Filipai 1:23 - Ka Lamana'a Monoꞌi Lu Mu Tifiꞌehina Ka Yabe

²³ To loe lae nasana'mu ni'igo hena'ni hilube? Nani mone'namufi mone'namu laga nebesilata nohibe. Metogati Kilisitou nele'mo hulenogo ai hiti minose'na hiluna laga'ni nebesilago yanauba ya'ma nasana tito ni'ibe.

Filipai 1:23 Referans Kwoze

2 Koliti 5:8

Ya nohutoti sibi komopati le'mo hetofa huto nohinogoti lugufatu kame hepato nominotamofihi ya'ma he'mito koto hepatoga Sipi Bo hiti minolata'a yamofihi laga'a kehelilata nohune.

Huto Hilina Ka 14:13

Ya hulago kokulumaguti nogo moneuba ma luto limigo keheli'ohuna: Kai kaga ya'ma fayahi akoyobo. Ya'ma kana yupahi ifo'aga Sipi Bomofitoga foya'a lilete ise gite fililana'a enali komopa'anigu lamana'a kehelilana enali kumu bati hi epalalina'mu yabe. Ya luto ligo Sikalafu'uba ai ka nona'a ma luto emi'ehina: Lama'naka. Enali ya'ma sipi foya'animofihi molo legege hite melete enabasu bite mino fulu hilana'mu yabe. Ya hilete nebinogo minete lite hi'ahanamofihi lamana'a enemege'i moloto bilina'mu yabe.

Aposolo 7:59

Ya hilete efaha osahi Sitifenihi gufalo ite mine'ahana. To Sitifeniu ma luto nunumu hu'ehina: Sipi Bo Yesu, kai nemeha'ni libo.

Luku 23:43

Ya ligo Yesu ma luto lu emi'ehina: Nani ma'naka luto lu nokumube. Yatai ma'asi kai nani hiti miya omihi foyagu minalu'ibe.

2 Timoti 4:6

Enali keye lite'ani suhi huto nani nugufaloti migufa'a nalune'mu habe. Nani ma meluguti he'miloto abiluna kana anasi tupa nohibe.

Yoni 17:24

Ke, Afo'niga. Nanitoga enele'mo molo'ahata bona'i ya'ma enali nani minalunaga mine malalabe luto lu nokumube. Yalo nehite ya'ma me'i huto mehu'ehigo komopaka nanitoga molo'ahata kokulumagu fana meha'a molo neto'ahatamofihi bu go fe lilabe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

1 Tesalonika 4:17

Ho tilenogo lali lubu hiti nohuta'a Hu'mau lele'mo tilenogo enali hiti Sipi Bo hiti sopopogu fo tula haluta'mu yabe. Ya huloto lali asaga'i Sipi Boti hiti mino lito buto minalune.

Luku 12:50

Nani mone fi taga huse'na nanitoga huto hilibe, luto nekesa noyugube, lu'ehina. Ya nohuna yatai ana fi taga huse'na su mehenogo sipi keta nonebesibe, luto Yesu lu'ehina yabe.

1 Tesalonika 2:13

To lali Hu'mamofihi kaga lu lepi'ohutogo lenali ya'ma bona'magihi kaga ni'ibe lite melise ya'ma Hu'mamofihi ka lamana'a yabe lite kehelite li gu i'ahanamo ni'ibe. To lamana'a ya'ma huto ni'ibe. Hu'mau ya'ma aitoga keheli emilata bona folagaha'anigu minoto foya'a lilata nohibe. Ya'mu lenalitoga ya huto nominana'mu lali ya'ma Hu'mamofihi fokehi mone hiti holoto nominone.

Yoni 13:1

To mone kana'a nose'na laita hite nalana Pasa yabe nelana ya'ma yupahi leba talina Yesu ma meluguti he'mito afo'afihi hepato bilina kana ma'asi huto hilibe luto akeheli'ehina. Ai boana'a ma melugu mine'ahanamagihi asaga yupahi keke'i lu epolo'ehina. To ai keke'i lu epolose'na'a minomo buto su meho'ehigo ai fili'ehina.

Luku 8:38

Ana bo gufaguti foipa fele Yesu li he'mi etana bouba Yesu kumu: Nani hiti bilu'ibe luto mege'i lifito nobinamo Yesu aku'i ho lifi he'miloto ma luto lu emi'ehina:

1 Tesalonika 2:1

Lalalutigita, lenalitoga buto minoto lu'ohuta ya'ma fa'menena lolo mehibe lite lenalitini keheli'ahabe.

2 Koliti 6:12

Laliti yamofihi komopati amuya moloto lenele'mo hetofa hulata nohune. Lenali lenemehi limilata nehana yamofihi nesi'asi ni'ibe.

Filipai 1:24

Lenehe'mose'namu minalube luto to lenali megusa'a mine lalabe luto ya'ma lenali kumu yabe luto metoga aku'i yamofihi emito minenogo'ni bati hilibe.