito minose'namofihi kaga ligo keheli keheli huto mino'ehina.

Filipai 3:20

Ya hite nehinogo lali ya'ma kokuluma afo'agita nohuto lenubuto bilata bo, Sipi Bo Yesu Kilisito ai kokulumaguti limilina'mu geba huto nominone.

Filipai 4:1

Ya'mu komopa'ni lepi'ohuna nalalu'nigita komopa'niuba ya'ma lenali kumu mone'a hiti nonebesibe. Lenali foya'nimofihi legeya'a lolo hi'ahago lenali kumu negelo bilata nohube. Lenali amuya melete Sipi Bomofitoga hepite mino hetofa hite ai naga'i lolo hite minalo.