Filipai 1:26 - Ka Lamana'a Monoꞌi Lu Mu Tifiꞌehina Ka Yabe

²⁶ To ya hulenogo lenalitoga aku'i buto minenogo lenali Polu kumu yabe lite Yesu Kilisitohi fokehi li ete'ahanamagita aku'i molo emito fokehi mone hiti li etalabe.

Filipai 1:26 Referans Kwoze

2 Koliti 5:12

Lali ya luto linogoti keheli'ehinogo lali ya'ma ligiti le'mo ho tilune luto lu noleputa'a meni'ibe. Lenali fa'mene lali kumu keheli bati hinogo netinogo lenali bona'i luga'amagihi komopa'ani topa mehanogo minete enugufamofihi nasana'muko kehelite enigi'ani li ho tite minelata nehana'a yamofihi nani hapa'ni lu epinogo keheli bati hilabe luto nolune.

Filipai 4:4

Lenali asaga yupahi Sipi Bomofitoga i ke'mete yanamofihi komopa'agu minete lenegelo bite minalo. Nani aku'i lenegekesa lito lilube. Komopatinigu haya inogo minalo.

Filipai 3:3

Ya'ma lugufati laga hilutauba Hu'mamofihi yagapana'i lele'mo lolo hilina meni'ibe. Lali Hu'mamofihi yagapana'i nohuta bona'i ya'ma lugufalo hu'ohutanamomu'i lamana huto minalune luto menolune. Lali Hu'mamofihi Sikalafu'uba nolehe'menogo Hu'mamofihi agoya emilata nohuta to Yesu Kilisitou lele'mo mino bati higo legelo bito nohuto nominone.

Filipai 4:10

Lenali kana yatama fa'mene mine lite tite yatai aku'i nele'mo lamana hilune'mu nehago yamofihi kehelugo Sipi Bomofitoga buto li so nokigo komopa'nigu bati'na lamana'a nokehelube. Koyapa'i lenali nani kumu kehelise'na keheli'ahanaya ana'ina silaga'na li netalune lite kapo'mu sa hilata nehanauba keta lepesigo menehe'me'ahabe. To yatai aku'i nele'mo bati nehana yabe.

Filipai 3:1

Nalalu'nigita, ka mone ya huto lu su halube'mu nohube. Sipi Botiuba komopatinigu sabiyana lolo hu lepalalibe. Ana kaga ana suhi huto koyoto aku'i lu lepilube luto keheli'ohuna ya'ma kana keta mehu'ehina to lenalitoga ya'ma mino moloto nohuto lenele'mo hetofa hu lepalalibe.

2 Koliti 7:6

Ya huto nohutogo megusa yagapana'magihi komopa'ani le'mo bati hulata bo Hu'mau ai ya'ma Taitasi le'mo gelehe hilago oto le'mo amuya molo leto'ehina.

Yoni 16:24

Lenali afeha'aga ema mine lite ti'ahanalo ya'ma nani nigi'ni lite nehite ana'ina'mu buka buka meti'ahanamo ni'ibe. Komopatinigu haya ilina nasanauba i futili huto bai toto minalibe lite buka tite lilune'mu nehabe.

Yoni 16:22

Lenali hiti ana suhi hite yatai keke'i lilana aku'i bu lenegenogo'ni komopatinigu haya ilube'mu hina'a bai talina'mu. Ya'ma huto hulenogo kene moneuba lenebesilito li mehe'milina'mu yabe.

2 Koliti 7:4

Lenali Hu'mamofitoga ule'ale hite neminana komopa'nitu keheli'ohuto lenofokehi nolube. Lenali komopa'ni le'mo fulu nehago keke'i luse'namofihi gupisalo nominoto'ni bati huto minoto negelo'ni sipi nobube.

2 Koliti 7:14

Nani koyapa'i lenele'mo hofa toto lenali kumu nofokeha kaga'ni ya'ma Taitasihi lu emi'ohunamo ni'ibe. To lenali kumu ka lu emi'ohuna yamofihi legeya'a ya'ma huto hu su ho'ehinamo ni'ibe. Nani ka'ni ya'ma faga hiti mone lu melepi'ohunamo ni'ibe. Ana huto lenigitini le'mo ho tito Taitasihi lu emi'ohunamofihi ya'ma legeya'a alolo hu'ehinamo ni'ibe.

Galesia 6:4

Yana'mu folagahatiniguti mone'amagi eto eto hite hapa hapatini bu go bebe salo. To hapatini mone bati hinogo bu gelete ana hapa hapatini lenegelo bise kamofihi huto hilina. Yamofihi lenalitini lite melete hilana yanauba li huto hilibe. Bona'i mone'amagihi hapa'aniga keheli melete legegeto hilafi lite ya melilo.