Filipai 1:22 - Ka Lamana'a Monoꞌi Lu Mu Tifiꞌehina Ka Yabe

²² To metoga molo emito minaluna yanauba foyamofihi lamana'a aku li huto hilibe. Yamofihi henana'mu keta mehuse hilube luto negekesagu loe lae hu'ehibe.

Filipai 1:22 Referans Kwoze

1 Pita 4:2

To yatai kanagu lenugufamofihi enumu fililatana yamofihi melise Hu'mamofihi bagaguti kaga'a kehelite ma melugu mineme bite minalabe.

Galesia 2:20

Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.

Filipai 1:24

Lenehe'mose'namu minalube luto to lenali megusa'a mine lalabe luto ya'ma lenali kumu yabe luto metoga aku'i yamofihi emito minenogo'ni bati hilibe.

Aposolo 3:17

Nalalu'nigita ma'naka lite lenali hiti to kaba botinimagi hiti lenali ka keheli bati huse'natini meni'igo ya'ma suhi li huto hi'ahabe.

2 Koliti 10:3

Lali fa'mene bona'i ma metoga minoto humofa'na hu'ohutamo ni'inaya Hu'mamofihi kaga kumu yabe luto luba hulata nohuta yamofihi metoga bona'magihi tafa komopa'anitu kenasabo bilata nehana ya huto meni'ibe.

Kolose 2:1

To nani lenali'i to Leotisea hepatoga bona kumu to nokaba'ni bu mege'ahana bona kumu lusi lili'na noluna nekehelifiye?

Romu 11:2

Hu'mau koyapa'i fuku luto enele'mo'ehina bona'a he'mi meepolo'ehina. Hu'mamofihi kaga lu yege hose bouba, Elaiyau Isilaeli bona kumu lu'ehina ka mono bukugu ni'igo beto hilane. Ai ka foyagu enele'mo moloto ma luto Hu'mamofihi loka ho'ehina:

Romu 1:13

Nalalu'nigitabe, keheli fe lilo. Babu yupahi lenalitoga buto lenebe ligilube'mu nohugomo fato lili'nauba nele'mo mololata nohibe. Nani nekesa kehelito fegutoga bona'i Hu'mamofihi kaga'alo mege'i mele'ahana suhi luto lenali ana hite mege'i malalabe luto ya'ma nebesi'ehina.

Filipai 1:23

To loe lae nasana'mu ni'igo hena'ni hilube? Nani mone'namufi mone'namu laga nebesilata nohibe. Metogati Kilisitou nele'mo hulenogo ai hiti minose'na hiluna laga'ni nebesilago yanauba ya'ma nasana tito ni'ibe.